Just In
- 21 min ago First Surya Grahan: ఏప్రిల్ నెలలో మొదటి సూర్య గ్రహణం ఎప్పుడు? సూతక కాలం
- 3 hrs ago నోరూరించే పచ్చి మామిడికాయ గొజ్జు మామిడికాయ కర్రీ వేడివేడి అన్నంతో తింటుంటే ఆహా అనాల్సిందే..
- 5 hrs ago ఈ అలవాట్లు ఉన్నవారికి తీవ్ర కడుపులో అల్సర్ వచ్చే అవకాశం ఉంది...వెంటనే బయటపడండి...!
- 7 hrs ago Car Vastu Tips: కారు ఉందా అయితే ఈ వాస్తు నియమాలు పాటించండి..ఈ డైరెక్షన్ లో పార్క్ చేస్తే
Don't Miss
- Technology X ప్లాట్ఫాం ప్రీమియం ఫీచర్లను ఉచితంగా వినియోగించుకోవచ్చు.. వారికి మాత్రమేనని ఎలాన్ మస్క్ ప్రకటన!!
- News మోదీ ప్రధాని అయ్యే వరకు నిద్రపోము, ఎవరు మునిగిపోతారో జూన్ 4వ తేదీ తెలుస్తుంది సీఎం గారు !
- Movies The GOAT Life Review పృథ్వీరాజ్ సుకుమారన్ వన్ మ్యాన్ షో.. కానీ సహనానికి పరీక్షే.. ఆడుజీవితం సినిమా సమీక్ష
మీరు ప్రేమలో ఉన్నట్టు కలలు వస్తున్నాయా? వాటి అర్థమేమిటంటే...!
అయితే కొందరు అమ్మాయిలు మాత్రం విచిత్రమైన కలలు కంటూ ఉంటారట. ముఖ్యంగా పెళ్లి కాకముందే తాము కడుపుతో ఉన్నట్టు కలలు కంటూ ఉంటారట.
''కలలు కనడం కాదు. వాటిని నిజం చేసుకోవాలి'' అని మిస్సైల్ మ్యాన్ ఆఫ్ ది ఇండియా అబ్దుల్ కలాం గారు అన్నారు. అప్పుడు మన జీవితంలో విజయం సాధించగలుగుతామని ఆయన ఎప్పుడో చెప్పారు. అలా వాటిని నిజం చేసుకున్న వారందరూ జీవితంలో ఉన్నత స్థానాలను అధిరోహించారు.
అయితే కలలు అనేవి అందరికీ వస్తుంటాయి. ప్రతి ఒక్కరికీ వచ్చే కలలు నిజం అవ్వాలని రూలేమీ లేదు. అయితే గట్టిగా ప్రయత్నిస్తే వాటిని నిజం చేసుకోవచ్చు. వీటన్నింటి గురించి పక్కనబెడితే అందరికీ నిద్ర పోయినప్పుడు వచ్చే కలలో ప్రతి ఒక్క దానికి ఒక్కో అర్థం ఉందని మీకు తెలుసా..
కొందరేమో నిద్రలో నుండి అకస్మాత్తుగా లేవడం, తమకు ఏదో జరుగుతున్నట్లు భావించడం. వంటి కలలు వస్తుంటాయి. అయితే ఇలాంటి కలలు రావడానికి కారణమేమిటంటే నిత్య జీవితంలో చాలా వరకు వారు ఎదుర్కొనే పరిస్థితులే కారణమని పలు అధ్యయనాలలో తేలిందట. ఈ సందర్భంగా అందరికీ వచ్చే కలలేంటో వాటిలో ఒక్కో కలకు ఎలాంటి అర్థం ఉంటుందో ఈ స్టోరీ ద్వారా తెలుసుకుందాం...
యవ్వనంలోని కలలు..
యువత యవ్వనంలో ఎక్కువగా రొమాంటిక్ కలలు కంటూ ఉంటారట. తమకు ఇష్టమైన వారిని కలలో ఊహించుకుంటూ ఉంటారట. అమ్మాయిలు అయితే అందమైన అబ్బాయిల గురించి.. అబ్బాయిలైతే అందమైన భామల గురించి కలలు కంటూ ఉంటారట.
