ప్రపంచంలోనే పొట్టి మహిళ గురించి నమ్మలేని నిజాలు!

ఆమె ఎత్తు అస్సలు పెరగలేదు.

జ్యోతి ఎత్తు 62.8 సెంటీమీటర్లు అంటే దాదాపు 2 అడుగులకు కొద్దిగా ఎక్కువ, బరువు ఐదున్నర కె.జీ లు మాత్రమే. ఈమె పుట్టినప్పటి నుండి చాలా కొద్ది బరువు మాత్రమే పెరిగింది. ఇందుకు కారణం ఆమెకు ఉన్న ఒక ఆరోగ్య సమస్య. దాని పేరే ' ఆచోన్డ్రోప్లేసియా ( ఎముకలందలి తరుణాస్థి ఎదుగుదలలోపమువల్ల కలిగిన మరుగుజ్జుతనము ) ' . దీని వల్ల శరీరం ఎదుగుదల పూర్తిగా ఆగిపోతుంది. అందుచేతనే ఈమెలో ఎదుగుదల పూర్తిగా లోపించింది.

ఈమె ఈ స్థితి తో బాధపడుతోంది అనే విషయం ఆమెకు ఐదు సంవత్సరాలు వచ్చే వరకు తెలీదు.

ఎప్పుడైతే జ్యోతికి ఐదు సంవత్సరాల వయస్సు వచ్చిందో ఆ సమయంలో ఈమె అరుదైన ఎముకలకు సంబంధించి ప్రమాదకరమైన వ్యాధితో బాధపడుతోంది అనే విషయాన్ని కుటుంబం గుర్తించింది. వెంటనే ఒక నిపుణుడైన వైద్యుడ్ని జ్యోతి కుటుంబం సంప్రదించడం జరిగింది. కానీ, డాక్టర్ విస్తుపోయే నిజాన్ని బయటపెట్టాడు. ఆమె జీవితాంతం ఇక ఎప్పటికి ఎత్తు పెరగదు అనే నిజాన్ని చెప్పేశారు.

ఆమె స్థితి ఆలా ఉన్నప్పటికీ కూడా సాధారణ పిల్లలాగానే ఆమెతో అందరూ ప్రవర్తించాలని కోరుకుంటుంది.

ఈమె యుక్తవయస్సులో ఉన్నప్పుడు నాగపూర్ లో ఒక పాఠశాలకు వెళ్ళేది. ఈమె గురించి ఆ పాఠశాలలో ఒక చిన్న బల్ల మరియు కూర్చు ఉండేది. ఆమె తన జీవితానంతా సాధారణ పిల్లలు లాగానే ఆనందంగా గడిపారు. ఒక ప్రత్యేకమైన చిన్న పిల్లగా చూడటానికి జ్యోతి అస్సలు ఇష్టపడేవారు కాదు.

సాధారణ జీవితం గడపటానికి ఆమె చుట్టూ ఉన్న ప్రతి ఒక్క విషయాన్ని మార్పు చేయడం జరిగింది.

ఆమె పాఠశాలలో కూర్చొనే బల్ల మరియు కుర్చీ దగ్గర నుండి దుస్తులు మరియు బంగారం ఇలా ప్రతి ఒక్క దానిని ఆమెకు తగ్గట్టుగా తయారుచేయడం జరిగింది. ఆమె వాడే ప్లేట్లు, వస్తువులు, పరుపు మరియు ఇతర నిత్యావసర అవసరాలన్నింటికీ సంబంధించిన వాటిని ఆమె కోసం ప్రత్యేకంగా రూపొందించడం జరిగింది.

అత్యంత పొట్టి మహిళగా ప్రకటించారు.

ఆమె యొక్క 18 వ పుట్టినరోజు సందర్భంగా గిన్నిస్ బుక్ అఫ్ వరల్డ్ రికార్డు వారు అధికారికంగా ప్రపంచంలోనే అత్యంత పొట్టి మహిళ జ్యోతి అనే విషయాన్ని 2011 లో ప్రకటించారు. కొన్ని వర్గాల నుండి అందిన సమాచారం ప్రకారం, ఇంతకుముందు ఇదే రికార్డు సృష్టించిన అమెరికా కు చెందిన బ్రిడ్జెట్టే జోర్డాన్ కంటే కూడా ఈమె 6.7 సెంటీమీటర్ల ఎత్తు తక్కువగా ఉంది.

ఆమెలో ఉన్న లోపం ఆమె ఎదగడానికి అడ్డంకిగా మారలేదు.

ఎదో ఒకరోజు తానూ ఒక గొప్ప బాలీవుడ్ హీరోయిన్ అవ్వాలని కలలు కనేది. ప్రపంచంలోనే అత్యంత పొట్టి మహిళ ఈమె అనే బిరుదు దక్కించుకున్న తర్వాత బాలీవుడ్ లో నటనాప్రస్థానం వైపు తన దృష్టిని మరల్చింది. బాలీవుడ్ నటులలో సల్మాన్ ఖాన్, కత్రినా కైఫ్ మరియు అమితా బచ్చన్ లు అంటే ఈమెకు ఎంతో ఇష్టం.

ఈమెకు తన జీవితంలో అంతా మంచి జరగాలని ఆశిద్దాం.