మంగళవారం లోన్ కానీ, అప్పు కానీ తీసుకుంటే ఏమవుతుంది ?

సాధారణంగా మంగళవారం, శుక్రవారం అప్పు ఇవ్వకూడదు, లక్ష్మీదేవిని ఇతరులకు ఇవ్వకూడదు అని చెబుతుంటారు. అయితే.. మన చేతుల నుంచి ఇతరులకు ఇవ్వడమే కాదు.. మనం కూడా అప్పు తీసుకోకూడదని హెచ్చరిస్తోంది జ్యోతిష్య శాస్త్రం. అంతేకాదు.. లోను కూడా మంగళవారం ఎట్టిపరిస్థితుల్లో తీసుకోకూడదు అంటోంది జ్యోతిష్య శాస్త్రం. ఎందుకు ?

మంగళవారాన్ని కుజుడు పాలిస్తాడు. కుజుడిని భూమాత పుత్రుడిగా హిందూమతం, భారతీయ జ్యోతిష్య శాస్త్రం చెబుతాయి. భూమి సైజుతో పోల్చితే.. కుజ గ్రహం పరిమాణం సగం ఉంటుందట. కాబట్టి ఈ గ్రహం ప్రభావం భూమి మీద ఉండే మనుషులపై చాలా బలంగా, గొప్పగా ఉంటుందని వేద శాస్త్రం చెబుతుంది.

కుజు గ్రహం స్వభావం చాలా ముతకగా ఉంటుంది. అంటే సున్నితతత్వం కలిగి ఉండదు. గొడవలు, రివెంజ్ వంటి లక్షణాలను కలిగి ఉంటుంది. చాలావరకు కుజు గ్రహాన్ని ఎవిల్ గా భావిస్తారు. చాలా క్రూరమైన తత్వం కలిగించడానికి కారణమవుతుందని భావిస్తారు. అయితే ఈ గ్రహానికి చెందిన వాళ్లకు స్ట్రాంగ్ సెక్స్ డ్రైవ్ కలిగి ఉంటారట.

మంగళ, శుక్రవారాలు ఇతరులకు డబ్బు ఎందుకివ్వకూడదు? కారణం ఏమిటి?

మంగళవారం ఎందుకు లోను తీసుకోకూడదు ?
జ్యోతిష్య శాస్త్రం ప్రకారం మంగళవారాన్ని కుజుడు పాలిస్తాడు. కాబట్టి.. మంగళవారం అప్పు తీసుకోవడం ఏమాత్రం పవిత్రమైనది కాదు. మంగళవారం అప్పు గానీ, లోన్ కానీ తీసుకోవడం వల్ల దాన్ని తీర్చడానికి ఎక్కువ రోజులు, సంవత్సరాలు పడతాయని జ్యోతిష్యులు హెచ్చరిస్తున్నారు. కాబట్టి.. మంగళవారం ఎట్టిపరిస్థితుల్లో అప్పుగానీ, లోను కానీ తీసుకోవద్దని సూచిస్తున్నారు. అంతేకాదు మంగళవారం కొత్త బట్టలు ధరించకూడదని చెబుతోంది జ్యోతిష్య శాస్త్రం.

మార్స్ ని తృప్తి పరచాలంటే ?
కుజు గ్రహ ప్రభావంతో ఇబ్బందిపడేవాళ్లు.. చాలా అలర్ట్ గా ఉండాలి. కుజుడి ప్రభావం వల్ల మానసిక ప్రశాంతత కోల్పోవడం, అనవసర గొడవలు ఇలాంటి ఇబ్బందులు ఎదుర్కోవాల్సి ఉంటుంది. కాబట్టి.. అలాంటి వాళ్లు రాగిని దానం చేయడం వల్ల మార్స్ లేదా కుజ గ్రహాన్ని తృప్తి పరచడమే కాకుండా.. అదృష్టం తీసుకొస్తుంది.