Valentines Day Destinations 2023: వాలెంటైన్స్ డే జరుపుకోవడానికి ఇండియాలోని బెస్ట్ ప్లేసెస్

1. శ్రీనగర్‌:

దేశంలో శ్రీనగర్ అత్యంత అందమైన ఆకర్షణీయమైన, ప్రకృతి రమణీయమైన ప్రదేశం. ఇక్కడి నేచర్ ఎవరి మనస్సునైనా గిలిగింతలు పెడుతుంది. నిర్మలమైన సరస్సులు, అద్భుతమైన లోయలు, ఉత్కంఠభరిత తోటలు ఒక్కటేమిటి ఇక్కడ చూడదగ్గవి, తప్పకుండా చూడాల్సిన ఎన్నో ఉన్నాయి. దాల్ సరస్సులో షికారా విహారయాత్ర ప్రతి ఒక్కరూ ఆస్వాదించాల్సిందే. తులిప్ గార్డెన్ లో మీ ప్రియమైన వారితో నడవడం అద్భుతంగా ఉంటుంది.

2. నైనిటాల్‌:

నైనిటాల్ ఉత్తరాఖండ్ రాష్ట్రంలోని సుందరమైన హిల్ స్టేషన్. ఇది సముద్రమట్టానికి 2084 మీటర్ల ఎత్తులో ఉంటుంది. ఇక్కడ ఫిబ్రవరి నెలలో వాతావరణం చాలా రొమాంటిక్‌గా ఉంటుంది. మీ ప్రియమైన వారితో నైని సరస్సులో బోటింగ్ చేయాల్సిందే. ఇక్కడ చూడదగ్గ ప్రాంతాలు చాలా ఉంటాయి.

3. ఉదయ్‌పూర్‌:

ఉదయ్‌పూర్‌ను సిటీ ఆఫ్ లేక్స్, వైట్ సిటీ అని కూడా పిలుస్తారు. ఉదయ్‌ పూర్ ప్రేమికులకు గమ్యస్థానం లాంటిది. ఉదయ్ పూర్‌లోని సిటీ ప్యాలెస్, ఫతే సాగర్ లేక్, పిచోలా సరస్సు, మాన్ సూన్ ప్యాలెస్ లాంటి రాజ మందిరాలు చూడొచ్చు. ఇక్కడి కళా వైభవం మనసును తాకుతుంది. రాజస్థాన్ సాంప్రదాయ పండుగలు, ఒంటె సవారీలు, సరస్సుల్లో బోటింగ్ చాలా ఎంజాయ్ చేయవచ్చు.

4. డార్జిలింగ్:

చుట్టూ కొండలు, తేయాకు తోటలతో డార్జిలింగ్ చాలా అద్భుతంగా ఉంటుంది. డార్జిలింగ్ ప్రకృతిని ఆస్వాదించే వారికి సరైన డెస్టినేషన్. ఇది ప్రేమ పక్షులకు రొమాంటిక్ గమ్యస్థానం. కొండల గుండా సుందరమైన డ్రైవ్ చేయవచ్చు. టీ తోటల్లో విహరించవచ్చు. ఇక్కడ సాహసాల క్రీడలు కూడా ఆకట్టుకుంటాయి.

5. జైపూర్

జైపూర్ ను పింక్ సిటీ అని కూడా పిలుస్తారు. జైపూర్ చరిత్రకు, సంస్కృతికి నెలవు. శృంగారభరితమైన ఫీల్ అందిస్తుంది. అద్భుతమైన అంబర్ కోటను సందర్శించవచ్చు. కొండల గుండా మీ పార్ట్‌నర్‌తో కలిసి ఏనుగు సఫారీ చేయవచ్చు. మీ ప్రియమైన వారి చేతిలో చేయి వేసి సిటీ బజార్లకు వెళ్లొచ్చు.

6. గోవా

అద్భుతమైన బీచ్‌లు, సూపర్ నైట్ లైఫ్, రుచికరమైన సీఫుడ్ తో వాలెంటైన్స్ డేని స్టైల్ గా జరుపుకోవచ్చు. జంటలకు గోవా ఒక ప్రసిద్ధ గమ్యస్థానం. బీచ్‌లో సూర్యాస్తమయం వేళ మీ లవర్ తో కలిసి నడుస్తూ మంచి సమయం గడపొచ్చు. రొమాంటిక్ క్యాండిల్ లైట్ డిన్నర్ ఆస్వాదించవచ్చు. గోవాలని అనేక క్లబ్ లలో రాత్రి పార్టీ చేసుకోవచ్చు.