ఈ రాశుల వారు ఎక్కువగా నెగిటివ్ ఆలోచనలు చేస్తూ.. ఇతరులను మోసం చేస్తారట...! వీరితో జర జాగ్రత్త..!

మేష రాశి..

జ్యోతిష్యశాస్త్రం ప్రకారం, ఈ రాశి వారు ఎక్కువగా సెల్ఫీష్ గా ఉంటారు. అయితే వీరు చాలా సున్నిత మనస్తత్వంతో ఉంటారు. ఎవరైనా వీరిని ఏదైనా ఒక మాట అంటే వెంటనే బాధపడతారు. తమలో తామే తెగ బాధపడతారు. చీటికి మాటికి అలుగుతారు. అందుకే ఈ రాశి వారిని ఏదైనా అనే ముందు ఒకటికి రెండు సార్లు ఆలోచించాలి. కొన్నిసార్లు ఈ రాశి వారు గతంలో జరిగిన విషయాలను లేవనెత్తుతారు. అస్తమానం పాత విషయాలనే గుర్తు చేస్తుంటారు. ఆ సమయంలో తాము ఎంత బాధపడ్డామని.. చెబుతుంటారు. ఎదుటి వ్యక్తులు ఎంత నచ్చజెప్పినా అస్సలు కంట్రోల్ అవ్వరు. తాము చెప్పిందే చెప్పి తెగ ఫీలయిపోతారు.

వృషభ రాశి..

ఈ రాశి వారు ప్రతి ఒక్క పనిని ప్రణాళిక బద్ధంగా చేయాలనుకుంటారు. అయితే వీరు స్వభావ రీత్యా అన్నింట్లోనూ తమ ఆధిపత్యమే నడవాలని.. అన్నింట్లో తమదే పైచేయిగా ఉండాలని కోరుకుంటారు. చాలా సార్లు తమ ఆధిపత్యం కోసం మోసం కూడా చేస్తుంటారు. మొత్తానికి ఏమి చేసైనా మోసపూరితంగా వ్యవహరిస్తారు. అంతేకాదు ఈ రాశి వారు ఏ విషయంలో అంత సులభంగా కాంప్రమైజ్ కారు. వీరి గురించి ఎవ్వరు ఏమనుకున్నా అస్సలు పట్టించుకోరు. వీరు ఏమి అనుకుంటారో ఆ పనిని గుడ్డిగా చేసుకుంటూ పోతారు. తాము చేయాల్సిన పనులపై ఎక్కువ శ్రద్ధ పెడతారు. అయితే వీరికి కొంత అభద్రతా భావం ఉంటుంది. అన్ని తమకే కావాలనుకుంటారు. అంతేకాదు ప్రతిదీ వీరి కంట్రోల్ లో ఉండాలని భావిస్తారు.

Solar Eclipse 2021: తొలి సూర్యగ్రహణం.. ఈ రాశులపై తీవ్ర ప్రభావం...!

మిధున రాశి..

ఈ రాశి వారు స్వభావ రీత్యా నలుగురిలో కలిసిపోవడమే కాదు.. నలుగురితోనూ కలిసిపోతూ.. నవ్విస్తూ ఉంటారు. వీరు చాలా విషయాల్లో ఓపెన్ గా ఉంటారు. ఎక్కడా సిగ్గు పడటం.. మోహమాటపడటం వంటివి చేయరు. అయితే వీరు ఒక్కొక్కరితో ఒక్కోలా ప్రవర్తిస్తుంటారు. దీని వల్ల ఇతరులు ఈ రాశి వారిని అంత సులభంగా నమ్మలేరు. ఈ రాశి వారు రెండు నాల్కల ధోరణి కూడా అవలంభిస్తారు. అందుకే వీరి వ్యవహార శైలి ఎప్పుడు ఎలా ఉంటుందో.. వీరిని నమ్మాలో వద్దో అర్థం కాక అనేక మంది ఇబ్బంది పడుతూ ఉంటారు.

కుంభ రాశి..

ఈ రాశి వారికి భావోద్వేగాలు అంతగా ఉండవు. వీరు ఎవ్వరినీ అంత సులభంగా నమ్మరు. అందుకే వీరి చుట్టూ ఉన్నవారు మంచి వారు కాదేమో అనే అభిప్రాయానికి వస్తుంటారు. దీంతో వీరు చాలా మందికి దూరంగా ఉంటారు. ఇలాంటి స్వభావం వల్ల ఈ రాశి వారికి మరియు ఇతరులకు ఇబ్బంది కలిగే అవకాశం ఎక్కువగా ఉంటుంది. ఇలాంటి కారణాల వల్ల వీరు ఇతరులతో ఎక్కువ సంబంధాలను పెంచుకోలేరు. అంతేకాదు ఏదైనా సందర్భంలో గొడవ జరిగినా.. అస్సలు సర్దుకుపోరు. దీని వల్ల ఇతరులతో మరింత ఇబ్బందిగా ఉంటుందని జ్యోతిష్యశాస్త్ర నిపుణులు చెబుతున్నారు.