Chanakya Niti: పిల్లల ముందు ఈ తప్పులు అస్సలే చేయొద్దు, తర్వాతా చాలా బాధపడతారు

తప్పుడు పదాలు వాడొద్దు:

పిల్లల ముందు చెడు మాటలు మాట్లాడకూడదని చెప్పాడు ఆచార్య చాణక్యుడు. ఇంట్లో పెద్దలు వాడే భాషపై శ్రద్ధ వహించాలని చెప్పాడు. పిల్లలు ఏం వింటారో అలాగే నేర్చుకుంటారు. పిల్లలు పెద్దలను చూసి నేర్చుకుంటారు. మనం ఏం చేస్తే అది చేయడానికి ప్రయత్నిస్తారు. కాబట్టి వారి ముందు తప్పుడు పదాలు వాడొద్దని సూచించాడు చాణక్యుడు. దీని వల్ల భవిష్యత్తులో ఇబ్బంది పడాల్సి వస్తుందన్నాడు.

జీవితాన్ని క్రమశిక్షణగా ఉంచుకోవాలి:

పెద్దలు ఏం చేస్తే పిల్లలు అది చేస్తారు. తల్లిదండ్రులు, ఇంట్లోని కుటుంబసభ్యుల నడవడిక పిల్లలపై ప్రభావం చూపిస్తుంది. పిల్లలు మనం చెప్పినదాని కంటే వాళ్లు కళ్లతో చూసింది చూసినట్లుగా, చెవులతో విన్నది విన్నట్లుగా చేయడానికి ప్రయత్నిస్తారు. అందుకే తల్లిదండ్రులు క్రమశిక్షణతో జీవించాలని చాణక్యుడు సూచించాడు.

అవమానించొద్దు:

చాణక్యుడి ప్రకారం భార్యాభర్తలు పిల్లల ముందు ఒకరినొకరు ఎప్పుడు అవమానించకోకూడదు. అవమానకరంగా మాట్లాడటం ఆపేయ్యాలి. ఇలా చేయడం వల్ల పిల్లల పట్ల వారు గౌరవాన్ని కోల్పోతారు. వారికి పిల్లలు ఏమాత్రం విలువ ఇవ్వరు. అందుకే పిల్లల ముందు ఒకరిని ఎట్టిపరిస్థితుల్లోనూ అవమానించకూడదు.

కఠినంగా ఉండటం:

పిల్లల చాలా మృదు స్వభావులు. వారితో కఠినంగా ఉండటం వల్ల వారిపై తీవ్రమైన ప్రభావం పడుతుంది. అందుకే ఎంతవరకు గారాభం చేయాలో అంత వరకు చేయాలి, ఎంత వరకు కంట్రోల్ లో ఉంచాలో అంత వరకు మాత్రమే ఉంచాలి. మీరు చెప్పిన పనిని చెప్పిన విధానంగానే చేయాలనడం, చేయకపోతే దండించడం, మార్కులు మీరు అనుకున్నన్ని రాకపోతే కొట్టడం లాంటివి చేయొద్దని చాణక్యుడు సూచించాడు.