కరోనా వంటి కష్టకాలంలో మహిళల పవర్ ఏంటో చూపించాల్సిందే...!

అవగాహన పెరగాలి..

ఈ ప్రపంచంలోని ప్రతి ఒక్క మహిళ సాధికారత సాధించాలంటే ముందుగా వారిలో సాధికారత రావాలి. అందుకే ఐక్య రాజ్య సమితి(UNO) మహిళా విభాగం ప్రతి ఏటా ఒక థీమ్ ని ఎంపిక చేస్తుంది. ఈ ఏడాది కూడా కరోనాను ఎదుర్కొనేందుకు మహిళలు నాయకత్వం తీసుకోవాలనే థీమ్ ను సిద్ధం చేసింది. దీని ఆధారంగానే ఈ ఏడాది మహిళా దినోత్సవ వేడుకలను నిర్వహించనున్నారు.

ఇంతకుముందు..

ఇంతకుముందు సైన్స్, టెక్నాలజీ, ఇంజనీరింగ్, మ్యాథ్స్ రంగాల్లో మహిళల సంఖ్య పెరిగేలా థీమ్ ను ఎంపిక చేశారు. ఇప్పుడు కరోనా నివారణకు చర్యలు తీసుకునేందుకు మహిళలు నాయకత్వం తీసుకోవాలని నిర్ణయించారు. ప్రపంచవ్యాప్తంగా ప్రతి ఒక్కరినీ కలవరపెడుతున్న కరోనాను నివారించడంలో మహిళలందరూ కీలక పాత్ర పోషించి లక్ష్య సాధన దిశగా నడవాలన్నదే ఈ థీమ్ ఉద్దేశ్యం.

అవకాశాలు పెరిగాయి..

మారుతున్న కాలానికి అనుగుణంగా.. ప్రతి రోజూ ఎంతగానో అభివ్రుద్ధి చెందుతోన్న సైన్స్, టెక్నాలజీ రంగంలో మహిళలు అవకాశాలు అందిపుచ్చుకుని, అద్యయనాల ప్రకారం అన్ని రంగాల్లో సాధికారత సాధించాలి. ఇలా జరిగినప్పుడే లింగ భేదం లేకుండా పురుషులతో సమానంగా ఆవిష్కరణలకు మార్గం సులభమవుతుంది.

మహిళల ఆలోచనలు..

అయితే మహిళల ఆలోచనలు దీనికి భిన్నంగా ఉంటున్నాయి. వీరి ఆలోచనలను పరిగణనలోకి తీసుకోవడం లేదు. వారి అవసరాలను చాలా తక్కువ మందే గుర్తిస్తున్నారు. వీరి అనుభవాన్ని పూర్తి స్థాయిలో వినియోగించుకోవడం లేదు. ఈ పరిస్థితిని మార్చి అన్ని రంగాల్లో స్రీ ప్రాభవాన్ని, ప్రాధాన్యాన్ని పెంచేలా ఈ ఏడాది క్రుషి చేయనున్నారు.

మరింత వేగంగా..

ఇలా లింగ భేదంలో సమానత్వం సాధించిన తర్వాత మహిళలు, బాలికల ఎదుగుదలకు అవసరమైన, అనువైన వాతావరణాన్ని కల్పించే దిశగా చేస్తున్న ప్రయత్నం ఇది. ఈ ప్రయత్నం విజయవంతంగా జరిగి మహిళల పరిస్థితిలో మార్పు రావాలని మనమంతా కోరుకుందాం.