International Women's Day 2023: స్త్రీలు పెళ్లయ్యాక పొందే ప్రత్యేక హక్కులేంటో తెలుసా?

విడాకులు తీసుకుంటే మరో ఇల్లు కట్టించాల్సిందే:

పెళ్లి అయిన ప్రతీ స్త్రీకి తన పిల్లల పోషణ, చదువు, ఆరోగ్యం బాధ్యత తన భర్తపైనే ఉంటుంది. భర్త ఈ బాధ్యతలను నెరవేర్చకుండా ఉండకూడదు. భార్యగా వచ్చిన ప్రతీ అమ్మాయి బాధ్యత మొత్తం భర్తపైనే ఆధారపడి ఉంటుంది.

అలాగే ఓ వ్యక్తికి భార్యగా మారిన తర్వాత అమ్మయి పూర్తిగా వారి ఇంట్లోనే నివసిస్తుంది. ఆ ఇంట్లో ఆమెకు కూడా పూర్తి స్థానాన్ని కల్పించారు. ఆమెను ఇంట్లోంచి ఎవరూ వెళ్లగొట్టలేరు. ఒకవేళ విడాకులు తీసుకుంటే.. ఈమెకు భర్త మరో ఇల్లు కట్టించే వరకు ఆమె అక్కడే నివసించే హక్కు కూడా ఉంటుంది.

ఈ హక్కును హిందూ దత్తత మరియు నిర్వహణ చట్టం కింద కల్పించారు. అలాగే వివాహిత స్త్రీకి అత్తమామల ఆస్తిపై హక్కు ఉంటుంది. హిందూ వివాహ చట్టం 1995 ప్రకారం వివాహ సమయంలో తన తండ్రి, అత్తమామల నుంచి బహుమతిగా పొందిన నగలు మరియు డబ్బు పూర్తిగా స్త్రీకే సొంతం.

గర్భం తీయించుకోవడానికి భర్త అనుమతి అవసరం లేదు:

అలాగే ఒక స్త్రీ తన భర్త అనుమతి లేకుండానే హిందూ వివాహ చట్టం 1995 సెక్షన్ 13 ప్రకారం విడాకులు కోరవచ్చు. దీంతో పాటు స్త్రీ తన భర్త నుంచి మెయింటనెన్స్ ఛార్జీని కూడా డిమాండ్ చేయవచ్చు.

అదే సమయంలో ఇండియన్ పీనల్ కోడ్ సెక్షన్ 125 ప్రకారం ఆమె మరియు ఆమె పిల్లల నిర్వహణ కోసం, ఆర్థిక నిర్వహణను డిమాండ్ చేసే హక్కు ఆమెకు ఉంది. పుట్టబోయే బిడ్డను గర్భస్రావం చేసే హక్కు స్త్రీకి ఉంది.

ఇందుకోసం ఆమెకు తన భర్త లేదా అత్తమామల అనుమతి అవసరం లేదు. మెడికల్ టెర్మినేషన్ ఆఫ్ ప్రెగ్నెన్సీ యాక్ట్ 1971 ప్రకారం, గర్భం 24 వారాల కంటే తక్కువ ఉన్నట్లయితే స్త్రీ తన గర్భాన్ని ఎప్పుడైనా తీయించుకోవచ్చు. కొన్ని ప్రత్యేక సందర్భాల్లో కూడా ఒక స్త్రీ 24 వారాల తర్వాత కూడా అబార్షన్ చేయించుకోవచ్చు.

భర్త బీమా సొమ్ముపై భార్యకు హక్కు:

రుణదాతలు లేదా బంధువులు డెత్ క్లెయిమ్ డబ్బును క్లెయిమ్ చేయలేరు. మరోవైపు ట్రస్ట్ డబ్బుపై భర్త, భార్య, పిల్లలకు హక్కు ఉంటుంది. వివాహిత మహిళల రక్షణ చట్టం 1874లోని సెక్షన్ 6లో ఈ నిబంధనలు ఈ విషయాల గురించి స్పష్టంగా తెలిపారు.

అలాగే తన భర్త లేదా అత్తమామలు తనను శారీరకంగా, మానసికంగా హింసించినా లేదా ఆర్థికంగా హింసించినా గృహహింస చట్టం 2005 కింద ఫిర్యాదు చేసే హక్కు స్త్రీకి ఉంటుంది.