MRO In Kantara Getup: కాంతారా గెటప్ లో విజయనగరం ఎమ్మార్వో.. కుమ్మేశాడుగా

MRO In Kantara Getup: కన్నడ చిత్ర పరిశ్రమ నుండి వచ్చిన కాంతారా సినిమా ఎంత పెద్ద హిట్టో ప్రత్యేకంగా చెప్పాల్సిన అవసరం లేదు. ఇప్పటికే చాలా రికార్డులను బద్దలు కొట్టింది. క్లైమాక్స్ లో వచ్చే సాంగ్ మూవీ మొత్తానికి హైలెట్ గా నిలిచింది. అందులో రిషబ్ శెట్టి నటన గురించి ఎంత చెప్పినా తక్కువే. చివర్లో భూతకోళ గెటప్ లో రిషబ్ శెట్టి చూసిన వారు అంత ఈజీగా మర్చిపోరు.

ఇప్పుడు అదే గెటప్ లో విజయనగరంలోని కొత్తవలస తహసీల్దార్ ప్రసాదరావు కాంతార గెటప్ వేసి అందరినీ ఆశ్చర్యానికి గురి చేశారు. ప్రసాదరావు తన సుదీర్ఘమైన ఏకపాత్రాభినయంతో అందరినీ ఆకట్టుకున్నారు. నాలుగు రోజులుగా గుంటూరు జిల్లా నాగార్జున యూనివర్సిటీలో ఆంధ్రప్రదేశ్ స్టేట్ రెవెన్యూ స్పోర్ట్స్ అండ్ కల్చరల్ మీట్ ఆరో ఎడిషన్ జరుగుతోంది. ఇందులో రెవెన్యూ ఉద్యోగులు ఉత్సాహంగా పాల్గొంటున్నారు. అయితే ఇందులో భాగంగా కొత్తవలస తహసీల్దార్ ప్రసాదరావు చేసిన ఏకపాత్రాభినయం ఈ ఈవెంట్ కే హైలెట్ గా నిలిచింది.

కాంతారా గెటప్ వేసి తన ప్రతిభతో అందరినీ మంత్రముగ్దులను చేసిన ప్రసాదరావును ఎన్టీఆర్ జిల్లా కలెక్టర్ ఢిల్లీ రావు ప్రశంసించారు. ఈ పోటీల్లో ప్రసాదరావుకే ప్రథమ బహుమతి అందించారు. కొత్తవలస ఎమ్మార్వో ప్రసాదరావు ఫోటోలు ఇప్పుడు సోషల్ మీడియాలో వైరల్ గా మారాయి.