వరుణ్ తేజ్‌-లావణ్య త్రిపాఠికి ప్రీ వెడ్డింగ్ పార్టీ ఇచ్చిన అల్లు అర్జున్..X లో ఫోటోలు హల్ చల్..

Varun Tej-Lavanya : మెగా ఫ్యామిలో మెగా బ్రదర్ కుమారుడు మరియు హీరో కొనిదల వరుణ్ తేజ్, లావణ్య త్రిపాఠిల పెళ్లి ఏర్పాట్లు అప్పుడే మొదలెట్టేశారు. రీసెంట్ గా కళ్యాణ వేధిక కూడా ఇటలీలో ఉంటుందని సమాచారం. ఇక పెళ్ళి పనులతో పాటు, షాపింగ్ లు, ప్రీ వెడ్డింగ్ ఫోటో షూట్ మరియు ప్రీ వెడ్డింగ్ పార్టీలు , బ్యాచురల్ పార్టీలు ఊపందుకున్నాయి.

అందులో భాగంగానే కాబోయే దంపతులకు ఇతర కుటుంబసభ్యులు వరుసగా ప్రీవెడ్డింగ్ పార్టీలు ఏర్పాటు చేస్తున్నారు. రీసెంట్ గా మెగాస్టార్ చిరంజీవి కాబోయే దంపతుల కోసం ఓ పార్టీ ఏర్పాటు చేసిన విషయం తెలిసిందే. తాజాగా అల్లు అర్జున్ దంపతులు కూడా వరుణ్, లావణ్య త్రిపాఠిల కోసం మరో ప్రీవెడ్డింగ్ పార్టీని ఏర్పాటు చేసి ఆహ్వానించారు.

అల్లు అర్జున్ ఇంట్లో ఆదివారం జరిగిన ఈ పార్టీలో మెగా-అల్లు ప్యామిలీ సభ్యులతో పాటూ హీరో నితిన్, ఆయన భార్య షాలిని, నటి రీతూ వర్మ కూడా పాల్గొన్నారు. దీనికి సంబంధించి కొన్ని ఫొటోలను వరుణ్ తేజ్ తన Xలో పోస్ట్ చేశారు. ఈ పార్టీ అద్భుతమైన అనుభూతిని మిగిల్చిందంటూ కామెంట్ చేశారు. 'థాంక్యూ బన్నీ, స్నేహ అక్కా' అంటూ ఎక్స్ వేదికగా పోస్ట్ పెట్టారు.

ఇక జూన్‌లో వరుణ్, లావణ్యల నిశ్చితార్థం జరిగిన విషయం తెలిసిందే. నవంబర్ 1న ఈ ప్రేమజంట వివాహ బంధంతో ఒక్కటికానుంది. ఇటలీలోని టస్కానీలో వివాహం జరిపించేందుకు మెగా కుటుంబం ఏర్పాట్లు చేస్తోంది.