For Quick Alerts
ALLOW NOTIFICATIONS  
For Daily Alerts

ఈ ఏడాది ప్రపంచంలోనే అత్యంత నివాసయోగ్యమైన నగరాలు ఇవే..

|

సాధారణంగా ప్రపంచంలోనే అత్యుత్తమ నివాసయోగ్య నగరాలు ఏవని అడిగితే చాలా మంది టక్కున చెప్పే సమాధానం న్యూయార్క్, లండన్, కెనడా, ఆస్ట్రేలియా వంటి నగరాల పేర్లు చెబుతుంటారు. కానీ వారి అంచనాలు తప్పని తేల్చింది 'ది ఎకనామిస్ట్ ఇంటిలిజెన్స్' యూనిట్. గత ఏడాదే మోస్ట్ పాపులర్ నగరాలన్నింటినీ అధిగమించి అగ్రస్థానంలో నిలిచిన వియన్నా నగరమే మరోసారి ప్రపంచంలోనే అత్యంత నివాసయోగ్యమైన నగరంగా ఫస్ట్ ప్లేసును నిలబెట్టుకుంది.

'ది ఎకనమిస్ట్ ఇంటెలిజెన్స్' యూనిట్ తాజాగా విడుదల చేసిన అత్యంత నివాసయోగ్య సూచి (2019)లో ఆస్ట్రియా రాజధాని వియన్నా వరుసగా రెండోసారి ప్రథమ స్థానాన్ని కైవశం చేసుకుంది. దాదాపు ఏడు సంవత్సరాల పాటు తొలిస్థానంలో ఉన్న ఆస్ట్రేలియాలోని మెల్బోర్నో నగరాన్ని వెనక్కి నెట్టి 2018లో అగ్రస్థానానికి చేరినా వియన్నా ఆ స్థానాన్ని మళ్లీ పదిలంగా నిలుపుకుంది. సిడ్నీ, ఒసాకా తరువాతి రెండు స్థానాల్లో నిలిచాయి. ఈ సర్వేను మొత్తం 140 నగరాల్లో నిర్వహించారు. జీవన ప్రమాణ స్థాయి, నేరాల నమోదు, ప్రయాణ, మౌలిక వసతులు, విద్య, వైద్యంతో పాటు రాజకీయ, ఆర్థిక స్థిరత్వం వంటి అంశాల ఆధారంగా ఈ సర్వేను చేపట్టారు. తొలిసారిగా పర్యావరణ పరిస్థితుల్ని కూడా పరిగణనలోకి తీసుకున్నారు.

The Worlds Most Liveable Cities in 2019

ఇక ప్రాంతాల వారీగా పశ్చిమ ఐరోపా, దక్షిణ అమెరికాలు నివాసానికి అనువుగా ఉన్నాయని తేల్చారు. తొలి 20 నగరాల్లో ఎనిమిది నగరాలు ఐరోపా దేశాల్లోనే ఉండటం విశేషం. అయితే ప్రముఖ నగరం పారిస్ మాత్రం మరో ఎనిమిది స్థానాలు దిగజారి 25వ స్థానంలో నిలిచింది. ఇక లండన్ 48వ స్థానానికి పరిమితం కాగా, న్యూయార్క్ నగరం 58వ స్థానానికి పడిపోయింది. నిత్యం బాంబుల మోతతో దద్దరిల్లే సిరియా రాజధాని డమస్కన్ చివరి స్థానంలో నిలిచింది. ట్రిపోలి, ఢాకా, కరాచీ తర్వాతి స్థానాల్లో నిలిచాయి.

ఇంకా దిగజారిన ఢిల్లీ, ముంబై ర్యాంకు..

అంతర్జాతీయంగా అత్యంత నివాస యోగ్య సూచీలో తొలి 100 నగరాల్లో మన దేశానికి చెందిన ఒక్క నగరం కూడా లేకపోవడం విచారకరం. గతేడాది 112వ స్థానంలో నిలిచిన ఢిల్లీ నగరం ఈ ఏడాది 118వ స్థానానికి పడిపోయింది. నేరాల నమోదు రేటు కూడా గతేడాదితో పోల్చి చూస్తే పెరిగిపోవడం, తీవ్ర వాయు కాలుష్యం ఇందుకు ప్రధాన కారణాలు తెలుస్తోంది. మరో ముఖ్యమైన నగరం ఆర్థిక రాజధాని పిలువబడే ముంబై కూడా 117 నుండి 119వ స్థానానికి దిగజారింది.

English summary

The World's Most Liveable Cities in 2019

Regionally, Western Europe and South America have been found to be habitable. Eight of the top 20 cities are in Europe. The leading city, however, fell eight places to 25th. London was ranked 48th, while New York City fell to 58th. Damascus, the capital of Syria, was the last place to be bombed with regular bombs. Tripoli, Dhaka and Karachi are next.
We use cookies to ensure that we give you the best experience on our website. This includes cookies from third party social media websites and ad networks. Such third party cookies may track your use on Boldsky sites for better rendering. Our partners use cookies to ensure we show you advertising that is relevant to you. If you continue without changing your settings, we'll assume that you are happy to receive all cookies on Boldsky website. However, you can change your cookie settings at any time. Learn more