బోరుబావిలోకి తలకిందులుగా దూరి ఇతను చేసిన సాహసాన్ని చూస్తే వావ్ అనాల్సిందే! ఏం గట్స్ రా బాబూ

మేకపిల్ల పడిపోయింది

అయితే కర్నాటకలో కొన్ని రోజుల క్రితం ఒక సంఘటన చోటుచేసుకుంది. ఒక బోరు బావి గుంతలో చిన్నపాటి మేకపిల్ల పడిపోయింది. దాన్ని ఎలా బయటకు తీయాలని అందరూ ఆలోచిస్తూఉన్నారు.

పెద్ద లోతుకు పోకపోవడంతో

బోరుబావి గుంత చుట్టూ చేరి అందులోకి తొంగిచూస్తూ మేకపిల్ల ఎంత లోతు లోపల ఉందో పరిశీలించారు. మేక పిల్ల పెద్ద లోతుకు పోకపోవడంతో దాన్ని తీసేందుకు ప్రయత్నించారు. కానీ ఎవ్వరికీ ఆ మేకపిల్లను ఎలా తియ్యాలో అర్థం కాలేదు. ఇక కొందరైతే దాన్ని తియ్యడం కష్టం వదిలేద్దామన్నారు.

Image credit (all pics)

పొట్టిగా ఉన్నా గట్స్ మాత్రం అదుర్స్

అంతలోనే ఒక హీరో వచ్చాడు. చూడడానికి పొట్టిగా ఉన్నా గట్స్ మాత్రం అదుర్స్. బోరు బావి గుంతలో మేక పిల్ల ఎంత లోతులో ఉందో పరిశీలించాడు. అరే.. భాయ్ నన్ను గట్టిగా పట్టుకోండి.. నా తల మొదట గుంతలో పెడతాను. తర్వాత నా కాళ్లను గట్టిగా పట్టుకుని నన్ను అందులో జారవిడచండి కచ్చితంగా నేను మేకపిల్లను బయటకు తీసుకొస్తాను అన్నాను.

గుంతలోకి తల పెట్టాడు

మేకపిల్ల కోసం అంత ధైర్యం చెయ్యొద్దులే అంటే అతను వినలేదు. వెంటనే గుంతలోకి తల పెట్టాడు. తర్వాత అతన్ని చిన్నగా జారవిడిచారు. అంతే క్షణాల్లో మేకపిల్ల చెవిని పట్టుకుని బయటకు తీసుకొచ్చాడు. చుట్టు పక్కనున్న వాళ్లు మొత్తం ఆశ్చర్యపోయారు. ఎవడ్రా వీడు.. నిజంగా మగాడే అనుకున్నారు.

మోహన్ దాస్ మీనన్

ఇక ఈ వీడియోను మోహన్ దాస్ మీనన్ అనే ఆయన ట్విట్టర్ లో పోస్ట్ చేశాడు. దానికి కొన్ని వేల లైక్స్, వ్యూస్ వచ్చాయి. చాలా మంది అతని డేర్ ను పొగుడుతూ కామెంట్స్ చేశారు. అయితే కర్ణాటకలో ఇది ఒక రూరల్ ఏరియాలో జరిగినట్లు తెలుస్తుంది కానీ ఎక్కడ జరిగిందో స్పష్టంగా తెలియదు.