Rahu-Ketu Transit in 2022:రాహు కేతుల రవాణాతో ఈ 5 రాశులకు నష్టాలు...పాటించాల్సిన పరిహారాలు..

మేష రాశి..

ఈ రాశి వారు రాహు, కేతువుల రవాణా సమయంలో ఇతరులతో రిలేషన్ షిప్ విషయంలో చాలా జాగ్రత్తగా ఉండాలి. ఎందుకంటే మీకు ప్రతికూల ఫలితాలు ఎదురయ్యే అవకాశం ఉంది. భవిష్యత్తులో మీరు ఆర్థికంగా కఠిన పరిస్థితులను ఎదుర్కొనే అవకాశాలు ఉన్నాయి.

తుల రాశి..

ఈ రాశి నుండి రాహువు ఏడో స్థానంలోను, కేతువు తొలి స్థానంలో సంచరిస్తారు. ఈ కాలంలో తుల రాశి వారు ఆర్థిక పరమైన విషయాల్లో, ఆరోగ్య పరంగా జాగ్రత్తగా ఉండాలి. అలాగే రిలేషన్ షిప్ విషయంలో కూడా మరింత జాగ్రత్తగా వ్యవహరించాలి.

ధనస్సు రాశి..

ఈ రాశి వారికి రాహు, కేతువుల రవాణా వల్ల ప్రతికూల ఫలితాలు ఎదురుకావొచ్చు. ఈ కాలంలో మీరు భవిష్యత్తు గురించి ఆందోళన చెందొచ్చు. ఈ కాలంలో మీరు అనవసరమైన ఖర్చు చేయాల్సి వస్తుంది. అలాగే జర్నీ చేసే సమయంలోనూ చాలా జాగ్రత్తగా ఉండాలి. ఏవైనా ముఖ్యమైన పనులుంటే వాయిదా వేసుకోవాలి. ఆర్థిక పరమైన విషయాల్లో అప్రమత్తంగా ఉండాలి.

మకర రాశి..

ఈ రాశి నుండి రాహు-కేతువులు నాలుగు, పదో పాదం గుండా ప్రయాణించనున్నారు. ఈ నేపథ్యంలో కేతువు రవాణా ఈ రాశి వారికి సానుకూల ఫలితాలను తీసుకొస్తుంది. కానీ రాహు రవాణా మాత్రం ప్రతికూల ఫలితాలను తీసుకురావచ్చు. మొత్తానికి ఈ కాలంలో మకర రాశి వారికి కుటుంబ జీవితంలో కొన్ని ఇబ్బందులు తలెత్తే అవకాశం ఉంది. మీకు ఆరోగ్య పరమైన ఇబ్బందులు రావొచ్చు.

మీన రాశి..

ఈ రాశి వారికి రాహు-కేతుల సంచారం వల్ల ప్రతికూల ఫలితాలే ఎదురవుతాయి. ఈ కాలంలో మీరు ఆర్థిక పరమైన సమస్యలను ఎదుర్కోవచ్చు. ఆరోగ్య పరంగా కూడా కొన్ని ఇబ్బందులు ఎదురవుతాయి.

పాటించాల్సిన పరిహారాలు..

ఈ 5 రాశుల వారు రాహు-కేతువుల ప్రతికూల ప్రభావాల నుండి ఉపశమనం పొందాలంటే కొన్ని పరిహారాలను పాటించాల్సి ఉంటుంది. ముఖ్యంగా మీ లైఫ్ స్టైల్ ను కొంత మార్చుకోవాలి. ప్రతిరోజూ యోగా చేయాలి. అలాగే ఉదయాన్నే స్నానం చేసిన అనంతరం తులసి ఆకులను తినాలి. చందన తిలకాన్ని క్రమం తప్పకుండా వాడాలి. మరోవైపు మాంసం, ఫాస్ట్ ఫుడ్, ఆల్కహాల్ కు దూరంగా ఉండాలి. మీ ఇష్ట దైవాన్ని తలచుకుంటూ మంత్రాలను జపించడం వల్ల, మీకు రాహు, కేతువుల నుండి సానుకూల శక్తి లభిస్తుంది. ఇలా చేయడం వల్ల మీ జీవితం గాడిన పడే అవకాశం ఉంది. పైన ఉన్న ఐదు రాశులు మినహా మిగిలిన ఏడు రాశుల వారికి సానుకూల ఫలితాలు వచ్చే అవకాశం ఉందని జ్యోతిష్య నిపుణులు చెబుతున్నారు.