Vastu Tips: ఆ దిక్కుల్లో చెప్పులు పెడితే ప్రాణగండం..!

చెప్పులు ఉంచాల్సిన చోట ఉంచకుంటే..?

చెప్పులు, బూట్లు నిత్యం మనం ధరించి తిరుగుతాం. అయితే ఇంట్లో పాదరక్షలు సరైన దిశలో ఉంచకపోతే అనర్థాలు తప్పవని వాస్తు శాస్త్రం ఘోషిస్తోంది. ఉంచాల్సిన ప్రదేశంలో ఉంచకుంటే అనర్థాలు ఇంట్లోకి ప్రవేశిస్తాయట.ఇంట్లో చెప్పులు లేదా బూట్లు ఎప్పుడూ తలకిందులుగా ఉంచరాదు. శని పాదాలకు సంబంధించిందని విశ్వసిస్తారు. పాదరక్షలు సరిగ్గా ఉంచకపోతే అశుభ ప్రభావం కలుగుతుందని వాస్తు శాస్త్రం చెబుతోంది.

బూట్లు, చెప్పులు ఏదిశలో ఉంచాలి..?

శని ఇంట్లోకి ప్రవేశించకూడదంటే మనం ధరించే పాదరక్ష పట్ల చాలా జాగ్రత్త వహించాలి. వాటిని ఎక్కడ పడితే అక్కడ ఎలా పడితే అలా ఉంచరాదు. పాదరక్షలు ఎప్పుడూ పడమర వైపు మాత్రమే ఉంచాలని వాస్తు ఘోషిస్తోంది.ఇక ఇంట్లో విరిగిన చెప్పులు లేదా బూట్లు ఉంటే వాటిని దూరంగా విసిరేయాలి. అలాంటి పాదరక్షలు ఇంట్లో ఉండటం వల్ల నెగిటివ్ ఎనర్జీ లేదా నెగిటివ్ వైబ్స్ ఇంటిని చుట్టుముడుతాయి.

షూ ర్యాక్ ఏ దిక్కున ఉండేలా చూసుకోవాలి..?

వాస్తు ప్రకారం ఇంట్లో బూట్లు చెప్పులు ఉంచేందుకు వినియోగించే ర్యాక్ వంటగది గోడకు లేదా పూజ గదికి ఆనుకుని ఉండకూడదు. ఇలా ఉంచితే తీవ్రమైన పరిణామాలు ఎదుర్కోవాల్సి వస్తుంది. ఇక ర్యాక్ తయారు చేసేముందు అది తూర్పు ఉత్తరం, ఆగ్నేయం లేదా ఈశాన్య దిక్కుల్లో తయారు చేయకూడదనే విషయం గుర్తుంచుకోవాలి. నైరుతి, వాయువ్య దిశలు షూ ర్యాక్ తయారు చేసేందుకు ఉత్తమమైనవని వాస్తు చెబుతోంది.