వైరల్ : టెక్నాలజీని ఇలా కూడా వాడతారా? వీడియో కాల్ లో ఎంగేజ్ మెంట్ పై మీరు ఓ లుక్కేయండి...

స్మార్ట్ ఫోన్లలో..

మన దేశంలో సాధారణంగా నిశ్చితార్థం వేడుకలను వధువు, వరుడు ఇద్దరు కుటుంబ సభ్యులు, బంధువుల మధ్య జరుపుకుంటారు. కొంతమంది ఎంగేజ్ మెంట్ వేడుకలను ఘనంగా జరుపుకుంటారు. మధ్యతరగతి ప్రజలు సింపుల్ గా జరుపుకుంటారు. అయితే స్మార్ట్ ఫోన్ల సహాయంతో పెళ్లికుమారుడు.. పెళ్లి కూతురు ఇద్దరినీ పక్కన పెట్టి ఎంగేజ్ మెంట్ జరపడం బహుశా ఇదే మొదటిసారి.

ఇప్పటివరకు సినిమాల్లో..

ఇలాంటి ఆన్ లైన్ నిశ్చితార్థం వేడుకలు వంటివి సినిమాల్లో కూడా రాలేదు. అంతేకాదు టెక్నాలజీలో ముందుండే విదేశీయులు కూడా ఇలాంటివి ప్రయత్నించలేదు. అయితే మన తెలుగు సినిమాల్లో కొన్ని సినిమాల్లో ఫోన్లలో మంత్రాలు చదువుతూ పెళ్లి జరిపించిన.. జరిగిన సంఘటనలను మనం చూసే ఉంటాం.

స్మార్ట్ ఫోన్ కు చీర..

ఈ వేడుకలను చూస్తే కచ్చితంగా మీరు ఆశ్చర్యపోతారు. పెళ్లికూతురు ఉండే ఫోన్ పైనే చీరను సైతం సమర్పించారు. మరి వారిద్దరికీ చేతికి ఉంగరాలు కూడా ఫోన్లతోనే మార్పించారేమో అని కొందరు నెటిజన్లు అంటున్నారు.

సోషల్ మీడియాలో..

ఈ నిశ్చితార్థ వేడుకల వీడియోను ఎవరో సోషల్ మీడియాలో పోస్ట్ చేయడంతో నెటిజన్లు తమదైన శైలిలో కామెంట్లు చేస్తున్నారు. నిశ్చితార్థమే ఆన్ లైన్ లో చేస్తే.. ఇంకా పెళ్లి.. ఆ తర్వాత ఘట్టాలన్నీ కూడా ఆన్ లైన్ లోనే చేస్తారేమో అని కామెంట్ చేస్తున్నారు.

భవిష్యత్తులో అన్నీ ఆన్ లైన్ లోనే..

ఇది చూసిన మరి కొందరు నెటిజన్లు.. భవిష్యత్తులో ఆన్ లైన్ లోనే అన్ని పనులు చేసేటట్టు ఉన్నారు అని కామెంట్లు చేస్తున్నారు. ఈ వీడియోను ఆదర్శంగా తీసుకుని భవిష్యత్తులో మరికొన్ని పెళ్లిళ్లు.. నిశ్చితార్థాలు మిగిలిన కార్యక్రమాలన్నీ ఆన్ లైన్ లోనే జరుపుకుంటారని చెబుతున్నారు.