మీ బాడీలోని పుట్టుమచ్చలు మీ గురించి ఏం చెబుతున్నాయంటే...

నుదుటిపై ఉంటే..

మీ నుదుటిపై ఎర్రని లేదా గోధుమ రంగులో పుట్టుమచ్చ ఉందా? అయితే మీరు గత జన్మలో విషపూరితమైన బాణం వల్ల కలిగిన గాయంతో చనిపోయినట్లు అర్థమట. అంతే కాదు ఇప్పుడున్న వారిలో మీ నుదుటి భాగంలో ఎడమ వైపు భాగంలో పుట్టుమచ్చ ఉంటే.. మీకు ఎల్లప్పుడూ నిరాశ కలుగుతుందట. మీ జీవితంలో మీరు చాలా నష్టపోతారని అర్థమట. అదే నుదుటి మధ్యలో ఉంటే మీరు ఆర్థిక పరంగా మంచి ఫలితాలు పొందుతారట. మీకు సమాజంలో గౌరవం కూడా పెరుగుతుందట.

అలాంటి మచ్చలు..

మీ శరీరంలోని ఒకే ప్రాంతంలో ఏదైనా మందు స్ప్రే చేసినట్లు మచ్చలు మచ్చలుగా పుట్టుమచ్చలు ఉంటే అర్థమేంటో తెలుసా.. మీరు గత జన్మలో ఏదో తీవ్ర గాయంతో మరణించినట్లు దాని అర్థమట.

గొలుసు మాదిరిగా..

మీ శరీరంలో ఏదైనా బ్రాండెడ్ మచ్చ ఉంటే.. మీరు గత జన్మలో ఏదైనా నేరం చేయడం వల్ల.. అలాంటి మచ్చలతో శిక్ష వేశారని అర్థమట. లేదా ఏదైనా గొలుసు మాదిరిగా ఉంటే పుట్టుమచ్చ ఉంటే... మిమ్మల్ని గత జన్మలో గొలుసులతో లాక్కెళ్లి బంధించారని అర్థమట.

గాయం మాదిరిగా..

మీ బాడీలో కాలిపోయిన మాదిరిగా లేదా కత్తితో గాయం చేసినట్టు పుట్టుమచ్చ ఉంటే.. గతంలో మిమ్మల్ని ఎవరో కత్తితో గాయం చేయడం వల్ల మీరు మరణించినట్లు అర్థమట. దానికి సంబంధించిన మచ్చ ఈ జన్మలో మీకు పుట్టుమచ్చగా కనిపిస్తుందట.

బుల్లెట్ సైజులో..

మీ బాడీలో ఎక్కడైనా బుల్లెట్ మార్క్ వంటి పెద్ద పుట్టు మచ్చ ఉంటే.. మీరు గత జన్మలో బుల్లెట్ గాయంతో మరణించినట్లు అర్థమట. ఆ గాయం తాలూకు గుర్తు మీ బాడీపై మచ్చలా కనిపిస్తుందట.

ముక్కు మీద ఉంటే..

మీకు ముక్కుమీద పుట్టుమచ్చ ఉంటే.. మీరు ఇంటిలిజెన్స్ కు సంబంధించిన విభాగాల్లో నైపుణ్యం సంపాదిస్తారు. మీకు సమాజంలో కీర్తి మరియు జీవితంలో విజయం సాధించడానికి అవసరమైన ప్రతిభను కలిగి ఉంటారు. అయితే మీరు రిస్క్ తీసుకుని ప్రమాదకరమైన మార్గాలలో వెళ్తే మీకు మరణం తప్పకపోవచ్చు.