Surya and Chandra Grahan 2022: కొత్త ఏడాదిలో సూర్య, చంద్ర గ్రహణాలు ఎప్పుడొచ్చాయి?

2022లో తొలి సూర్య గ్రహణం..

2022 సంవత్సరంలో తొలి సూర్య గ్రహణం ఏప్రిల్ 30వ తేదీన ఏర్పడనుంది. ఇది ప్రపంచంలోని అనేక దేశాలతో పాటు భారతదేశంలో కూడా కనిపిస్తుంది. అయితే మన దేశంలో కేవలం పాక్షిక సూర్యగ్రహణం మాత్రమే ఉంటుంది. కాబట్టి దీన్ని సూతక్ కాలంగా పరిగణించరు. 2022 ఏడాదిలో మొదటి సూర్య గ్రహణం ఏప్రిల్ 30 వ తేదీన అంటే శనివారం మధ్యాహ్నం 12:15 గంటలకు ప్రారంభమై సాయంత్రం 4 గంటల ప్రాంతంలో ముగుస్తుంది.

రెండో సూర్య గ్రహణం..

మన దేశంలో 2022 సంవత్సరంలో రెండో సూర్య గ్రహణం అక్టోబర్ 25వ తేదీన ఏర్పడనుంది. ఈ గ్రహణాన్ని భారతదేశంతో పాటు అనేక ఇతర దేశాల్లొ చూడొచ్చు. అయితే భారతదేశంలో ఈ గ్రహణం యొక్క పాక్షిక ప్రభావం కారణంగా, ఈ సమయంలో సూతక్ కాలం అనేది ఉండదు. ఈ గ్రహణం అక్టోబర్ 25వ తేదీన అంటే మంగళవారం నాడు సాయంత్రం 4:29 గంటలకు ప్రారంభమవుతుంది. ఇది కొద్ది నిమిషాల్లోనే సాయంత్రం 5:42 గంటలకే ముగుస్తుంది.

2022లో తొలి చంద్ర గ్రహణం..

ఆంగ్ల నూతన సంవత్సరం 2022లో తొలి చంద్ర గ్రహణం మే 16వ తేదీన ఏర్పడనుంది. ఈ గ్రహణాన్ని భారతదేశంతో పాటు ప్రపంచంలోని అనేక ఇతర దేశాల్లో దీన్ని చూడొచ్చు. ఈ గ్రహణం ప్రభావం మన దేశంపై ఎక్కువగానే ఉంటుంది. ఈ కాలంలోనే సూతక్ కాలం కూడా ఉంటుంది. ఇది సంపూర్ణ చంద్ర గ్రహణం అవుతుంది. ఈ గ్రహణం ఇంగ్లీష్ క్యాలెండర్ ప్రకారం, ఐదో నెల అయిన మే నెలలో 16వ తేదీన బుధవారం ఉదయం 7:02 గంటలకు ప్రారంభమై, మధ్యాహ్నం 12:20 గంటలకు ముగుస్తుంది. ఈ గ్రహణం సమయంలో చాలా మంది అనేక జాగ్రత్తలు తీసుకోవాలి.

రెండో చంద్ర గ్రహణం..

2022 సంవత్సరంలో నవంబర్ ఎనిమిదో తేదీన రెండో చంద్ర గ్రహణం ఏర్పడనుంది. ఈ గ్రహణం ప్రపంచంలోని అనేక దేశాలతో పాటు భారతదేశంలో కూడా కనిపిస్తుంది. దీన్ని మన దేశంలో స్పష్టంగా చూడొచ్చు. దీని ప్రభావం భారతదేశంపై ఎక్కువగానే ఉండొచ్చు. ఈ కాలంలో సూతక్ కాలం కూడా చెల్లుబాటు అవుతుంది. భారత కాలమానం ప్రకారం ఈ గ్రహణం నవంబర్ ఎనిమిదో తేదీన అంటే మంగళవారం మధ్యాహ్నం 1:32 గంటలకు ప్రారంభమై రాత్రి 7:27 గంటలకు ముగుస్తుంది.