అక్కడ ఓ మగ పురుగును కూడా రానివ్వరట... ఎందుకంటే అది ఆడవారి అడ్డా...!

బాలెయారిక్ దీవిలో..

స్పెయిన్ దేశంలోని బాలెయారిక్ దీవిలో ఉండే అందమైన హోటల్ లో కేవలం అమ్మాయిలకే మాత్రం అనుమతి ఉంటుందట. అది కూడా ఎవరికైతే 14 సంవత్సరాల వయసు దాటి ఉంటుందో వారిని మాత్రమే అనుమతిస్తారట..

ఒంటరిగా గడిపే మహిళలకు..

ఎవరైతే మహిళలు మగవారికి కొన్ని రోజులు దూరంగా ఉండాలనుకుంటారో.. ఎవరైతే ప్రశాంతంగా జీవితాన్ని ఎంజాయ్ చేయాలనుకుంటారో అలాంటి వారికి తమ హోటల్ సరైనదని సోమ్ డోనా హోటల్ హోటల్ నిర్వాహకులు చెబుతున్నారు.

పురుషులకు అనుమతి లేదు..

ఈ హోటల్ లో ఒక్క మగ పురుగు ఉండేందుకు అవకాశం లేదు. అంతేకాదండోయ్.. ఆ హోటల్ ఉండే పరిసరాల్లోకి మగవారు ఎట్టిపరిస్థితుల్లో అడుగు అనేదే పెట్టకూడదట. కనీసం ఆ మహిళ కుటుంబీకులు లేదా భర్తలు, స్నేహితులైనా కూడా లోపలికి అనుమతించరట.

మహిళల భద్రత..

ఈ హోటల్ కేవలం మహిళల భద్రతకు తొలి ప్రాధాన్యత ఇస్తుందట. మరో విషయమేమిటంటే.. ఇక్కడి సిబ్బందిని కూడా మహిళలతోనే నియమించాలని భావించాలంట. కానీ, ప్రభుత్వ నిబంధనలు ఇందుకోసం అడ్డొచ్చాయట.

కొందరి పురుషులకు..

అయితే పని విషయంలో స్త్రీ, పురుషులిద్దరి మధ్య వివిక్ష ఉండకూడదనే నిబంధనతో కేవలం కొందరు పురుషులకు హోటల్ లో పని చేసే అవకాశం ఇచ్చారట. అది కూడా అనేక షరత్తులతోనే. వీరి వల్ల మహిళలకు ఏ చిన్న ఇబ్బంది రాకుండా వారికి అనేక కఠినమైన నిబంధనలు అమలు చేస్తున్నారట.