ప్రేమికుల గురించి..
మీరు గాఢంగా నిద్ర పోతున్న సమయంలో మీకు మీ ప్రేమికుల గురించి కలలు వస్తున్నట్లయితే, ఇది వారితో ఉన్న సాన్నిహిత్యానికి సంకేతం అని చెప్పొచ్చు. అయితే మీరు దేని గురించి అయితే కలలు గంటున్నారో, అందులో ఏదో వెలితి ఉందని, అది నెరవేర్చుకోవాలని ఆశిస్తున్నట్లు ఇది సూచిస్తుంది.
కడుపుతో ఉన్నట్టు కలలు..
అయితే కొందరు అమ్మాయిలు మాత్రం విచిత్రమైన కలలు కంటూ ఉంటారట. ముఖ్యంగా పెళ్లి కాకముందే తాము కడుపుతో ఉన్నట్టు కలలు కంటూ ఉంటారట. ఇలాంటి కలలు వస్తే వారి జీవితంలో ఎదుగుదలకు, అలాగే వారి జీవితంలో పెద్ద మార్పుకి సూచనగా పరిగణించవచ్చట.
ఎక్కువగా డబ్బులు..
కలల ప్రపంచంలో కొందరికి ఎక్కువగా కాసులు కనబడతాయట. ఈ ప్రపంచంలో తాము కూడా కోటీశ్వరులమనే కలలు గంటూ ఉంటారట. అయితే ఇది వారి మనస్తత్వంలోని లోపాలకు ప్రతిబింబం అని చెప్పొచ్చు.
వివాహేతర సంబంధం..
ఇంకా కొంత మంది అయితే కలల్లో తాము ఇతరులతో వివాహేతర సంబంధం పెట్టుకోవడం.. తమ జీవిత భాగస్వామిని మోసం చేయడం వంటి కలలను కంటూ ఉంటారట. ఇలాంటి కలలు ఎక్కువగా ఎవరికి వస్తాయంటే..
ఆనందంగా లేకపోతే..
తమ లైంగిక జీవితంలో కోరికలు అణచుకోవడం.. జీవిత భాగస్వామితో ఆనందంగా లేని సమయంలో ఇలాంటి కలలు ఎక్కువగా వస్తాయంట. వీరిలో స్వీయ విలువ తగ్గినట్టు అనిపించినప్పుడు ఇలాంటి కలలు వస్తుంటాయట.
కొందరికి మరణించినట్టు..
అయితే కొందరికి మాత్రం వారు చనిపోయినట్టు.. లేదా ఇంకా వారి బంధువులు లేదా వారికి ఇష్టమైన వారు అకస్మాత్తుగా చనిపోయినట్టు కలలు కంటూ ఉంటారు.
జీవితంలో ఒక అంకం..
అందుకు అర్థమేమిటంటే.. వారి జీవితంలో ఒక అంకం లేదా ఒక బంధం ముగిసిపోవడం. ఇది ఒక సూచనవంటిదట.
కలలో దేవుడు కనిపిస్తే..
మీకు కలలో దేవుడు కనిపిస్తే చాలా శుభపరిణామం అని పలు అధ్యయనాలు తెలుపుతున్నాయి. మీకు సంబంధించిన ఏదైనా ఒక విషయంలో నిర్ణయం తీసుకోవడంలో సతమతం అవుతుంటే మీ మనసునే నమ్మండి.. అప్పుడు దేవుడే మీకు సందేశం ఇచ్చాడని అనుకోవచ్చట.
కుటుంబ సభ్యులు కనిపిస్తే..
మీరు నిద్రలోకి జారుకున్న సమయంలో మీ కుటుంబ సభ్యులు మీకు కలలో వస్తే మీరు సంతోషకరమైన జీవితం గడిపే అవకాశాలు ఎక్కువగా ఉన్నాయని పలు అధ్యయనాలు చెబుతున్నాయి.