July 2021 Planets Transit:జులైలో నాలుగు గ్రహాల పరివర్తనం.. రాశిచక్రాలపై ఎలాంటి ప్రభావమంటే...

మిధునంలోకి బుధుడు..

జ్యోతిష్యశాస్త్రం ప్రకారం, గ్రహాలలో రారాజుగా పరిగణించబడే బుధుడు జులై 7వ తేదీన మిధున రాశిలోకి ఆగమనం చేయనున్నాడు. ఇక్కడే జులై 25వ తేదీ వరకు నివాసం ఉండి.. అనంతరం కర్కాటక రాశిలో ప్రవేశించనున్నాడు. బుధుడు తన సొంత రాశి అయిన మిధున రాశిలోకి ప్రవేశించే సమయంలో ఉద్యోగులకు మంచి అవకాశాలు లభిస్తాయి. అంతేకాదు మీ కెరీర్లో మంచి పురోగతి లభిస్తుంది. అయితే కర్కాటక రాశిలోకి బుధుడు ప్రవేశించే సమయంలో ద్వాదశ రాశులపై కొంత ప్రతికూల ప్రభావం పడుతుంది.

కర్కాటకంలో సూర్యుడి ఎంట్రీ..

జ్యోతిష్యశాస్త్రం ప్రకారం, సూర్యుడిని గ్రహాలకు అధిపతిగా పరిగణిస్తారు. అలాంటి సూర్యుడి ఆశీస్సులు ప్రతి ఒక్కరూ కావాలని ఆశిస్తారు. ముఖ్యంగా సూర్యుడు కర్కాటకంలోకి ప్రవేశించే సమయంలో కొన్ని రంగాల ఉద్యోగులకు వారి కెరీర్ లో పురోగతి లభిస్తుంది. మీరు ఊహించిన ఫలితాలు రావొచ్చు. అయితే కొన్ని రాశుల వారికి ఇది చాలా కష్టమవుతుంది. మరి కొన్ని రాశుల వారికి సానుకూల ఫలితాలు ఉంటాయి.

సింహంలోకి శుక్రుడి ప్రవేశం..

జ్యోతిష్యశాస్త్రం శుక్రుడు వైవాహిక జీవితంలో మంచి ప్రభావాన్ని చూపుతాడు. శుక్రుని ప్రభావంతో జంటల మధ్య ప్రేమ మాధుర్యం పెరుగుతుందని చాలా మంది నమ్మకం. జులై 17వ తేదీన సూర్యుడి సొంత రాశి అయిన సింహ రాశిలోకి శుక్రుడు ఆగమనం చేయడం వల్ల ద్వాదశ రాశులలోని కొన్ని రాశుల వారి జీవితంలో ఆనందం ఉంటుంది. మరికొన్ని రాశుల వారు చాలా నిరాశ చెందాల్సి ఉంటుంది.

సింహ రాశిలోకి అంగారకుడు..

జ్యోతిష్యశాస్త్రం ప్రకారం, అంగారకుడిని ధైర్యం, శక్తి కారకంగా భావిస్తారు. సూర్యుని రాశి అయిన సింహ రాశిలోకి అంగారకుడు ప్రవేశం వల్ల ద్వాదశ రాశుల వారి స్వభావంలో మార్పు జరగొచ్చు. జులై 20వ తేదీన అంగారకుడు సింహ రాశిలోకి ప్రవేశించనున్నాడు. అంగారకుడిని ఉగ్ర గ్రహంగా భావిస్తారు. అంగారకుడు మార్పు వల్ల సైనిక సిబ్బందికి, న్యాయవాదులు, పోలీసులకు చాలా ప్రత్యేకమైనదిగా పరిగణిస్తారు.

గమనిక : ఇక్కడ ఇవ్వబడిన ద్వాదశ రాశుల ఫలితాలను ప్రస్తుత గ్రహాలు, నక్షత్రాలు ఆధారంగా చేసుకొని ఇవ్వడం జరుగుతుంది. ఈ ఫలితాలు అన్ని వర్గాలను దృష్టిలో ఉంచుకుని ఇస్తున్నాము. మీకు మీ రాశి చక్రం గురించి సంపూర్ణమైన వివరాలు తెలియాలంటే మీరు వ్యక్తిగత జాతక పరిశీలనలో అనుభవం ఉన్నవారిని సంప్రదించి మీ గురించి పూర్తిగా తెలుసుకోగలరు. ఈ రాశి ఫలాలను పూర్తిగా నమ్ముతారా లేదా అనేది మీ ఇష్టం... ఈ రాశి ఫలితాలకు బోల్డ్ స్కై తెలుగు ఎటువంటి బాధ్యత వహించదు అని పాఠకులు గమనించగలరు.