For Quick Alerts
ALLOW NOTIFICATIONS  
For Daily Alerts

స్నేహం విషయంలో అత్యంత విశ్వసనీయత గల రాశిచక్ర వ్యక్తులు వీరే..

|

మన జీవితంలో అంధకారం అలముకున్నా.. మనకు భరించలేనంత కష్టం వచ్చినా.. మనం ఎప్పుడు నిరాశలో ఉన్నా.. నీ కోసం నేను ఎల్లప్పుడూ అండగా ఉంటాను అని వినిపించే తియ్యని ఆత్మీయ స్పర్శే స్నేహం. నిజమైన స్నేహం మన ఊపిరి ఆగేంత వరకు తోడు ఉంటుంది. ఒంటరిగా ఉన్నప్పుడు ధైర్యం చెబుతుంది. ఓటమి చెందినప్పుడు ఓదారుస్తుంది. అదే మన జీవితాలను అర్థవంతంగా చేస్తుంది.

కష్టమొచ్చినా.. నష్టమొచ్చినా.. కలకాలం.. జీవితాంతం తోడుండే స్నేహితులు ప్రపంచవ్యాప్తంగా ఎందరో ఉన్నారు. అందుకు చాలా చాలా ఉదహరణాలే ఉన్నాయి. పురాణాలలో కూడా స్నేహం గురించి గొప్పగానే చెప్పబడింది. శ్రీ కృష్ణుడు అంతటి వాడు కడు పేదరికంలో ఉన్న కుచేలుడి స్నేహానికి ఎంతో ప్రాధాన్యత ఇచ్చారు. మానవ సంబంధాలు అన్నీ ఆర్థిక సంబంధాలు మారిపోయి, మనిషన్న వాడు మాయం అవుతున్న ఈ కలియుగంలో ఇంకా ఆత్మీయ స్నేహాలు, ఉన్నతమైన మానవతా విలువలు అక్కడక్కడా కనిపిస్తున్నాయి. జ్యోతిష శాస్త్రం ప్రకారం ఈ రాశి చక్రాల వారే కలకాలం స్నేహమేర జీవితం.. స్నేహమేరా శాశ్వతం అని నమ్ముతారట. ఆ వివరాలేంటో మీరే చూడండి..

వృషభ రాశి..

వృషభ రాశి..

జ్యోతిష శాస్త్రం ప్రకారం ఈ రాశి వారు చాలా మొండి పట్టుదల గలవారు. ఈ రాశి వారు ఎవరినైనా విశ్వసిస్తే వారికి జీవితాంతం అంటే చివరి వరకు అండగా ఉంటారు. ఎలాంటి క్లిష్ట పరిస్థితులు ఎదురైనా, ఎలాంటి పరిణామాలు ఎదురైనా వాటి గురించి పెద్దగా ఆలోచించరు. స్నేహితుల ఆనందాలను తమ ఆనందాలుగా భావిస్తారు. ఒకవేళ ఈ రాశి వారి స్నేహితులు నిరాశలో ఉంటే వారిని దాని నుండి బయటపడేందుకు ఉన్న ప్రయత్నాలన్నీ చేస్తారు. అలాగే మీకు అలసట కలిగితే మీకు మంచి అనుభూతిని కలిగించేందుకు వారు ఏమైనా చేస్తారు. కొన్నిసార్లు ప్రమాదకర పరిస్థితులు ఎదురైనా వారు మిమ్మల్ని విడిచిపెట్టరు. మీతోనే కలిసి ఉంటారు. మీకు అండగా ఉంటారు. స్నేహితులపై అత్యంత శ్రద్ధ చూపుతారు.

కర్కాటక రాశి..

కర్కాటక రాశి..

జ్యోతిష శాస్త్రం ప్రకారం ఈ రాశి వారు వారి స్నేహితులను వారి అవసరాలను బట్టి ప్రభుత్వ రంగమైనా, ప్రైవేటు రంగమైనా, ఏ చోట అయినా మీరు ఆపదలో ఉంటే మిమ్మల్ని రక్షించేందుకు వారి శాయశక్తులా ప్రయత్నిస్తారు. అలాగే వారి స్నేహితులకు సంబంధించి ఏదైనా అత్యవసర విషయం ఏదైనా తెలిస్తే, వారికి ఫోన్ చేయకుండా, మెసేజ్ చేయకుండా, వారికి ఎలాంటి సమాచారం ఇవ్వకుండా వారి కోసం అన్వేషిస్తారు. వారికి తన వంతు సహాయం చేస్తారు. స్నేహితుల విషయంలో ఏదైనా నిర్ణయం తీసుకున్న తర్వాత అది తప్పు అని తెలిసినా వారి స్నేహితుల కోసం ముందుకే వెళతారు. ఎట్టి పరిస్థితుల్లోనూ వెనుకడగు అనేదే వేయరు. ఇలాంటి రాశి వారు చాలా అరుదుగా ఉంటారు. అలాగే వీరు స్నేహితుల నుండి ఎప్పుడూ ఏదీ ఆశించరు.

