Shani Shukra Gochar 2023: 30 ఏళ్ల తర్వాత శని, శుక్రుల కలయిక.. ఈ రాశుల వారికి కష్టాలు తప్పవు

శుక్ర, శని కలయిక ఎప్పుడంటే..

జ్యోతిష్య శాస్త్ర లెక్కల ప్రకారం జనవరి 22వ తేదీ సాయంత్రం 4.03 నిమిషాలకు శుక్రుడు కుంభరాశిలోకి సంచరించబోతున్నాడు. అప్పటికే కుంభరాశిలో ఉన్న శనితో కలవనున్నాడు. ఫిబ్రవరి 15వ తేదీ రాత్రి 8.12 గంటల వరకు కుంభరాశిలోనే ఉంటాడు. ఆ తర్వాత మీనరాశిలో ప్రవేశించనున్నాడు.

మేషరాశి:

మేషరాశి వారికి శుక్ర, శని కలయిక అంతగా కలిసి రాకపోవచ్చు. వృత్తిపరంగా ఈ సమయంలో ప్రయాణాలు ఎక్కువగా చేయాల్సి వస్తుంది. కొత్త మిత్రులు అవుతారు. వారితో సమయం గడపడం వల్ల కుటుంబసభ్యులతో టైం గడపలేకపోవచ్చు. ఆర్థికం బాగున్నప్పటికీ చిన్న చిన్న తప్పుడు నిర్ణయాలు విపరీతమైన ప్రభావాన్ని చూపిస్తాయి.

వృషభ రాశి:

భాగస్వామితో సఖ్యత ఉండదు. దంపతుల మధ్య గొడవలు జరుగుతాయి. జీవిత భాగస్వామితో వాదనల వల్ల ఒత్తిడి ఉంటుంది. ఈ ఒత్తిడి వృత్తి జీవితంలోనూ పడే అవకాశాలు ఉన్నాయి. ఈ సమయంలో జీవిత భాగస్వామికి ఏమాత్రం సమయం ఇవ్వలేరు. దీని వల్ల గొడవలు, కలహాలు వాటి వల్ల దూరం పెరుగుతుంది.

కర్కాటకరాశి:

శుక్రుడు మకరరాశిలోకి ప్రవేశించిన సమయంలో కర్కాటక రాశి వారు అనేక సమస్యలు ఎదుర్కొంటారు. వ్యాపారంలో భాగస్వామితో సమస్యలు వస్తాయి. వ్యాపారంలో కలహాలకు తోడు నష్టాలు కూడా వస్తాయి. ఇది ఆర్థికంగా ప్రభావం చూపిస్తుంది. ఈ సమయంలో ఆరోగ్యాన్ని జాగ్రత్తగా చూసుకోకపోతే సమస్యలు తప్పవు. మోకాలి నొప్పు, ఒంటి నొప్పులు, నడుం నొప్పి సమస్యలు బాధిస్తాయి.

సింహరాశి:

వ్యాపారంలో ఉన్న సింహరాశి వారికి ఈ సమయంలో ఏమాత్రం కలిసిరాదు. ఆలోచించకుండా పెట్టే పెట్టుబడుల వల్ల తీవ్ర నష్టాన్ని ఎదుర్కొంటారు. జీవిత భాగస్వామతితో కలహాలు రావొచ్చు. వీలైనంత ఎక్కువ సమయం వారితో గడపడానికి ప్రయత్నించండి.

తులారాశి:

శుక్రుడు, శని కలయిక తులారాశి వారికి పెద్ద కలిసి వచ్చే సూచనలు లేవు. వ్యాపారం సాఫీగానే సాగుతుంది. తీవ్ర నష్టాలు, భారీ లాభాలు వచ్చే అవకాశం లేదు. ఆరోగ్యంపై శ్రద్ధ పెడితే ఎలాంటి సమస్యలు రావు.

వృశ్చిక రాశి:

శుక్ర సంచారం వృశ్చిక రాశి వారిపై బాగానే ఉంటుంది. వృత్తిలో బిజీ అయిపోతారు. కుటుంబసభ్యులకు, జీవితభాగస్వామికి సమయం కేటాయించలేరు. సొంతం వ్యాపారం చేసుకునే వారు లాభాలు పొందాలంటే కొన్ని మార్పులు చేసుకోవాల్సిందే. ఆరోగ్యం దృష్ట్యా ఈ సమయంలో సమస్యలు వచ్చే అవకాశాలు ఎక్కువగా ఉన్నాయి.

ధనుస్సు రాశి:

ధనుస్సు రాశి వారికి శుక్ర సంచారం ఇబ్బందులను తెచ్చిపెడుతోంది. ఈ సమయంలో ధనుస్సు రాశి వారి కొత్త సమస్యలను కూడా ఎదుర్కొంటారు. ఉద్యోగస్తులపై తీవ్ర ఒత్తిడి ఉంటుంది. వ్యక్తిగత జీవితం తీవ్రంగా ప్రభావితం అవుతుంది. జీవిత భాగస్వామితోనూసమస్యలు ఉంటాయి.

మీనరాశి:

ఉద్యోగంలో ఉన్న వారు ఎక్కువగా పని చేయాల్సి వస్తుంది. దీని వల్ల శారీరక, మానసిక ఒత్తిడి ఉంటుంది. కార్యాలయంలో తీవ్ర పని వల్ల జీవిత భాగస్వామితో నాణ్యమైన సమయాన్ని గడపలేకపోతారు. ఆరోగ్యపరంగా మాత్రం అనుకూలంగానే ఉంటుంది.