Happy Fathers Day:ప్రతి కూతురు నాన్న గురించి చెప్పే భావోద్వేగ మాటలివే...!

ఎన్నటికీ మరువను..

‘నేను ఎగ్జామ్స్ లో ఫెయిల్ అయిన రోజు పర్వాలేదు లేమ్మా.. ఒకసారి పరీక్షలో తప్పినంత మాత్రాన మనకు పరీక్షలంటే ఉన్న భయం పోదు అని నన్ను ఓదార్చిన రోజును నేను ఎప్పటికీ మరువను'

హ్యాపీ ఫాదర్స్ డే.

నాకు జాబ్ వచ్చినప్పుడు..

‘నాకు మంచి కంపెనీలో జాబ్ వచ్చినప్పుడు.. నీ కళ్లలో వెయ్యి కాంతుల వెలుగును, నీ ఆనందాన్ని అంతకుముందు ఎప్పుడూ చూడలేదు నాన్న'

ఫాదర్స్ డే శుభాకాంక్షలు.

ధైర్యాన్ని పెంచుతూ..

‘నాన్న.. నా జీవితంలో ఎంతో ముఖ్యం. ఎందుకంటే జీవితంలో జయం ఎంత ముఖ్యమో అపజయం కూడా అంతే ముఖ్యం అని చెప్పి నాలో వాస్తవ జీవితం గురించి ధైర్యాన్ని నింపావు'

ఫాదర్స్ డే శుభాకాంక్షలు.

అప్పగింతలప్పుడు..

‘నన్ను అత్తారింటికి పంపే సమయంలో.. అప్పగింతలప్పుడు నువ్వు కార్చిన కన్నీటిని నేను ఎప్పటికీ మరచిపోలేను నాన్న'.

హ్యాపీ ఫాదర్స్ డే.

నేను యువరాణినే..

ప్రతి అమ్మాయి తన భర్తకు రాణి అవుతుందో లేదో తెలియదు కానీ.. తండ్రికి మాత్రం ఎప్పటికీ యువరాణిగానే ఉంటుంది.

ఫాదర్స్ డే శుభాకాంక్షలు.

నాన్న దండనలో..

ప్రతి ఒక్క తండ్రి దండనలో ఒక హెచ్చరిక కచ్చితంగా ఉంటుందది. అది జీవితంలో ఎదురయ్యే ఎన్నో అడ్డంకుల్ని దాటేందుకు చాలా బాగా ఉపయోగపడుతుంది. మన జీవితంలో ఎందరో స్ఫూర్తిదాతలు ఉండొచ్చు. కానీ ఆ జాబితాలో తొలి పేరు మాత్రం ‘నాన్న'దే.

హ్యాపీ ఫాదర్స్ డే.

భవిష్యత్తును చూపేది..

‘మనకు జన్మను ఇవ్వడమే కాదు.. మనకు భవిష్యత్తును చూపేది కూడా నాన్నే. అందుకే పిల్లలకు మొదటి గురువు, స్నేహితుడు, మార్గదర్శి అన్నీ నాన్నే.. ఆ తర్వాతే ఎవరైనా.

హ్యాపీ ఫాదర్స్ డే.

కష్టాల సమయంలో..

మనకు జీవితంలో ఎదురయ్యే కష్టాల్లో.. తండ్రి ఇచ్చే తోడ్పాటుకు వెలకట్టలేం. భవిష్యత్తులో వెలకట్టేందుకు ఎలాంటి సాధనం ఉండదు. మనం ఏదైనా ప్రయత్నంలో విఫలమైనా.. దాన్ని ఆపొద్దు.. కంటిన్యూ చేయమని.. మరోసారి ప్రయత్నించమని చెప్పే తొలి గురువు నాన్నే.

ఫాదర్స్ డే శుభాకాంక్షలు

ఎప్పటికీ మరువకూడని..

మనం జీవితంలో ఎప్పటికీ వ్యక్తుల్లో ‘నాన్న'తొలి వరసలో ఉంటారు. తల్లి తన మాటలతో పిల్లల్లో ధైర్యం నింపితే.. అదే ధైర్యాన్ని తన చేతలతో మనకు ఇవ్వగలిగేవాడు నాన్నే.

హ్యాపీ ఫాదర్స్ డే.

తన ఇష్టాలను..

‘నా ఇష్టాలను తీర్చడానికి తన ఇష్టాలని కూడా వదులుకున్నాడు మా నాన్న. మా ఇంట్లో నాన్న అంటే అందరికీ భయం. కానీ నాకు మాత్రం ఆయనంటే చచ్చేంత ఇష్టం. ఎందుకంటే మనలో ఆనందాన్ని నింపి అల్లారుముద్దుగా పెంచి.. మనలోని లోపాలను సరిచేస్తూ మన భవితకు పునాదులు వేస్తూ మన గమ్యానికి దారి చూపేది నాన్నే.

ఫాదర్స్ డే శుభాకాంక్షలు