నవ్వును బట్టి ఎదుటివారి స్వభావం గురించి ఈజీగా తెలుసుకోవచ్చా?

గుడ్డిగా నమ్మేయొచ్చు...

సాముద్రిక శాస్త్రం ప్రకారం ఎవరైనా వ్యక్తి పెద్దగా నవ్వితే వారి మనసులో ప్రతి ఒక్కరి మీద ప్రేమ ఒకే విధంగా ఉంటుందని అర్థం. అలాగే వారు ఎంతో దయ, జాలి, ఉదార స్వభావం కలిగి ఉంటారని అంచనా వేయొచ్చు. వీరు దేన్నైనా భరించే గొప్ప సామర్థ్యాన్ని కలిగి ఉంటారు. వీరు ఎవ్వరినీ మోసం చేయరు. ఒక్కమాటలో చెప్పాలంటే వీరిని గుడ్డిగా నమ్మేయచ్చు.

కష్టపడి పని చేస్తారని..

ఎవరైనా వ్యక్తి పెద్ద గొంతుతో గట్టిగా నవ్వుతుంటే, వారిని కష్టపడి పని చేసే వారిగా అర్థం చేసుకోవచ్చు. అలాగే వీరు ఏదైనా పనిని మొదలుపెడితే, అది పూర్తయ్యే వరకు వదిలిపెట్టరు. ఈ స్వభావం కలిగిన వారిలో ఆత్మగౌరవం భావం ఉంటుంది. అయితే వీరిలో ఓ లోపం ఉంది. అది ఏంటంటే.. వీరు ఏదైనా అవకాశాన్ని కోల్పోవడాన్ని అస్సలు తట్టుకోలేరు. ఇలాంటి ప్రవర్తన వల్ల వీరిపై సొంతవారే కోపం పెంచుకుంటారు.

చిన్నగా చిరునవ్వు నవ్వితే..

ఎవరైనా ఒక వ్యక్తి చిన్నగా చిరునవ్వు నవ్వితే..వారు ఎంతో తెలివైన వారని అర్థం చేసుకోవాలి. వీరు పరిస్థితులకు తగ్గట్టు నడుచుకుంటారు. వీరి ప్రత్యేకత ఏంటంటే ఎలాంటి క్లిష్ట పరిస్థితినైనా చాలా సులభంగా అదుపులోకి తెచ్చుకుంటారు. వీరు చుట్టాలతో కూడా చాలా నిజాయితీగా ఉంటారు. వీరి మనసులో అవనసరంగా ఎలాంటి ద్వేషం అనేదే ఉండదు. ముఖ్యంగా వీరు ఎలాంటి వివాదాలకైనా, తగాదాలకైనా దూరంగా ఉండేందుకు ప్రయత్నిస్తారు. ఒకవేళ ఏదైనా గొడవ జరిగితే, తెలివిగా ఆలోచించి వాటిని సరిచేస్తారు.

ఫస్ట్ నైట్ తర్వాత కొత్త పెళ్లికూతురు మదిలో మెదిలే ప్రశ్నలేంటో తెలుసా?

గ్యాప్ ఇచ్చి నవ్వితే...

ఎవరైతే వ్యక్తులు గ్యాప్ ఇచ్చి నవ్వుతారో వీరు చాలా ఎక్కువగా ఆలోచిస్తారు. అలాగే ఏదైనా పని విషయంలో వీరికి ఎలాంటి హాని జరగదు. వీరి జీవితంలోని ప్రతి రంగంలోనూ వీరు అనుకున్న విధంగా ముందుకు సాగుతారు. సమాజంలో గౌరవంతో పాటు ఆదరణ పొందుతారు.

మోసానికి దూరంగా..

వీరికి మేధస్సు చాలా ఎక్కువగా ఉంటుంది. మీరి బ్రెయిన్ చాలా షార్ప్ గా పని చేస్తుంది. వీరు మోసం చేయడం వంటి పనులకు దూరంగా ఉంటారు. అంతేకాదు, ఇతరులకు చాలా సహాయం చేస్తుంటారు. వీరిని చాలా సులభంగా నమ్మొచ్చు.