Just In
- 1 hr ago గుడ్నైట్ సందేశాలను ఇలా సరదాగా పంపుకోండి..
- 1 hr ago అరెంజ్ మ్యారెజ్ చేసుకోవాలనుకుంటున్నారా ? అయితే ఈ ముఖ్యమైన విషయాలను తెలుసుకోవాల్సిందే..
- 4 hrs ago Happy Birthday Wishes : పుట్టినరోజు శుభాకాంక్షలను ఇలా అందంగా తెలపండి..
- 6 hrs ago Gruha Pravesham Wishes : గృహప్రవేశం శుభాకాంక్షలను ఇలా తెలపండి..
Happy Birthday September Born: ఈ నెలలో పుట్టిన వారి వ్యక్తిత్వ లక్షణాలు ఎలా ఉంటాయో ఇప్పుడే చూసెయ్యండి...
సెప్టెంబరులో పుట్టిన వారి వ్యక్తిత్వ లక్షణాలు ఎలా ఉంటాయో ఇప్పుడు తెలుసుకుందాం.
ఈ 2020 సంవత్సరంలో అప్పుడే ఆగస్టు నెల కూడా అయిపోయింది. కరోనా లాక్ డౌన్ వంటి కాలంలో అప్పుడే మనం సెప్టెంబరు మాసంలోకి అడుగు పెట్టేశాం. ఈ సందర్భంగా సెప్టెంబరు నెలలో జన్మించిన వ్యక్తుల గురించి కొన్ని ఆసక్తికరమైన విషయాలను తెలుసుకుందాం.
ఈ నెలలో పుట్టిన వారి ప్రవర్తన ఎలా ఉంటుంది? వీరి ఆలోచనలు ఏ విధంగా ఉంటాయి... వీరు ఎలాంటి విషయాలను ఇతరులతో పంచుకోవడానికి ఇష్టపడతారు. ఈ నెలలో పుట్టిన వ్యక్తుల యొక్క వ్యక్తిత్వ లక్షణాలు ప్రత్యేకంగా ఉంటాయా? లేక సాధారణంగా ఉంటాయా?
ఈ నెలలో జన్మించిన వారు ఓపెన్ మైండ్ తో ఉంటారా? వీరు ఎలాంటి విషయాలకు విసుగు చెందుతారు అనే ఎన్నో ఆసక్తికరమైన విషయాల గురించి ఇప్పుడు మనం తెలుసుకుందాం...
సెప్టెంబర్ నెలలో మీ రాశి ఫలాలు ఎలా ఉన్నాయో చూడండి...
ఓపెన్ మైండెడ్..
ఈ నెలలో జన్మించిన వ్యక్తులు చాలా ఓపెన్ మైండుతో ఉంటారు. వీరు ఏ పని అయినా చాలా సహనంతో చేస్తారు. అలాగే ఎదుటివారు ఏమి చెప్పినా సావధానంగా వింటారు. వీరు విశాలమైన మనసు కలిగి ఉంటారు. ఈ నెలలో పుట్టిన వారు ఇతరుల అభిప్రాయాలకు, నమ్మకాలకు, ఎంపికలకు బాగా ప్రాధాన్యత ఇస్తారు.
నిజం చెప్పేందుకే..
ఈ నెలలో పుట్టిన వారు వీరు ఎల్లప్పుడూ ఎలాంటి పరిస్థితుల్లో అయినా నిజం చెప్పేందుకే ప్రయత్నిస్తారు. అలాగే తమ వ్యక్తిత్వాన్ని, అలవాట్లను ఎవరికోసమో అస్సలు మార్చుకోరు. ఎవరైనా ఏదైనా విషయంలో అబద్ధం చెబితే.. దాన్ని నిరూపించేందుకు వారితో వాదనకు దిగుతారు. అందుకే ఇలాంటి వారికి ప్రపంచంలోని ఏ శక్తి వీరిని భయపెట్టదు. ఈ వ్యక్తులు ఫాంటసీలను విశ్వసించరు. కేవలం రియాలిటీని మాత్రమే నమ్మడానికి ఇష్టపడతారు.