సింహ రాశి..

సింహ రాశి..

జ్యోతిష శాస్త్రం ప్రకారం ఈ రాశి వారు స్నేహం విషయంలో అత్యంత నిజాయితీని మరియు ప్రేమను చూపుతారు. మీకు ఏ సమయంలో అవసరం పడినా సరిగ్గా ఆ సమయంలో మీకు అందుబాటులో ఉంటారు. మీరు తప్పు చేసినప్పుడంతా లేదా ఏదైనా ప్రమాదంలో ఉన్నట్లు వారు తెలుసుకుంటే వారు మిమ్మల్ని రక్షించేందుకు ఎన్ని అవకాశాలు ఉన్నాయో వాటన్నింటిని ప్రయత్నిస్తారు. అలాగే మీరు ఏ విషయంలో అయినా విచారంగా ఉన్నట్లు వారు గ్రహిస్తే దాన్ని పొగేట్టేందుకు మిమ్మల్ని ప్రోత్సహిస్తారు. మీకు ఏదైనా విషయంలో సమయం కలిసిరాకపోతే, మీరు ఏదైన విషయంలో ఓడిపోతే, అలాంటి సందర్భాల్లో మీకు అండగా ఉండి, మద్దతు ఇస్తారు. మీరు కోలుకోనేందుకు ఎన్ని ప్రయత్నాలు ఉన్నాయో వాటన్నింటిని చేస్తారు. ఈ రాశి వారు సింహం లాగే భయం అనేది వీరి రక్తంలోనే ఉండదు. ఎల్లప్పుడూ ధైర్యంగా ఉంటారు.

కన్య రాశి..

కన్య రాశి..

జ్యోతిష శాస్త్రం ప్రకారం ఈ రాశి వారు నమ్మకమైన వారిని , విశ్వసనీయ ఉన్న వారిని చూడటం చాలా కష్టం. కానీ వీరు మాత్రం తమ స్నేహితులకు ఏ సమయంలో అయినా సహాయం చేయడానికి సిద్ధంగా ఉంటారు. ఈ రాశి వారికి తెలివి చాలా ఎక్కువగా ఉంటుంది. అందుకే ఆపదలో ఉన్న స్నేహితులకు ఎల్లప్పుడూ ఉత్తమ సలహా ఇస్తారు. అలాగే ఈ రాశి ఎల్లప్పుడూ అప్రమత్తంగా ఉంటారు. వారితో పాటు వారి స్నేహితులను అప్రమత్తంగా ఉండాలని సూచనలు చేస్తారు. ఏదైనా ప్రమాదం జరుగుతున్నట్లు ముందుగానే అంచనా వేయగలుగుతారు. దాని నుండి ఎలా తప్పించుకోవాలో ముందుగానే ప్రణాళికలు రూపొందిస్తారు.

మకర రాశి..

మకర రాశి..

జ్యోతిష శాస్త్రం ప్రకారం ఈ రాశి వారు తెలివైన, నమ్మకమైన స్నేహితులను కలిగి ఉంటారు. ఈ రాశి వారికి ఎప్పుడు అవసరం పడినా లేదా ఏదైనా కష్టం వచ్చినా ఎల్లప్పుడూ వీరి స్నేహితులు అండగా ఉంటారు. అలాగే ఈ రాశి వారు స్నేహితులకు సంబంధించి ఏదైనా విషయంలో ప్రమాణం చేస్తే, ఎన్ని ఇబ్బందికర పరిస్థితులు ఎదురైనా వారు వెనుకడుగు వేయరు. ఎన్ని సవాళ్లు అయినా ఎదుర్కొంటారు.

మీన రాశి..

మీన రాశి..

జ్యోతిష శాస్త్రం ప్రకారం ఈ రాశి వారు తమ ప్రియమైన వారిని కరుణతో, విధేయతతో చూస్తారు. మీ స్నేహితులకు మీ సహాయం అవసరం అయినప్పుడు మీరు తెలుసుకుని వారికి సహాయం చేస్తారు. ఈ రాశి వారు స్నేహితులను అత్యంత ప్రియమైన వారిగా చూస్తారు. ఏదైనా సందర్భంలో ప్రమాదవశాత్తు తమ ప్రియమైన వారు ప్రమాదంలో ఉంటే వారిని రక్షించడానికి ఏ మాత్రం వెనుకాడు. అలాగే వారి స్నేహితులు చేసిన తప్పులకు వారు బాధ్యత తీసుకుంటారు. ప్రతిసారీ వారి స్నేహితులను కాపాడేందుకు ప్రయత్నిస్తారు.

English summary

Most Loyal Zodiac Signs In Friendship

These zodiac signs are the most loyal friends to have according to astrology. Read on