2022లో ఈరోజుల్లో బంగారం కొంటే అదృష్టం వస్తుందట...!

శుభ ముహూర్తాల్లో బంగారం ఎందుకు కొనాలంటే?

జ్యోతిష్యుల అభిప్రాయం ప్రకారం, అధిక ధరతో వచ్చే మరియు దానితో ముడిపడి ఉన్న గొప్ప విలువ కలిగిన వస్తువులను ఎల్లప్పుడూ మంచి రోజున కొనుగోలు చేయాలి. ఉదాహరణకు, క్యాలెండర్‌లో ప్రతిరోజూ రాహు కాలం అనేది ఉంటుంది. ఈ సమయంలో దుష్ట గ్రహాలకు శక్తి ఎక్కువగా ఉంటుంది. అప్పుడు రాహువు ప్రతికూలతను వ్యాప్తి చేసే అవకాశం ఉంటుంది. అయితే ఒకప్పుడు ఆరోగ్య సిద్ధిని కైవసం చేసుకోవడానికి ఈ నగలు ధరించేవారట. అందుకే ఆడవారు, మగవారు ఈ నగలు ధరించడానికి ఆసక్తి చూపేవారట. నవ గ్రహాల ఇష్టతను బట్టి కంఠహారాలు, గాజులు, ముక్కు, పుడకలు, కమ్మలు, వంకీలు, ఉంగరాలను కూడా ఇలాగే ధరించేవారట. ఇంకా బంగారాన్ని కొనుగోలు చేయడానికి అనేక కారణాలున్నాయట. అయితే మీరు బంగారం కొనడానికి ఉత్తమమైన రోజు మరియు శుభ సమయాన్ని అన్వేషించడానికి ఇంకా చాలా కారణాలు ఉన్నాయి.

2022లో సరైన సమయం..

చాలా భారతీయ కుటుంబాలు బంగారం కొనడానికి దీపావళిని ఉత్తమ సమయంగా భావిస్తాయి. దీపావళి నాడు బంగారం కొనడం లక్ష్మీ దేవిని ఇంటికి తీసుకురావడం మరియు సంపద మరియు శ్రేయస్సుతో మనకు అనుగ్రహించడంతో ముడిపడి ఉంటుంది. దీపావళి పండుగ మొదటిరోజు తాండేరాస్‌లో బంగారం కొనుగోలు చేయడం ఆనవాయితీ. హిందూ క్యాలెండర్ ప్రకారం, కార్తీక మాసంలో కృష్ణ పక్షంలోని పదమూడో రోజున తనద్రయోదశి జరుపుకుంటారు. అయితే, భారతదేశం బహుళ-సాంస్కృతిక సమాజం కాబట్టి, వివిధ రాష్ట్రాల్లోని ప్రజలు బంగారం కొనుగోలు చేయడానికి వేర్వేరు రోజులు మరియు సందర్భాలను పరిగణనలోకి తీసుకుంటారు. 2022లో బంగారం కొనడానికి అత్యంత అనుకూలమైన రోజులను మరింత పరిశీలిద్దాం.

ఆర్థిక లావాదేవీలకు..

జ్యోతిష్యంలోని నక్షత్రాలలో పూజా నక్షత్రం ఒకటి. జ్యోతిష్కుల ప్రకారం, శుభ నక్షత్రం రోజు యొక్క నిర్దిష్ట కాలం ఆర్థిక లావాదేవీలకు అత్యంత అనుకూలమైనది. ఈ సమయంలో, ప్రజలు వివిధ కారణాల వల్ల బంగారం కొనడానికి ఇష్టపడతారు. పూజా నక్షత్రం ఏడాది పొడవునా చాలా రోజులు వస్తుంది. కాబట్టి మీరు 2022లో బంగారం కొనడానికి అత్యంత అనుకూలమైన సమయాన్ని ఎంచుకోవచ్చు. 2022లో పూజా నక్షత్రం జనవరి 18, మార్చి 13, ఏప్రిల్ 10, మే 7, జూన్ 3, జూలై 1, జూలై 28, ఆగస్టు 24, సెప్టెంబర్ 20, అక్టోబర్ 18, నవంబర్ 14, డిసెంబర్ 11 తేదీలలో వస్తుంది. ఈ రోజుల్లో మీరు బంగారాన్ని మంచిగా కొనుగోలు చేయొచ్చు.

Makar Sankranti 2022 Horoscope:మకరంలోకి సూర్యుడి రవాణా.. 12 రాశులపై పడే ప్రభావం...!

పండుగ వేళ..

