Ugadi 2023: ఉగాది వెనక ఈ కథల గురించి మీకు తెలుసా?

తెలుగు వారంతా ఎంతో ఉత్సాహంతో, సంతోషంతో జరుపుకునే పండగ ఉగాది. తెలుగు నూతన సంవత్సర ప్రారంభ రోజును ఉగాది సూచిస్తుంది. ప్రతి సంవత్సరం చైత్ర శుద్ధ మాసంలో పాడ్యమి నాడు వచ్చే ఈ పర్వదినానికి ఎంతో ప్రాముఖ్యత ఉంది. 2023 సంవత్సరంలో మార్చి 22వ తేదీ బుధవారం రోజున ఉగాది వచ్చింది.

ఉగాది రోజున కొత్త పంచాంగం మొదలు పెడతారు. జ్యోతిష్యశాస్త్రం ప్రకారం రాశి చక్రాల జాతకాలు అంచనా వేస్తారు. ఉగాది జరుపుకోవడం వెనక అనేక కథలు, పురాణగాథలు ఉన్నాయి. అవేంటో ఇప్పుడు తెలుసుకుందాం.

1. ఉగాది ఎప్పుడు వస్తుందంటే

సాధారణంగా మార్చి లేదా ఏప్రిల్ లో తెలుగు కొత్త సంవత్సరం ప్రారంభమవుతుంది. తెలుగు నూతన సంవత్సర ప్రారంభ రోజున ఉగాది జరుపుకుంటాం. ఉగ అంటే యుగం, ఆది అంటే ప్రారంభం అని అర్థం. ఉగాది అంటే కొత్త యుగం ప్రారంభం అని అర్థం.

వసంత ఋతువులో వెచ్చని వాతావరణం నెలకొనడంతో చల్లని రోజులు క్షీణించడాన్ని సూచించే ఆనందకరమైన వేడుక ఉగాది.

2. బ్రహ్మ సృష్టిని ప్రారంభించిన రోజు ఉగాది

వివిధ హిందూ గ్రంథాల ప్రకారం, బ్రహ్మ విశ్వం యొక్క వాస్తు శిల్పి ఆయన జన్మించినప్పుడు అతను సృష్టిలో మరే జీవిని చూడలేకపోతాడు. అతడి పుట్టుకకు ఉద్దేశం కోసం తెలుసుకోవడం ప్రారంభిస్తాడు.

ఎంత వెతికినా ఏదీ తెలియకపోవడంతో ధ్యానంలో మునిగిపోతాడు. చాలా సంవత్సరాల ధ్యానం తర్వాత విశ్వాన్ని సృష్టించడమే తన విధి అని గుర్తిస్తాడు.

బ్రహ్మ విశ్వాన్ని సృష్టించడాన్ని ప్రారంభించిన రోజును ఉగాదిగా జరుపుకుంటాం. జీవితంలో ఉత్తమంగా ఎలా ముందుకు సాగాలనే దానిపై అవసరమైన అంతర్ దృష్టిని అందిస్తూ, దైవంతో మెరుగ్గా కనెక్ట్ అవ్వడానికి ఉగాది ఉపయోగపడుతుంది.

3. రాముడు అయోధ్యకు పట్టాభిషేకం చేసిన రోజు ఉగాది

రామాయణం భారతదేశ గొప్పి ఇతిహాసం. 14 సంవత్సరాల వనవాసం తర్వాత రాముడు సీతతో అయోధ్యకు వచ్చినప్పుడు ఆయన పట్టాభిషేకం ఘనంగా జరుగుతుంది.

శ్రీరామ పట్టాభిషేకం జరిగిన రోజునే ఉగాదిగా జరుపుకుంటామని కొన్ని పురాణగాథలు చెబుతున్నాయి. ఇది చెడుపై మంచి సాధించిన విజయానికి చిహ్నంలా చూస్తారు.

4. కృష్ణుడు భూమిని వదిలేసిన రోజు

మహాభారత తర్వాత శ్రీకృష్ణుడు ఉగాది రోజు తనువు చాలించాడని అంటారు. అలాగే ఈ రోజు నుండి కలి యుగం మొదలవుతుందని చెబుతారు. శృంగారం, డబ్బు, అధికారం కోసం వెంపర్లాడే సంస్కృతి కలియుగంలో ఆధిపత్యం చెలాయిస్తుంది. కష్ట సమయాల్లో దైవస్మరణ, దైవారాధన చేయాలని ఉగాది సూచిస్తుంది.