వైరల్ : ఆ విషయంలో హీరో ప్రిన్స్ మహేష్ బాబునే మించిపోయిన సుధీర్ బాబు.. గాల్లో తేలుతూ అందరికీ షాక్..!

రియల్ విన్యాసాలు...!

తన విభిన్నమైన నటనతో టాలీవుడ్ లో తన కంటూ ఓ గుర్తింపు తెచ్చుకున్న ఈ యంగ్ హీరో రీల్ లైఫ్ లోనే కాకుండా రియల్ లైఫ్ లోనూ తెగ విన్యాసాలు చేస్తున్నాడు. అంతేకాదు వాటిని సోషల్ మీడియాలో పోస్ట్ చేస్తూ అందరినీ అలరిస్తున్నాడు..

నెటిజన్ల షాక్...

తాజాగా హీరో సుధీర్ బాబు ట్విట్టర్లో పోస్ట్ చేసిన ఫొటోలను చూసి నెటిజన్లు షాక్ అవుతున్నారు. ఇంతకీ ఆ ఫొటోల్లో ఏముందంటే కింద ఎలాంటి సపోర్ట్ లేకుండా గాల్లో ఆసనాలు వేయడం.

ఎంతవరకు నిజం..

సాధారణంగా బాబాలు, స్వామిజీలు గాల్లో తేలుతూ ఆసనాలు వేయడాన్ని మనం సినిమాల్లో చూస్తుంటాం. అయితే అందులో ఎంతవరకు నిజం ఉందనేది ఆ దేవుడికే తేలియాలి. కానీ కొంత మంది బాబాలు ఇలాంటి విన్యాసాలు చేసి చాలా మందిని మోసం చేసిన వార్తలను మనం ఎన్నో చూశాం.

ఫొటోషాప్ లేదన్నాడు..

తాను ట్విట్టర్లో పోస్ట్ చేసిన ఫొటోలకు ఫొటోషాప్ ఇన్వాల్వ్ మెంట్ అస్సలు లేదనీ సిక్స్ ప్యాక్ హీరో సుధీర్ బాబు అంటున్నాడు. అంతే కాదు నన్ను నమ్మండి అంటూ కామెంట్ కూడా పెట్టాడు. అయినా కూడా నెటిజన్లు దీన్ని అస్సలు నమ్మట్లేదు.

తాంత్రిక విద్యలు నేర్చుకున్నాడా?

సుధీర్ బాబు రాత్రికి రాత్రే ఏమైనా తాంత్రిక విద్యలు నేర్చుకున్నాడా? అందుకే ఇలా గాల్లో ఆసనాలు వేస్తున్నాడా? అంటూ ప్రశ్నలు వేస్తున్నారు?

ఎట్టకేలకు జవాబిచ్చాడు..

తాను పోస్ట్ చేసిన ఫొటోలకు సంబంధించిన ప్రశ్నలకు ఎట్టకేలకు హీరో సుధీర్ బాబు స్పందించాడు. అందరూ నేను గాల్లో ఎలా తేలుతున్నాను అని అనుకుంటున్నారా? ‘ఇందులో ఎలాంటి మాయలు, మంత్రాలు, మర్మాలు లేవు. గాల్లో ఎగురుతూ ఆసనాలు ప్రయత్నించా.. అంతే ఈ రెండు ఫొటోలు కెమెరాకు చిక్కాయి‘ అని తెలిపారు.

PC : Twitter