తల ఎత్తుకుని గర్వంగా కూతురికి సెల్యూట్ చేసిన ఐపీసీ ఆఫీసర్, తండ్రి కోరిక నేరవేర్చిన యువతి

ఏఐఎస్ చదివిన యువతికి సెల్యూట్ చేస్తున్న పోలీసు అధికారి మరెవరో కాదు, ఆ ఐఏఎస్ అధికారిణికి ఆయన తండ్రి. అంటే ఆ తండ్రికి ఎంత గర్వకారణమో ఆయన ముఖంలో సంతోషంలో కనిపిస్తోంది, ఈ అనందమైన క్షణానికి తెలంగాణ పోలీస్ అకాడమీ సాక్షిగా నిలిచింది. తెలంగాణలోని రాజ్ బహదూర్ వెంకట రంగారెడ్డి పోలీస్ అకాడమీకి వచ్చిన ఐఏఎస్ కుమార్తెకు తండ్రి పుష్పగుచ్ఛం అందించి సెల్యూట్ చేశారు.

ఐఏఎస్ అధికారిణి అయిన ఆ యువతి పేరు ఉమాహారతి, ఆమె తండ్రి పేరు వెంకటేశ్వర్లు. తెలంగాణ పోలీస్ అకాడమీలోకి ఏఐఎస్ అధికారిణి హోదాలో వచ్చిన కూతురు ఉమాహారతిని చూసిన ఆమె తండ్రి, ఐపీఎస్ అధికారి వెంకటేశ్వర్లు సంతోషానికి అవదులులేకుండాపోయాయి. ఈ ఐఏఎస్ అధికారిణి ఉమాహారతి ట్రైనీ కలెక్టర్‌గా పనిచేస్తున్నారు. ఆమె తండ్రి వెంకటేశ్వర్లు పోలీస్ అకాడమీలో డిప్యూటీ డైరెక్టర్‌గా పనిచేస్తున్నారు.

ఇప్పుడు ఈ వీడియో సోషల్ మీడియాలో వైరల్‌గా మారింది. ఫాదర్స్ డే సందర్భంగా యువతి వీడియో వైరల్ అవుతోంది. తమ పిల్లలు ఎంతో ఎత్తుకు ఎదగాలని తల్లిదండ్రులు కోరుకుంటారు, తమ కూతురు లేదా కొడుకు వారికంటే ఉన్నతమైన పదవిని పొందినప్పుడు తల్లిదండ్రుల ఆనందాన్ని మాటల్లో చెప్పలేము. ఇక్కడ కూడా తండ్రి వెంకటేశ్వర్లు ఐపీఎస్ అధికారి. అయితే తన కూతురు ఉమాహారతి తనకంటే చాలా పెద్ద ఆఫీసర్ అని తండ్రి సంతోషిస్తున్నాడు.

తెలంగాణలోని సూర్యాపేటలోని సీతారాంనగర్, హజూర్ నగర్‌కు చెందిన ఉమాహారతి, హైదరాబాద్ ఐఐటీలో ఇంజనీరింగ్ చేసింది. ఉమాహారతికి 28 ఏళ్ల వయస్సు. యూపీఎస్ సీ 2022లో ఉమాహారతి ఆల్ ఇండియా ర్యాంక్ 3వ స్థానంలో నిలిచారు. ఐఏఎస్‌ అధికారి అయిన ఉమాహారతికి ఆమె తండ్రి వెంకటేశ్వర్లు చాలా గర్వంగా ఫీలై సెల్యూట్ చేస్తున్నారు. ఉమాహారతి తల్లి గృహిణి, తండ్రి వెంకటేశ్వర్లు పోలీసు అధికారి. ఆమెకు ఇద్దరు సోదరీమణులు ఉన్నారు.

తన కూతురిని ఐఏఎస్‌ అధికారిని చేయాలనే కల ఆ తండ్రికి ఉంది, ఈ విషయాన్ని కూతురు ఉమాహారతికి చెప్పగా తన తండ్రి కోరికను నెరవేర్చడానికి కూతురు చాలా కష్టపడింది. నాలుగుసార్లు ప్రయత్నించినా ఉమాహారతి ప్రిలిమ్స్ పాస్ కాకపోవడంతో చాలా బాధపడినా తండ్రి మాత్రం చదువుపైనే దృష్టి సారించిన కూతురుని ప్రోత్సహించారు. ఇప్పుడు ఉమాహారతి అనుకున్నట్లు ఐఏఎస్ అధికారి అయ్యారు.