For Quick Alerts
ALLOW NOTIFICATIONS  
For Daily Alerts

సోషల్ మీడియాలో వైరల్ అయిన రాణు రాగం..

|

ఇంతకుముందు తెలుగు రాష్ట్రాల్లో బేబి పాడిన పాట ఎంత వైరల్ అయ్యిందో అందరికీ తెలిసిందే. తెలుగు రాష్ట్రాల్లో అగ్రనటులు మెగాస్టార్ చిరంజీవి సైతం ఆమెను ఇంటికి పిలిచి మరీ బహుమతులు ఇచ్చిన సంగతీ తెలిసిందే. సంగీత దర్శకులు కోఠి సైతం ఆమెకు సినిమాల్లో పాడే అవకాశం ఇచ్చిన విషయం విదితమే. అదే తరహాలో ఇటీవల బెంగాల్ రాష్ట్రంలోని రాణా ఘాట్ అనే రైల్వేస్టేషన్లో పనిచేసే రాణు అనే మహిళ సరాదాగా పాడిన ఓ పాట వైరల్ అయ్యింది. "యే ప్యార్ కా నగ్మా హై" అంటూ ఆమె పాడిన పాట అందరినీ ఆకట్టుకుంటోంది. అచ్చం లతామంగేష్కర్ పాడినట్టే పాడి అందరినీ మైమరిపిస్తోంది. దీంతో చాలా మంది సోషల్ మీడియాలో ఆమె గురించి వెతకటం ప్రారంభించారు. ఇంతకీ ఆమె ఎవరు.. ఎక్కడ ఉంటారు.. ఏమి చేస్తుంటారు అనే వివరాలు ఈ స్టోరీలో తెలుసుకుందాం.

Ranaghats Ranu

అది పశ్చిమ బెంగాల్ లోని ఓ రైల్వేస్టేషన్.. నిత్యం రద్దీగా ఉండే ఆ ప్రాంతంలో ఎవరి పనుల్లో వారు బిజీబిజీగా గడుపుతుంటారు. అందరిలాగే ఆమె కూడా ఆరోజు తన పనిలో నిమగ్నమయ్యింది. రైల్వేస్టేషన్లో పని చేసే ఆ మహిళ అప్పుడే పని ముగించుకుని సరాదాగా ఓ పాట పాడింది. "యే ప్యార్ కా నగ్మా హై" అంటూ పల్లవి అందుకోగానే అక్కడున్న వారంతా ఆశ్చర్యపోయారు. తొలుత లతా మంగేష్కరే అక్కడికొచ్చిందేమోనని అనుకున్నారు. కాస్త తేరుకుని చూస్తే రాణు మొండల్ ఓ సాధారణ మహిళ అచ్చం గానకోకిలలా పాడుతుంటే వారంతా పరవశించిపోయారు. అంతే వెంటనే ఆమె పాడిన పాటను వీడియోలో రికార్డు చేశారు. ఏ మాత్రం ఆలస్యం చేయకుండా సోషల్ మీడియాలో అప్ లోడ్ చేశారు. అంతే అది సోషల్ మీడియాలో బాగా వైరల్ అయ్యింది. అది అంతగా వైరల్ అవుతుందని వారు కూడా ఊహించలేదు. కానీ అది కాస్త ఎవ్వరూ ఊహించనంతగా వైరల్ అయ్యింది. అంతే ఆమె రాత్రికి రాత్రే సోషల్ మీడియాలో సెలబ్రెటీగా మారిపోయారు. చాలా మంది ఆమె ఆచూకీని వెతికే పనిలో పడ్డారు. ఎట్టకేలకు ఆమె చిరునామా తెలుసుకున్న మీడియా వారు ఆమె ఇంటర్వ్యూల కోసం ఎగబడ్డారు. ఈ విషయం తెలుసుకున్న సినిమా వాళ్లు సైతం ఆమెకు అవకాశాలిస్తామని చెబుతున్నారు. దీంతో ఆమె ఆనందానికి అవధుల్లేకుండా పోయాయి.

ఇప్పటికే మీడియా ప్రతినిధులు రాణు దీదీతో ప్రత్యేక ఇంటర్వ్యూ సైతం తీసుకున్నారు. అంతేకాదు ఆమెతో సెల్ఫీలు దిగడానికి తెగ ఉత్సాహం చూపారు. ఇప్పటికీ సెల్ఫీల కోసం చాలామంది వస్తూనే ఉన్నారు. ఈ సందర్భంగా రాణు మాట్లాడుతూ తాను సరాదాగా పాడిన ఆ పాట అంతలా వైరల్ అవుతుందని అస్సలు ఊహించలేదన్నారు. ఇప్పటికీ నాకు ఇంతలా పబ్లిసిటీ వచ్చిందంటే నమ్మలేకపోతున్నానని చెప్పారు. ఆ వీడియోను అప్ లోడ్ చేసిన టీమ్ సభ్యులకు ఆమె ధన్యవాదాలు తెలిపారు.

ఏ పుట్టలో ఏ పాము ఉంటుందో అన్న చందంగా ఎవరి లోపల ఏ టాలెంట్ ఉంటుందో తెలుసుకోవడం కష్టమే. పబ్లిసిటీ కోసం చాలా మంది చాలా రకాలుగా ప్రయత్నిస్తున్నా.. వారికి రాని పబ్లిసిటీ రాణు, బేబీ లాంటి వారికి అమాంతం పెరిగిపోవడంతో అందరూ నోరెళ్లబెడుతున్నారు. ఆమె గొంతు అచ్చం కోకిల పాట అంత మధురంగా ఉండటంతో ఆమెకు అనుకోకుండా అద్భుతమైన అవకాశం వచ్చింది. ఇక త్వరలోనే ఈమెకు సినిమాలో పాడే ఛాన్సులు రానున్నాయి. సో తొందర్లోనే ఆమె సినిమాలలో పాటలు పాడి మరింత మంచి పేరు తెచ్చుకోవాలని కోరుకుందాం.

Read more about: insync life లైఫ్
English summary

Ranaghats Ranu Mondal Song is Viral On Social Media

Everyday there is a lot of hope for Chance in the movies. But chances are some will come. Some come fast.. Others come late. But if you have the talent that social media is shit, there are a lot of opportunities directly in the cinema. This is a wonderful opportunity for a woman who works at Ranaghat station. Like everyone else, she never tried for her chances. But opportunities for her talent came to her. Do you know what she did .. Just sing a song for fun. It became a viral. She brought unexpected possibilities.
Story first published: Thursday, August 8, 2019, 15:36 [IST]
We use cookies to ensure that we give you the best experience on our website. This includes cookies from third party social media websites and ad networks. Such third party cookies may track your use on Boldsky sites for better rendering. Our partners use cookies to ensure we show you advertising that is relevant to you. If you continue without changing your settings, we'll assume that you are happy to receive all cookies on Boldsky website. However, you can change your cookie settings at any time. Learn more