కొత్త ఏడాదికి ముందు ఈ శుభయోగాలు చాలా ప్రత్యేకమంట... అవేంటో తెలుసా...!

సర్వార్థ సిద్ధి..

హిందూ పంచాంగం ప్రకారం కొత్త ఏడాది వేళ తొలిరోజున సర్వార్థ సిద్ధి యోగం ఏర్పడుతుందట. ఇది 2020 డిసెంబర్ 31వ తేదీ సూర్యోదయం నుండి జనవరి 1వ తేదీ సూర్యోదయం వరకు ఉంటుంది. సర్వార్థ సిద్ధియోగం చాలా ప్రత్యేకమైనదిగా పండితులు చెబుతున్నారు. ఈరోజున ఎవరైనా ఏ శుభకార్యాలు చేస్తే దాని ఫలితాలు కూడా చాలా పవిత్రమైనవని నమ్ముతారు.

లక్ష్మీదేవి అనుగ్రహం..

ఈ సంవత్సరంలో తొలిరోజున సర్వార్థ సిద్ధియోగం ఉండటమనేది లక్ష్మీదేవి అనుగ్రహాన్ని సూచిస్తుంది. మీరు ఏడాది పొడవునా మంచి పనులు చేస్తే మీరు మహాలక్ష్మీని అనుగ్రహాన్ని కచ్చితంగా పొందుతారని పండితులు చెబుతున్నారు.

అమృత సిద్ధి యోగం..

నూతన సంవత్సరానికి స్వాగతం పలికేందుకు.. అదే సమయంలో 2020కి గుడ్ బై చెప్పేందుకు చాలా మంది ఇప్పటికే ప్లాన్ చేసుకుని ఉంటారు. అయితే ఇదే సమయంలో అమృత సిద్ధి యోగం సంభవించబోతుంది. దీని వల్ల నూతన సంవత్సరం ప్రారంభంలో మరింత ప్రత్యేకంగా ఉంటుంది. ఈ అమృత సిద్ధి యోగం కొత్త పనులకు మరియు మంచి పనులకు ఎంతో ప్రత్యేకమైనదిగా భావిస్తారు.

శుభప్రదంగా..

ఈ సంవత్సరం 2020 డిసెంబర్ 31వ తేదీన ఉదయం 7:49 గంటల వరకు సూర్యోదయం ఉంటుంది. అమృత సిద్ధి యోగం వల్ల ఈ ఏడాది ప్రారంభంలో చాలా శుభప్రదంగా ఉంటుంది. ఈ సమయంలో కరోనా విరుగుడుకు సంబంధించి కొన్ని శుభవార్తలు వినే అవకాశం ఉంటుంది. ఈ మహమ్మారి నుండి సురక్షితంగా బయటపడేందుకు టీకా రెడీ రెడీ అయ్యే అవకాశం ఉంటుంది.

గురుపుష్య యోగం..

2020 సంవత్సరంలో డిసెంబర్ 31వ తేదీన ముచ్చటగా మూడో యోగం ఏంటంటే గురుపుష్య యోగం. గురుపుష్య యోగం సమయంలో భానుడిని పూజించడం వల్ల ప్రత్యేకమైన ఫలితాలు లభిస్తాయని పండితులు చెబుతారు. ఈ సమయంలో మీరు ఆరోగ్యవంతంగా, ఏడాది మొత్తం అనారోగ్యం బారిన పడకుండా ఉండాలని కోరుకుంటే.. మీ కోరికలు నెరవేరే అవకాశం ఉంది.

విష్ణువును ఆరాధించడం..

గురుపుష్య యోగం శుభ సమయంలో మీరు శ్రీమహావిష్ణువును ఆరాధించడం వల్ల చాలా ప్రత్యేకంగా ఉంటుంది. ఈ సమయంలో ఆ విష్ణుమూర్తిని కొలవడం వల్ల మీ జీవితంలో అనేక ఆటంకాలన్నీ పూర్తవుతాయి. గురుపుష్య యోగం డిసెంబర్ 31 ఉదయం 7:49 గంటల నుండి జనవరి 1వ తేదీ సూర్యోదయం వరకు ఉంటుంది.