Friendship Day 2021: స్నేహితుడికి సలాం చెప్పే టైమొచ్చింది...!

స్నేహితుడి మరణాన్ని తట్టుకోలేక..

1935 సంవత్సరంలో అమెరికాలోని ప్రభుత్వం ఓ వ్యక్తిని చంపింది. అది ఆగస్టు మొదటి శనివారం. ఆ వ్యక్తి యొక్క మరణ వార్త విన్న అతని స్నేహితుడు ఆ మరణాన్ని తట్టుకోలేక ఆ మరుసటి రోజే అంటే ఆదివారం నాడు ఆత్మహత్యకు పాల్పడతాడు.

స్నేహానికి సలాం..

ఈ సంఘటనపై అప్పటి అమెరికా ప్రభుత్వం స్పందించింది. వారి స్నేహానికి సలాం చేస్తూ.. వారి స్నేహం కలకాలం అందరికీ గుర్తుండాలని.. వాళ్ల స్నేహానికి గుర్తుగా.. ప్రతి సంవత్సరం ఆగస్టు మొదటి ఆదివారాన్ని ఫ్రెండ్ షిప్ డేగా ప్రకటించింది. ఈ సందర్భంగా ప్రజలందరూ తమ స్నేహితులపై ఉన్న ప్రేమను వ్యక్తపరచడానికి రంగు రంగుల పూలు, గ్రీటింగ్స్, మణికట్టు బ్యాండ్లు, గిఫ్టులు వంటివి ఇచ్చి పుచ్చుకుంటారు.

అన్ని దేశాలలో..

అప్పటి నుండి అన్ని దేశాలలో స్నేహితుల దినోత్సవాన్ని జరుపుకోవడం ప్రారంభించారు. అంతేకాదు పురాణాలలో కూడా చాలా మంది స్నేహితులుగా ఉండేవారు. వాటిని ఒకసారి పరిశీలిస్తే..

ద్వాపర యుగంలో..

ద్వాపర యుగంలో అత్యంత నిరుపేదల అయిన కుచేలుడు ఏకంగా శ్రీక్రిష్ణ భగవానుడితో స్నేహం కొనసాగిస్తాడు. కుచేలుడు ఓ రోజు ఇచ్చిన పిడికెడు అటుకులతో అతని స్నేహితుడైన క్రిష్ణుడు అతనికి బంగారు పట్టణాన్నే బహుకరించి స్నేహం విలువను ఈ లోకానికి తెలియజేస్తాడు.

మహాభారతంలో..

మహాభారతంలో కూడా దుర్యోదనుడు మరియు కర్ణుడి మధ్య స్నేహం అసాంతం అద్వితీయంగా ఉంటుంది. స్నేహితుడి కోసం తన ప్రాణాన్నే త్యాగం చేసి కర్ణుడు చరిత్రలో నిలిచిపోయాడు.