కొంత ఆందోళనగా..
ఈ నెలలో జన్మించిన వారు ఆలోచనలను అధికంగా చేస్తారు. అందుకే ఇది వారిని కొన్ని సందర్భాల్లో గందరగోళానికి గురి చేస్తుంది. వీరు ఒక నిర్దిష్ట విషయం గురించి ఎక్కువగా ఆందోళన చెందుతారు. వీరు ఏవైనా పొరపాట్లు చేస్తే, వాటిని సరిదిద్దుకునేందుకు తీవ్రంగా ఆలోచిస్తారు. అలాగే ఏవైనా ఫలితాల గురించి వీరు అందరికంటే ఎక్కువగా ఆందోళన చెందుతారు.
Mercury Transit In Virgo 2020 : కన్యరాశిలోకి బుధుడి ఎంట్రీ వల్ల ఏ రాశి వారికి లాభమంటే...!
మర్యాదగా ప్రవర్తిస్తారు..
సెప్టెంబరు నెలలో పుట్టిన వారు చాలా ఇతరులతో మర్యాదపూర్వకంగా ప్రవర్తిస్తారు. ఇతరుల మనోభావాలను దెబ్బతీయకుండా చూసుకుంటారు. వీరు ఎల్లప్పుడూ వినయపూర్వకమైన వ్యక్తిగా ఉండేందుకు ప్రయత్నిస్తారు. వీరు ఎంత కోపంగా ఉన్నా, కఠినంగా ఉన్నా చెడ్డ పదాలను మాత్రం ఉపయోగించరు. అలాగే వీరి మర్యాదపూర్వక స్వభావంతో ఇతరులను ఏ విషయంలో అయినా సులభంగా ఒప్పించగలరు. అంతేకాదు వీరు చాలా ముక్కుసూటిగా వ్యవహరిస్తారు.
విసుగు చెందుతారు..
సెప్టెంబరు నెలలో పుట్టిన వారి బలహీనత ఏంటంటే వీరు చాలా త్వరగా విసుగు చెందుతారు. ఎందుకంటే వీరు ఎక్కువగా సాహసోపేతంగా.. మరియు ఉత్సాహవంతులుగా ఉండటం వల్ల ఈ సమస్యలు తలెత్తుతాయి. వీరిలో ఎప్పుడూ కొత్త విషయాలను అన్వేషించాలనే కోరిక ఎల్లప్పుడూ ఉంటుంది. వీరు ఏదైనా పనిని మళ్లీ మళ్లీ చేస్తే, సులభంగా విసుగు చెందుతారు.
ఇష్టమైన పనులనే..
ఈ నెలలో జన్మించిన వారు ఎవరో చెప్పిన పనిని చేయడానికి ఇష్టపడరు. వారికి ఇష్టమైన పనిని మాత్రమే చేయడానికి ఆసక్తి చూపుతారు. ముఖ్యంగా వీరు సొంతంగా పనులు చేసుకునేందుకు ఆసక్తి చూపుతారు. వీరు తమ కెరీర్ కు చాలా ప్రాధాన్యత ఇస్తారు. అందువల్ల వీరు ఆసక్తి ఉన్న రంగంలో చాలా సులభంగా రాణిస్తారు.
మీకు ఇలాంటి చెవులుంటే మీరు రాజకీయంగా... రచయితగా రాణిస్తారంట...!
పుస్తకాలంటే ఇష్టం..
ఈ నెలలో పుట్టిన వారిని పుస్తకాల పురుగు అనడంలో ఎలాంటి అతిశయోక్తి లేదు. వీరు ఏదైనా పుస్తకాలను చదవడం మొదలెడితే అందులో మునిగిపోతారు. అయితే ఇతరులు వీరిని చూసి ఇది చికాకు పెట్టే అలవాటుగా భావిస్తారు. వీరు ఎప్పుడు.. ఎక్కడికి వెళ్లినా పుస్తకాలను కచ్చితంగా మోసుకెళ్తారు.
