రైల్వే స్టేషన్‌లో కానిస్టేబుల్ నిద్రిస్తున్నట్టు నటిస్తూ మహిళను ఎక్కడెక్కడో టచ్ చేశాడు (వీడియో)

కళ్యాణ్‌ రైల్వే స్టేషన్‌లో

ముంబైలోని కళ్యాణ్‌ రైల్వే స్టేషన్‌లో తాజాగా ఈ ఘటన చోటుచేసుకుంది. రైల్వే స్టేషన్‌లో ఇద్దరు మహిళలు ఆరో నంబర్ ప్లాట్‌ఫాంపై ఉన్న సీట్లలో కూర్చుని రైలు కోసం ఎదురుచూస్తున్నారు. వీరి పక్కనే రాజేశ్ జహంగీర్ అనే ఆర్‌పీఎఫ్ కానిస్టేబుల్ కూర్చుని ఉన్నాడు. జహంగీర్ పక్కన కూర్చున్న మహిళ ఉక్కపోతగా ఉండటంతో టవలత్ బాబుకు గాలి విసురుకుంటోంది.

అభ్యంతరకరంగా తాకాడు

ఇక కానిస్టేబుల్ నిద్రిస్తున్నట్టు నటిస్తూ పక్కనే కూర్చున్న మహిళను అభ్యంతరకరంగా తాకాడు. అంత మంది స్టేషన్‌లో ఉన్నారన్న ఇంగితజ్ఞానం కూడా లేకుండా ఆ మహిళపై కావాలని చేయి వేసి అసభ్యంగా ప్రవర్తించాడు. కానిస్టేబుల్ వికృత చేష్టలను ఆ మహిళ పక్కనే కూర్చున్న మరో మహిళ గమనించింది.

దేహశుద్ధి చేశారు

ఆ తర్వాత ఆ మహిళ వారించగా మరో ప్రయాణీకుడు, మరికొందరు అతడికి దేహశుద్ధి చేశారు. దీంతో మిగిలిన ప్రయాణికులు కూడా తలోచేయి వేసి దేహశుద్ధి చేశారు. అలా చట్టాన్ని కాపాడాల్సిన పోలీసోడే దారి తప్పాడు. కామంతో కళ్లు మూసుకుపోయి మహిళతో వెకిలి వేషాలు వేశాడు. ఇదంతా అక్కడి ప్రయాణికులు ఎవరో వీడియో తీసి సోషల్ మీడియాలో పోస్టు చేయడంతో వైరల్ అయింది.

నిందితుడిపై చర్యలు

అయితే దీనిపై విచారణ జరిపి కానిస్టేబుల్‌ను సస్పెండ్ చేశామని డివిజినల్ కమిషనర్ సెంట్రల్ రైల్వేస్ సచిన్ భలేడ్ పేర్కొన్నారు. దీనిపై ఎలాంటి ఫిర్యాదు అందలేదని, వీడియో ఆధారంగా నిందితుడిపై చర్యలు తీసుకున్నట్టు ఆయన చెప్పారు.

తగిన శాస్తి జరిగింది

రైల్వేస్టేషన్ వద్ద మహిళల భద్రత కోసం చర్యలు తీసుకుంటున్నామని, పరిసర ప్రాంతాల్లో ఒక మహిళా పోలీసు అధికారి నేతృత్వంలో ఐదు మహిళా శక్తి టీమ్స్‌ నిరంతరం గమనిస్తూనే ఉంటారని తెలిపారు. అయినా ఇలాంటి ఘటనలు జరగడం దురదృష్టకరమన్నారు. మరోసారి జరగకుండా చూస్తామన్నారు. ఇక కానిస్టేబుల్ చేసిన తప్పుడు పనికి తగిన శాస్తి జరిగిందని నెటిజన్లు హర్షం వ్యక్తం చేశారు.