దారుణమైన ఆచారం: పేరుకే కోడలు..ఇంట్లో ఎవరికి దొరికితే వాళ్లు కాపురం చేస్తారు..మామ,మరిది కూడా!

రాజస్థాన్ అనగానే మనకు అక్కడి ప్రజలు ధరించే రంగురంగుల బట్టలు, రాజుల కాలం నాటి అందమైన కోటలు, ఎడారి, రాజసం ఉట్టిపడే సంస్కృతి గుర్తుకొస్తాయి. కానీ అదే ఎడారి ప్రాంతపు మారుమూల గ్రామాల్లో దశాబ్దాలుగా ఆడపిల్లల జీవితాలను నిలువునా దహించేస్తున్న ఒక భయంకరమైన చీకటి కోణం దాగి ఉందన్న నిజం చాలామందికి తెలియదు. అదే మోల్కి బహు సంప్రదాయం.

స్థానిక భాషలో మోల్కి బహు అంటే అక్షరాలా కొనుక్కొచ్చిన కోడలు అని అర్థం. పేరుకు కోడలే అయినా, ఆమె బతుకంతా బానిసత్వమే. ఈ దారుణమైన ఆచారానికి ప్రధాన కారణాలు..నిరుపేదరికం, ఆడపిల్లల భ్రూణహత్యల వల్ల తలెత్తిన తీవ్రమైన లింగ నిష్పత్తి అసమానతలు.

దేశంలోని మిగతా రాష్ట్రాల్లో మాదిరిగానే హర్యానా, పంజాబ్ రాష్ట్రాల్లో కూడా అబ్బాయిలకు పెళ్లి చేయడానికి అమ్మాయిలు దొరకని పరిస్థితి. దీంతో అక్కడి డబ్బున్న వ్యక్తులు.. మధ్యవర్తుల ద్వారా రాజస్థాన్ ఎడారి గ్రామాల్లోని నిరుపేద కుటుంబాలను ఆశ్రయిస్తున్నారు. కేవలం లక్ష నుంచి మూడు లక్షల రూపాయల నోట్ల కట్టలను ఆశచూపి, యువతులను కొనుక్కుని వెళ్తున్నారు. అయితే ఆ యువతికి అసలు నరకం అత్తగారింట్లో అడుగుపెట్టిన తర్వాతే మొదలవుతుంది.

డబ్బుపెట్టి కొనుక్కొచ్చిన కోడలు కాబట్టి, ఆమెకు ఆ ఇంట్లో మనిషిగా కనీస గౌరవం, స్వేచ్ఛ ఉండవు. అత్యంత హేయమైన, గుండెల్ని పిండేసే వాస్తవం ఏమిటంటే.. ఆమె ఆ ఇంటికి తీసుకొచ్చిన ఒక్కడికే భార్య కాదు. ఆ కుటుంబంలోని మగవారందరికీ అంటే అన్నదమ్ములు, బాబాయిలు, చివరకు కన్నతండ్రి వయసున్న మామకు కూడా. ఆమె శారీరకంగా భార్యగా ఉండాల్సిన దుస్థితి. ఇంట్లో ఎంతమంది మగవాళ్లు ఉంటే, అందరి అకృత్యాలనూ, కామవాంఛలనూ ఆమె భరించాలి.

చీర ఎత్తితే చీరేస్తారు: పంక్షన్లలోనే కాదు.. రైళ్లలోనూ హిజ్రాల బీభత్సం!

ఇంతటి అమానుషమైన చర్యను ఆ కుటుంబాలు సిగ్గులేకుండా సమర్థించుకుంటాయి కూడా. తలా ఒకరిని పెళ్లి చేసుకుంటే ఆస్తి పంపకాలు చేయాల్సి వస్తుందని, భూమి ముక్కలు కాకుండా ఉండాలంటే ఇంట్లోని మగవాళ్లందరికీ ఒకే భార్య (కొనుక్కొచ్చిన కోడలు) ఉండటమే సరైనదని వారు వాదిస్తారు. మనిషి ప్రాణం కంటే, ఆడదాని ఆత్మగౌరవం కంటే ఆస్తే ముఖ్యమనుకునే ఈ క్రూరమైన ఆలోచనా విధానం సభ్యసమాజానికే తలవంపులు.

ఇది కేవలం ఒక పాత ఆచారం కాదు.. ఒక మహిళ కనీస ప్రాథమిక మానవ హక్కులను, స్వేచ్ఛను మంటగలిపే పచ్చి నేరం. అభివృద్ధి పథంలో దేశం దూసుకుపోతోందని గొప్పలు చెప్పుకుంటున్న ఈ కాలంలోనూ, ఒక ఆడబిడ్డను వస్తువులా కొని, కుటుంబం మొత్తం పంచుకోవడం సిగ్గుచేటు.