Click it and Unblock the Notifications
Just In
-
-
-
-
Akshaya Tritiya 2022: 50 ఏళ్ల తర్వాత ఈ రాశులకు శోభన యోగం.. ఏ రాశులకు లాభమంటే...
50 ఏళ్ల తర్వాత అక్షయ తృతీయ రోజున శోభన్ యోగం ఏర్పడబోతోంది. ఈ సమయంలో ఈ రాశుల వారికి ఆర్థిక ప్రయోజనాలు కలగనున్నాయట.
అక్షయ తృతీయ రోజును చాలా మంది హిందువులు పవిత్రంగా భావిస్తారు. హిందూ పంచాంగం ప్రకారం, ప్రతి సంవత్సరం వైశాఖ మాసంలో శుక్ల పక్షం యొక్క తృతీయ తిథిలో అక్షయ తృతీయ పండుగను జరుపుకుంటారు.
ఈ ఏడాది అంటే 2022లో మే 03వ తేదీ మంగళవారం నాడు ఉదయం 5:39 గంటలకు ప్రారంభమై, మరుసటి రోజు అంటే మే 4వ తేదీన తెల్లవారు జామున 5:38 గంటల వరకు కొనసాగనుంది. ఈరోజున శుభకార్యాలు చేయడానికి చాలా పవిత్రమైనదని నమ్ముతారు.
అదే విధంగా ఐదు దశాబ్దాలు(50 సంవత్సరాల) తర్వాత ఇదే రోజున శోభన్ యోగం కూడా ఏర్పడనుంది. అంతేకాదు రోహిణి నక్షత్రం కారణంగా ఈరోజున కుజుడు రోహిణి యోగం ఏర్పడనుంది. దీంతో రెండు ప్రధాన గ్రహాలు స్వయంగా మరియు 2 ప్రధాన గ్రహాలు ఉచ్చమైన రాశిలో కూర్చుంటాయి. ఈ సందర్భంగా కొన్ని రాశిచక్రాల వారికి ఆర్థిక పరంగా అద్భుతమైన ఫలితాలు రానున్నాయి. ఈ జాబితాలో మీ రాశి ఉందేమో ఇప్పుడే చూసెయ్యండి...
అక్షయ తృతీయ రోజున కుజుడు రోహిణి నక్షత్రం శోభన యోగంలో ఉంటారు. మరోవైపు చంద్రుడు వృషభ రాశిలో ఉంటాడు. ఇంకోవైపు శుక్రుడు మీన రాశిలో మరియు శని తన సొంత రాశిలో ఉంటారు. గురువు కూడా ఇక్కడే నివాసం ఉంటున్నాడు. జ్యోతిష్యశాస్త్రం ప్రకారం ఈ నాలుగు గ్రహాలు ఏకకాలంలో అనుకూలమైన స్థితిలో ఉంటాయి. దీంతో ఈరోజున చాలా శుభకార్యాలు నిర్వహిస్తారు. శోభన్ యోగం, గ్రహాల కలయిక కలిసి ఈరోజు ప్రాముఖ్యతను మరింత పెంచుతున్నాయి. ఈ సందర్భంగా ఎవరెవరికి అదృష్టం వరిస్తుంది.. ఎవరెవరికి శుభ ఫలితాలు కలగనున్నాయనే ఆసక్తికరమైన విషయాలను ఇప్పుడు తెలుసుకుందాం...
మేష రాశి..
ఈ రాశి వారికి అక్షయ తృతీయ రోజున ఆర్థిక పరంగా అద్భుతంగా ఉంటుంది. మీరు ఈరోజు కొన్ని చిన్న ప్రయాణాలు కూడా చేయాల్సి ఉంటుంది. అయితే ఇరుగు పొరుగు వారితో కొన్ని గొడవలు రావొచ్చు కాబట్టి జాగ్రత్తగా ఉండాలి.
వృషభ రాశి..
