Vastu Tips for New Year 2023: కొత్త సంవత్సరాన్ని ఈ వాస్తు చిట్కాలతో ఆహ్వానిస్తే లక్ష్మీ కటాక్షం సిద్ధిస్తుంది

వాస్తు శాస్త్రం ప్రకారం కొత్త సంవత్సరాన్ని ఎలా స్వాగతించాలి?

* కొత్త సంవత్సరాన్ని మొదటి రోజు కాబట్టి, తెల్లవారుజామునే నిద్ర లేవాలి. ఉత్తరం లేదా తూర్పు దిక్కున ఉండే కిటికీలు తెరవడం ద్వారా సానుకూలతను ఇంట్లోకి ఆహ్వానించాలి.

* ఇంటిని చక్కగా శుభ్రం చేసుకోవాలి.

* బూజు లాంటివి ఉంటే క్లీన్ చేసుకోవాలి. కిటికీలు, అద్దాలు, ఫ్యాన్‌లు, మంచాల కింద కూడా శుభ్రం చేసుకోవాలి.

* దేవతా విగ్రహాలను శుభ్రం చేసుకోవాలి.

* కొత్త సంవత్సరం రోజు వీలైతే ఒక మొక్కను నాటడం మంచిది.

* కొత్త సంవత్సరాన్ని తీపిగా ఆహ్వానించడానికి మిఠాయిలు, స్వీట్లు తయారుచేసుకుంటే బాగుంటుంది.

* సూర్యుడికి, భూమాతకు నీరు సమర్పించి వేడుకోవాలి.

* ఇంటి ముందు అందమైన రంగవల్లులు వేసుకోవడం ద్వారా పాజిటివ్ వైబ్స్ వస్తాయి.

* కొత్త సంవత్సరం తొలి రోజు ఏదైనా దేవాలయానికి వెళ్లి ఇష్టదైవాన్ని పూజించడం మంచిది.

* ఇది బ్రాండ్ న్యూ ఇయర్ కాబట్టి కొత్తగా, స్వచ్ఛంగా ఉండేలా చూసుకోండి.

కొత్త సంవత్సరంలో వీటిని ఇంటికి తీసుకువస్తే అంతా మంచే జరుగుతుంది:

లోహపు తాబేలు:

తాబేలు ఇంటికి శుభప్రదం. లోహపు తాబేలును ఇంట్లో ఉంచడం ద్వారా ఆనందం, శ్రేయస్సు సిద్ధిస్తాయి. వీటి వల్ల సంపద వస్తుంది. ఇంటిపై ఉండే చెడు ప్రభావాలు తొలగిపోతాయి.

పిరమిడ్:

ఇంట్లో సానుకూలతను కాపాడుకోవడం ముఖ్యం. ఇది వ్యాపారంలో శ్రేయస్సును తీసుకువస్తుంది. పిరమిడ్ తీసుకువచ్చి పూజాగదిలో ఉంచుకోండి.

గోమతీ చక్రం:

గోమతీ చక్రం ఇంట్లోని చెడును తొలగిస్తుంది. కుటుంబసభ్యుల మనస్సు ప్రశాంతంగా ఉండేలా చూస్తుంది. ఇంటి దోషాలను తొలగిస్తుంది.

నెమలి ఈకలు:

ఇవెంతో శుభప్రదమైనవి. ఇవి ఇంటికి సానుకూలతను, అదృష్టాన్ని తీసుకువస్తాయి.

తులసి మొక్క:

శ్రేయస్సు, ఆరోగ్యం, ఆనందాన్ని తులసి మొక్క తీసుకువస్తుంది. ఇంటికి తులసి మొక్క తీసుకురావడం వల్ల లక్ష్మీ కటాక్షం సిద్ధిస్తుంది.

ముత్యాల శంఖం:

ఇంట్లో ఆర్థిక సమస్యలు రాకుండా చూస్తుంది. సిరిసంపదలు వెల్లివిరుస్తాయి. ఇంట్లో ముత్యాల శంఖం ఉంచుకోవడం వల్ల సంబంధాలు బాగుంటాయి. కుటుంబసభ్యుల మధ్య కలహాలు రాకుండా ఉంటాయి.