Hanuman Jayanti 2022:శని దోషం తగ్గాలంటే..హనుమాన్ జయంతి రోజున ఇలా చేయండి...

దీపారాధన చేయండి..

హనుమాన్ జయంతి రోజున అంటే శనివారం సాయంత్రం ఆంజనేయునికి ఆలయానికి వెళ్లి దీపారాధన చేయండి. మీరు వెలిగించే దీపానికి ఆవ నూనెను మాత్రమే వాడాలి. దీపం వెలిగించిన తర్వాత 11సార్లు హనుమాన్ చాలీసాను పఠించాలి. అలాగే గులాబీ పువ్వులతో కూడిన పూలమాలను దేవునికి సమర్పించండి. ఇలా చేయడం వల్ల శని గ్రహ ప్రభావం నుండి బయటపడొచ్చని పండితులు చెబుతున్నారు. అలాగే హనుమంతుని అనుగ్రహం కచ్చితంగా లభిస్తుంది.

రామ రక్షా స్తోత్రం..

హనుమాన్ జయంతి రోజున పవన పుత్రుని ఆలయంలో శ్రీరామ, సీతాదేవి, ఆంజనేయుడిని పూజించాలి. అనంతరం రామ రక్షా స్తోత్రం పఠిస్తే హనుమంతుడి అనుగ్రహం కూడా లభిస్తుంది. అలాగే శని భగవానుడి అనుగ్రహం కూడా లభిస్తుంది. ఇప్పటివరకు మీకు శని దోషం వల్ల కలిగిన ఆటంకాలన్నింటినీ అధిగమిస్తారు. మీ పనులన్నీ పూర్తిగా విజయవంతమవుతాయి.

శని కోపం తగ్గేందుకు..

రామాయణం ప్రకారం, హనుమంతుడు రాముడిని ఎంతలా ఆరాధిస్తారో మనలో చాలా మందికి తెలిసిందే. హనుమంతుడికి శ్రీరామచంద్రుడు అమితమైన భక్తి అని చాలా మంది నమ్ముతారు. అందుకే హనుమాన్ జయంతి రోజున గర్భగుడిని ఏర్పాటు చేసి పూజలు చేయండి. ఇలా చేయడం వల్ల ఆంజనేయుడు ఆయురారోగ్యాలతో పాటు సుఖసంతోషాలతో జీవించేలా ఆశీర్వదిస్తాడు. అంతేకాదు శని భగవానుడి కోపాన్ని కూడా తగ్గిస్తుంది.

అడ్డంలకులు తొలగిపోవాలంటే..

ఎవరి జాతకంలో అయినా శని దోషం ఉంటే, వారు హనుమాన్ జయంతి రోజున అంటే శనివారం నాడు ఆంజనేయుని ఆలయానికి వెళ్లి, కొబ్బరికాయను సమర్పించాలి. ఇలా చేయడం వల్ల జీవితంలోని అన్ని అడ్డంకులు తొలగిపోతాయి.

హనుమంతుని అనుగ్రహం..

హనుమాన్ జయంతి రోజున శని దోషం తగ్గేందుకు ఆంజనేయుడికి గులాబీ పువ్వుల మాలను ధరించాలి. అలాగే 11 తమలాపాకులపై రామ నామాన్ని రాసి హనుమంతునికి పువ్వుల మాలను సమర్పించాలి. ఇలా చేయడం వల్ల హనుమంతుని ప్రత్యేక అనుగ్రహం లభిస్తుంది. అలాగే శనీశ్వరుడి ఇబ్బంది కూడా ఉండదు.