లక్ష్యాలను సాధించడానికి..
ఈ నెలలో పుట్టిన వారు తమ లక్ష్యాలను సాధించడానికి చాలా కష్టపడి పని చేస్తారు. అలాగే తమ ప్రయత్నంలో విజయం సాధించేందుకు ఎక్కువగా ఫోకస్ చేస్తారు. వీరు ఎట్టి పరిస్థితుల్లోనూ తాము మొదలుపెట్టిన పనిని అస్సలు వదులుకోరు. వీరు ఏ పని చేసినా పరిపూర్ణంగా చేస్తారు.
ఇతరుల పట్ల ప్రేమను..
ఈ నెలలో జన్మించిన వారు ఇతరుల పట్ల ఎంతో ప్రేమగా వ్యవహరిస్తారు. వీరు చుట్టుపక్కల వారిని చాలా దయగలవారిగా చూస్తారు. వీరు ఎవరికైనా ఏదైనా సహాయం అవసరమైతే, వారికి సహాయం అందించేందుకు ఎల్లప్పుడూ సిద్ధంగా ఉంటారు. వీరు ఇతరులను బాధపెట్టాలని ఎప్పటికీ అనుకోరు.
గొప్ప భాగస్వాములవుతారు...
ఈ నెలలో పుట్టిన వారు గొప్ప భాగస్వాములు అవుతారు. వీరు రిలేషన్ షిప్ వంటి వాటిని నిర్వహించడంలో చాలా మెరుగైన రీతిలో ఉంటారు. వీరు ఎల్లప్పుడూ తమ భాగస్వామిని అభినందిస్తారు. వీరు సంబంధాలలో సరదాగా, ప్రేమగా ఉండటమే కాదు.. అవసరమైనప్పుడు కోపం వంటివి కూడా ప్రదర్శిస్తారు. అయితే అన్నింటినీ బ్యాలెన్స్ చేసుకుంటారు.
ఫుడ్ వేస్ట్ చేయడాన్ని ఇష్టపడరు...
ఈ నెలలో పుట్టిన వారు ఆహారానికి అధిక ప్రాధాన్యత ఇస్తారు. అయితే ఏదైనా ఆహారం రుచికరంగా లేకపోతే, అలాంటి ఆహారాన్ని వేస్ట్ చేయడాన్ని మాత్రం ఇష్టపడరు. ‘ఫుడ్ ఈజ్ కింగ్'అనే సూత్రాన్ని గట్టిగా నమ్ముతారు. అందుకే వీరు ఎల్లప్పుడూ విభిన్నమైన వంటకాలను ప్రయత్నించి, కొన్ని రుచికరమైన వంటకాలను తయారు చేస్తారు. మీరు కూడా ఈ నెలలో పుట్టినవారిని ఆకట్టుకోవాలని ప్రయత్నిస్తుంటే, మీరు కూడా రుచికరమైనదాన్ని తయారు చేసి వారికి వడ్డించండి. అంతేవారు మిమ్మల్ని సులభంగా ఇష్టపడతారు.
లాంగ్ డ్రైవ్ అంటే ఇష్టం..
ఈ నెలలో పుట్టిన వారు లాంగ్ డ్రైవ్ ను బాగా ఇష్టపడతారు. ఎందుకంటే వీరు ఎల్లప్పుడూ కొత్త ప్రదేశాలను అన్వేషించడానికి సిద్ధంగా ఉంటారు. అయితే అది రోడ్డుమార్గంలోనే. వీరు కొత్త విషయాలను తెలుసుకోవడానికి.. జ్ణానం సంపాదించుకోవడానికి.. కొత్త అనుభవాలను పొందేందుకు వీరికి రోడ్డు ప్రయాణం ప్రేరేపిస్తుంది.