ఈ రాశి వారికి అక్షయ తృతీయ రోజున కొంత ప్రతికూలంగా ఉంటుంది. ఈ పవిత్రమైన రోజున మీరు నిర్ణయాలు తెలివిగా తీసుకోవాలి. మరోవైపు ఆర్థిక పరంగా శుభ ఫలితాలు రానున్నాయి.
మిధున రాశి..
ఈ రాశి వారికి అక్షయ తృతీయ రోజున రక్తపోటు, తలనొప్పి, కీళ్లనొప్పులు వంటి కొన్ని ఆరోగ్య సమస్యలు ఎదురుకావొచ్చు. మీరు కొంత అశాంతిని అనుభవించొచ్చు.
కర్కాటక రాశి..
ఈ రాశి వారికి అక్షయ తృతీయ రోజున పనిభారం ఎక్కువగా ఉంటుంది. మీరు పడ్డ కష్టానికి ప్రతిఫలం దక్కకపోవచ్చు.
సింహ రాశి..
ఈ రాశి వారికి అక్షయ తృతీయ రోజున అద్భుతంగా ఉంటుంది. మీరు ఈరోజున కొన్ని శుభవార్తలు వింటారు. మీరు చేసే పనులతో మంచి పేరు సంపాదించుకోగలుగుతారు.
కన్య రాశి..
ఈ రాశి వారికి అక్షయ తృతీయ రోజున చిన్న చిన్న ఆరోగ్య సమస్యలు ఉండొచ్చు. మీరు కొంత గాయపడొచ్చు. కాబట్టి ఈ సమయంలో జాగ్రత్తగా ఉండాలి. ఆర్థిక పరంగా ఈ కాలంలో స్థిరంగా ఉంటారు.
తుల రాశి..
ఈ రాశి వారు అక్షయ తృతీయ రోజున చాలా అప్రమత్తంగా ఉండాలి. ఈ సమయంలో మీకు రక్తపోటు మరియు చక్కెర స్థాయిలు పెరగొచ్చు. అనవసరమైన విషయాల్లో జోక్యం చేసుకోకూడదు.
వృశ్చిక రాశి..
ఈ రాశి వారు అక్షయ తృతీయ రోజున మంచి ఫలితాలను పొందుతారు. అయితే ఈరోజు ప్రతికూల ఆలోచనలు మిమ్మల్ని ఇబ్బంది పెడతారు. కాబట్టి ఈరోజున ముఖ్యమైన నిర్ణయం తీసుకోకుండా ఉండాలి.
ధనస్సు రాశి..
ఈ రాశి వారికి అక్షయ తృతీయ రోజున చిన్న చిన్న సమస్యలు ఉన్నప్పటికీ, మీరు ఈరోజంతా సంతోషంగా ఉంటారు. మీ వ్యక్తిగత జీవితంలో అంతా మంచిగా ఉంటుంది.
మకర రాశి..
ఈ రాశి వారు అక్షయ తృతీయ రోజున ఉద్యోగం లేదా ఉపాధికి సంబంధించి కొన్ని శుభవార్తలు వింటారు. ఈరోజు మీరు మంచి ప్రేమ జీవితాన్ని కలిగి ఉంటారు. చాలా విషయాల్లో సాధారణంగా ఉంటుంది.
కుంభ రాశి..
ఈ రాశి వారు అక్షయ తృతీయ రోజున పెండింగ్ పనులను ప్రారంభించొచ్చు. ఈరోజు మీకు చాలా మంచిగా ఉంటుంది. ఈరోజంతా మీరు మనశ్శాంతి మరియు సంత్రుప్తితో ఉంటారు.
మీన రాశి..
ఈ రాశి వారికి అక్షయ తృతీయ రోజున ఆర్థిక పరంగా అద్భుత ప్రయోజనాలు కలగనున్నాయి. అందరితో ఈరోజు స్నేహపూర్వక వాతావరణాన్నిక లిగి ఉండాలి. మీ ఆరోగ్యం మెరుగ్గా ఉంటుంది.
