తన ప్రేయసికి తానే స్వయంగా గుండు గీసిన ప్రియుడు... ఎందుకో తెలిస్తే కళ్లలో నీరు తిరుగుతాయి...!

ప్రియురాలికి గుండు..

మాజీ ఫుట్ బాల్ ప్లేయర్ రెక్స్ చాంప్ మ్యాన్ ఇటీవల సోషల్ మీడియాలో ఓ వీడియోను పోస్టు చేశాడు. అందులో ఓ వ్యక్తి తన ప్రేయసికి తానే స్వయంగా ట్రిమ్మర్ తో గుండు చేశాడు. అనంతరం అతడు కూడా గుండు చేసుకున్నాడు.

ఆత్మవిశ్వాసం నింపేందుకు..

అయితే దీని వెనుక గుండెలను పిండేసే బలమైన కారణం ఉంది. నిజానికి అతడు.. ఆమెపై పగతోనో.. సరదాకో గుండు చేయలేదు. ఆమె ఎదుర్కొంటున్న సమస్యను అర్థం చేసుకుని.. ఆమెకు దాని నుండి కొంతైనా ఉపశమనం కలగాలని ఆమెకు ట్రిమ్మర్ తో గుండు గీశాడు. ఆ తర్వాత ఆమెలో ఆత్మవిశ్వాసం, ధైర్యాన్ని నింపేందుకు తాను కూడా స్వయంగా అదే పని చేశాడు.

ఆమె బాధను చూడలేక..

ఆ వీడియోలో ఉన్న యువతి ‘అలోపేసియా' అనే సమస్యతో బాధపడుతోంది. దీని వల్ల ఆమె జుట్టు విపరీతంగా ఊడిపోతోంది. ఆమె బాధను చూడలేక.. అతను గుండు గీసేశాడు.

ఊహించని నిర్ణయం..

‘ఇక నీ జుట్టు రాలదు, నాదీ భరోసా' అంటూ ట్రిమ్మర్ తీసుకున్నాడు. ఆమెకు పూర్తిగా గుండు కొట్టేశాడు. ఆ తర్వాత ఆమె ఊహించని నిర్ణయం తీసుకున్నాడు. అదే ట్రిమ్మర్ తో తాను కూడా గుండు గీసుకున్నాడు. దీంతో అప్పటివరకు కన్నీళ్లు ఆపుకున్న ఆ యువతి కంటి నుండి సాగరంలో కెరటల్లా ఎగిసిపడ్డాయి.

వైరల్ అయిన వీడియో..

ఈ వీడియోను ఫుట్ బాల్ ప్లేయర్ సోషల్ మీడియాలో పోస్ట్ చేయడంతో ఇది కాస్త వైరల్ అయిపోయ్యింది. ఆ ప్రియుడు తీసుకున్న నిర్ణయానికి అంతా హ్యాట్సాఫ్ చెబుతున్నారు. ఇంతగా ప్రేమించే ప్రియుడు దొరకడం ఆమె లక్ అని నెటిజన్లు కామెంట్ చేస్తున్నారు. ఈ వీడియో చూసి మీ ఓపినీయన్ కూడా చెప్పేయండి...