Ugadi 2023: ఉగాది పచ్చడి ఆధ్యాత్మిక ప్రాముఖ్యత తెలుసా?

జీవితం యొక్క అసలు అర్థాన్ని తెలియజెప్పేది ఉగాది పచ్చడి. షడ్రుచుల సమ్మేళనంగా చేసే ఈ పచ్చడి జీవితం ఎలా సాగుతుంది, దానిని మనం ఎలా స్వీకరించాలి, ఎలా ముందుకు సాగాలనేది విడమరిచి చెబుతుంది. జీవితంలో అన్ని రకాల అనుభవాలు ఉంటాయి, వాటిని ఎలా స్వీకరించాలో ఉగాది పచ్చడి చెబుతుంది.

తీపి, పులుపు, కారం, ఉప్పు, వగరు, చేదు అనే ఆరు రుచులు కలిగిన ఉగాది పచ్చడి చాలా ప్రత్యేకమైనది. కొత్త సంవత్సరంలో ఎదురయ్యే కష్టసుఖాలను సంయమనంతో ఎదుర్కొవాలని ఉగాది పచ్చడి చెబుతుంది.

ఉగాది పచ్చడి ప్రాముఖ్యత:

ఉగాది పచ్చడి రుచి తీపి, పులుపు, ఉప్పు, చేదు, కారం, వగరు రుచులతో ఉంటుంది. బెల్లంలోని తీపి జీవితంలోని మంచి అనుభవాలను సూచిస్తుంది. పచ్చి మామిడి పండ్ల నుండి వచ్చే పులుపు జీవితంలోని ఆశ్చర్యకర ఘటనలను సూచిస్తుంది.

వేప చేదు జీవితంలోని చేదు అనుభవాలను, కష్టాలను సూచిస్తుంది. కారం సమస్యలను, వగరు ఇబ్బందులు, ఎదురు దెబ్బలను సూచిస్తుంది. ఉప్పు భవిష్యత్తు యొక్క భయంకరమైన అంచనాలను ప్రదర్శిస్తుంది.

• బెల్లం - తీపి - ఆనందానికి సంకేతం
• ఉప్పు - జీవితంలో ఉత్సాహం, అనుభవాలకు సంకేతం
• వేప పువ్వు - చేదు - బాధకలిగించే అనుభవాలు
• పచ్చి మామిడి ముక్కలు, చింతపండు - పులుపు - నేర్పుగా వ్యవహరించాల్సిన పరిస్థితులు, కొత్త సవాళ్లు
• మిరపపొడి - కారం - సహనం కోల్పోయేటట్టు చేసే పరిస్థితులు

ఋతు మార్పు కారణంగా వచ్చే వాత, కఫ, పిత్త దోషాలను హరించే ఔషధంగా ఉగాది పచ్చడికి పేరుంది. ఉగాది పచ్చడిని శాస్త్రీయంగా తయారు చేస్తే దాని వల్ల అనేక ఆరోగ్య ప్రయోజనాలు ఉన్నాయని ఆయుర్వేద నిపుణులు చెబుతున్నారు.

మన తెలుగు వారి పండగలు అనగానే గుర్తొచ్చేవి రకరకాల వంటకాలు. ముఖ్యంగా తెలుగు నూతన సంవత్సరం అనగానే ఉగాది పచ్చడితో పాటు బొబ్బట్లు, పులిహోర, దద్ద్యోజనం ఇంకా చాలా గుర్తుకొస్తాయి. ఉగాది రోజు స్పెషల్ చేసుకునే ఆ వంటకాలేమిటో చూద్దాం

1. ఉగాది పచ్చడి
2. పూర్ణం బూరెలు
3. బొబ్బట్లు
4. పులిహోర
5. దద్ద్యోజనం
6. చక్కెర పొంగలి
7. రవ్వ కేసరి
8. పాల తాళికలు
9. మేడు వడ