కేన్స్ : రెడ్ కార్పెట్ పై రెడ్ కలర్ డ్రెస్ తో బోల్డ్ గా..సెక్సీగా ఐశ్వర్య రాయ్

కేన్స్ ఫిల్మ్ ఫెస్టివల్ అట్టహాసంగా కొనసాగుతోంది. అందమంతా ఇక్కడే కొలువుదీరిందా అన్నట్లుగా..ప్రపంచవ్యాప్తంగా ఉన్న ఎంతో మంది సుందరాంగులు కేన్స్ ఎర్ర తివాచీపై సోయగాలు ఒలకబోస్తున్నారు.

మూడో రోజు నీలం రంగు గౌనులో డిస్నీ రాకుమార్తెలా కనిపించిన ఐష్...నాలుగో రోజు ఎరుపు రంగు గౌన్ లో అందరి చూపులనూ తనవైపే తిప్పకోవడం విశేషం...

కేన్స్ వేడుకల్లో నాలుగో రోజు ఐష్ రెండు లుక్స్ లో కనిపించింది. మొదట ప్రెన్ ఇంటర్వ్యూల కోసం నలుపు రంగు ఆషి స్టూడియో డ్రెస్ లో కనిపించింది.

ఈ ఆఫ్ షోలర్డ్ డ్రెస్సులకు జతగా నీలం రంగు ఐ మేకప్ వేసుకున్న ఆమె నారింజ రంగు లిప్ స్టిక్ తో బోల్డ్ గా కనిపించింది. బీచ్ లో ఫోటోలకు ఫోజులిస్తూ గడిపింది.

ఆ తర్వాత రెడ్ కార్పెంట్ పై నడిచేందుకు ఈ అందాల సుందరి ఎరుపు రంగు గౌన్ ను ఎంపిక చేసుకోవడం విశేషం. ఈ రాల్ఫ్ అండ్ రూసో కోచర్ గౌన్ లో ఐశ్వర్య అద్భుతంగా కనిపించింది. ఈ ఆఫ్ షోల్డర్ గౌన్ కి జతగా సింపుల్ జ్యులరీని ధరించిన ఐష్ మెరూన్ కలర్ లిప్ స్టిక్ తో ఆకట్టుకుంది.