Chanakya Niti: ఉదయం లేవగానే ఈ పనులు అస్సలే చేయొద్దు, ఎందుకంటే..

నిద్రలేవగానే అద్దం చూడొద్దు:

చాలా మంది ఇంట్లో బెడ్రూములో డ్రెస్సింగ్ టేబుల్ ఉంటుంది. రోజూ ఉదయం నిద్రలేవగానే ఆ డ్రెస్సింగ్ టేబుల్ అద్దంలో తమను తాము చూసుకుంటారు. అయితే ఇలా చేయడం చెడ్డ అలవాటు అని చాణక్యుడు చెప్పాడు. ఉదయం నిద్రలేవగానే ఇలా చూడటం వల్ల నెగెటివ్ ఫీలింగ్స్ వస్తాయని ఆచార్య చాణక్యుడు వెల్లడించాడు. ఈ నెగెటివ్ ఆలోచనలు రోజంతా వదలకుండా తరుముతాయని చెప్పాడు. నిద్రలేచిన వెంటనే ఎవరికి ముఖం వారికి నచ్చదని, అలా చూస్తే మనస్సులో ప్రతికూల శక్తి ప్రవేశిస్తుందని సూచించాడు కౌటిల్యుడు.

ఇతరుల ముఖం చూడొద్దు:

ఉదయం నిద్రలేవగానే ఇతరుల ముఖం చూడటం కూడా చెడ్డ అలవాటుగా చాణక్యుడు చెప్పాడు. ఉదయం నిద్ర లేవగానే మొదట భగవంతుడిని చూడాలి. అంతకుముందు ఏ వ్యక్తినీ చూడొద్దని చాణక్యుడు చెప్పాడు. నిద్రలేచి కళ్లు తెరవగానే దేవుడిని చూసి రోజంతా చక్కగా గడిచిపోవాలని వేడుకోవాలని చాణక్యుడు సూచించాడు.

జంతువుల కొట్లాట, హింసాత్మక వీడియోలు:

ఈ మధ్యకాలంలో చాలా మంది నిద్రలేవగానే మొదటి చేసే పని ఫోన్ చూడటం. ప్రతి ఒక్కరి దగ్గర స్మార్ట్ ఫోన్లు ఉంటున్నాయి. లేవగానే మొదటి సోషల్ మీడియాను స్క్రోల్ చేస్తున్నారు. సోషల్ మీడియాలో ఎన్నో రకాల వీడియాలు కనిపిస్తుంటాయి.

ఇందులో జంతువులు కొట్లాడుకునే వీడియోలు, హింసను చూపించే వీడియోలూ ఉంటాయి. ఉదయం నిద్ర లేవగానే అలాంటివి చూడటం వల్ల రోజు ప్రతికూలంగా మొదలవుతుందని చాణక్యుడు చెప్పాడు.

ఇంటి పరిసర ప్రాంతాల్లో జరిగే హింసాత్మక సంఘటనలను కూడా ఉదయం నిద్రలేవగానే చూడొద్దని చెప్పాడు చాణక్యుడు. రోజూ ఉదయం భగవంతుడిని చూసి, స్మరించుకున్న తర్వాతే రోజు ప్రారంభించాలన్నాడు.

సానుకూల ఆలోచనలతో రోజును ప్రారంభించాలి:

ప్రారంభం బాగుంటే సగం కార్యం పూర్తయినట్లేనని చాలా మంది భావిస్తారు. అందుకే రోజులో ఉదయం నిద్రలేవగానే ప్రతికూల ఆలోచనలు దరికి చేరకుండా సానుకూల ఆలోచనలతో రోజును ప్రారంభించాలని చాణక్యుడు చెప్పాడు.

దురాశ, దుఃఖం, కష్టం, నష్టం గురించి ఆలోచించకుండా, రోజంతా బాగా గడిచిపోతుందని జీవితంలో సుఖం వెల్లివిరుస్తుందని అనుకుంటూ రోజును ప్రారంభించాలని చెబుతాడు చాణక్యుడు.

ధ్యానం, యోగా:

ధ్యానం, యోగా అనేది రోజును స్పష్టమైన, ప్రశాంతమైన మనస్సుతో ప్రారంభించడానికి తప్పక చేయాల్సిన కార్యాలు అని చాణక్యుడు చెప్పాడు. ధ్యానం మనస్సును శాంతపరచడానికి, ఒత్తిడిని తగ్గించడానికి సహాయపడుతుంది. యోగా ఆరోగ్యాన్ని మెరుగుపరచడంలో సహాయపడుతుంది. వీటిని క్రమం తప్పకుండా సాధన చేయడం వల్ల శ్రేయస్సు సిద్ధిస్తుంది.