తమిళనాడు క్యాలెండర్ ప్రకారం, పొంగల్(మకర సంక్రాంతి) మొదటి పండుగ కాబట్టి చాలా పవిత్రమైనది. పొంగల్ లేదా సంక్రాంతి అనేది పంటల పండుగ. అందుకే 2022లో బంగారాన్ని కొనుగోలు చేయడానికి అత్యంత పవిత్రమైన రోజులలో ఒకటైన పంట సీజన్ ప్రారంభాన్ని సూచిస్తుంది. 2022లో మకర సంక్రాంతి లేదా పొంగల్ జనవరి 14, 15న జరుపుకుంటారు.

తెలుగు నూతన సంవత్సరంలో..

తెలుగు వారి పంచాంగం ప్రకారం, ఉగాది నుండి నూతన సంవత్సరం ప్రారంభమవుతుంది. ఈ పండుగకు చాలా ప్రాముఖ్యత ఉంది. అయితే భారతదేశంలోని వివిధ రాష్ట్రాల్లో వేర్వేరు పేర్లతో పిలుస్తారు. హిందూ క్యాలెండర్ ప్రకారం, ఏప్రిల్ 2వ తేదీన ఛైత్ర మాసం ప్రారంభమవుతుంది. ఈ పవిత్రమైన చాలా మంది కొత్త ప్రారంభాల కోసం ఎంతో ఆశగా ఎదురుచూస్తారు. అందుకే ఈ సమయంలో బంగారాన్ని కొనుగోలు చేయాలని ఆశిస్తారు.

అక్షయ తృతీయ 2022

హిందూ పంచాంగం ప్రకారం, ప్రతి ఏటా బంగారాన్ని కొనడానికి అత్యంత పవిత్రమైన రోజు అక్షయ తృతీయ. ఏ జ్యోతిష్కుని వద్దకు వెళ్లినా వారు అక్షయ తృతీయ రోజున బంగారం కొనమని సిఫార్సు చేస్తారు. ఇది వార్షిక హిందూ మరియు జైన వసంతోత్సవం. జ్యోతిష్యుల అభిప్రాయం ప్రకారం, ఈరోజున బంగారం కొనడం శ్రేయస్సు మరియు సంపదను సూచిస్తుంది. 2022లో, మే 3న అక్షయ తృతీయ రాబోతోంది.

ఇవన్నీ కలలో కనబడితే ఆదాయం అమాంతం పెరిగిపోతుందట...!

నవరాత్రుల వేళ..

నవరాత్రి పండుగ ప్రపంచవ్యాప్తంగా ప్రసిద్ధి చెందింది. ఈ పండుగను తొమ్మిది రోజుల పాటు జరుపుకుంటారు. ఈ పండుగ సమయంలో ప్రజలు దుర్గా దేవిని పూజించడానికి బయటకు వస్తారు. మండపాలు ఏర్పాటు చేసి అమ్మవారిని అలంకరించి ముస్తాబు చేస్తారు. ప్రజలు బంగారం కొనడానికి ఈ 9 రోజులను ఎంచుకుంటారు. నవరాత్రి సెప్టెంబర్ 26 నుండి అక్టోబర్ 4, 2022 వరకు జరుపుకుంటారు. ఈరోజు బంగారాన్ని కొంటే మీకు లక్ష్మీ దేవి యొక్క పూర్తి అనుగ్రహం లభిస్తుంది.

దీపావళి వేళ..

హిందూ సంస్కృతి ప్రకారం బంగారం కొనేందుకు మరో గొప్ప రోజు దీపావళి. ఈ పవిత్రమైన రోజున ప్రజలు బంగారాన్ని నాణేలుగా లేదా దానితో తయారు చేసిన నగలును కొనుగోలు చేసేందుకు ఎక్కువ ఆసక్తి చూపుతారు. దంతేరాస్ లేదా ధన త్రయోదశి అనే పేరు సంపదకు ప్రతీకగా భావిస్తారు. ఈరోజు లక్ష్మీదేవి ఇంటికి వస్తుందని నమ్ముతారు.

ఏ వారంలో కొనాలంటే..

బంగారం కొనడానికి శుక్రవారం ఉత్తమమైన రోజు. జ్యోతిష్యశాస్త్రం ప్రకారం, శుక్రవారాన్ని సాధారణంగా ఏదైనా కొత్తగా ప్రారంభించడానికి ఉత్తమమైన రోజుగా పరిగణిస్తారు. కానీ, రాహువు కాలాన్ని గుర్తుంచుకోవాలి. అదేవిధంగా బంగారం కొనేందుకు పౌర్ణమి రోజులు అనువైన రోజులు. ఏదైనా కొత్త పనిని ప్రారంభించడానికి కూడా పౌర్ణమి ఉత్తమ రోజు.