బేబీ గుడ్డల పరిశుభ్రత!

Baby

oi-Nageswara Sharma

By B N Sharma

Published: Friday, August 26, 2011, 11:42 [IST]

కొత్త తల్లులు బేబీ గుడ్డల పరిశుభ్రతపై ఆందోళన చెందుతుంటారు. బేబీ చర్మం ఆరోగ్యంగా వుండాలంటే బేబీకి వేసేవి లేదా పడుకోబెట్టే గుడ్డలుఆకర్షణీయంగాను, సౌకర్యవంతంగాను వుండటమే కాక ఎంతో పరిశుభ్రంగా కూడా వుండాలి. కొత్తగా తల్లులైన స్త్రీలకు ఇది ఒక సమస్యే. కనుక బేబీ గుడ్డల శుభ్రతకుగాను కొన్ని చిట్కాలివ్వబడ్డాయి. పరిశీలించండి.

1. బేబీ పై వేసే బట్టలు కొత్తవైనప్పటికి ఒక సారి ఉతకాల్సిందే. దానికి వుండే మురికి లేదా ఇతర రసాయనాలు తొలగిపోతాయి.

2. బేబీ గుడ్డలు వేడి నీటిలో ముంచి ఉతకండి వాటికంటుకుని వున్న మరకలు, క్రిములు తొలగి పోతాయి.

3. బేబీ శరీర చర్మం ఎంతో సున్నితమైంది. అతి తక్కువ రసాయనాలు కల సోప్ వాడండి. బేబీ గుడ్డలు కూడా రసాయనాలు లేని మెత్తటి సోప్ తో శుభ్రం చేయండి.

4. మురికిపట్టిన గుడ్డలను వేరుగా ఉతకండి. వాటిని మరకలు పోగొట్టటానికి క్రిములను తొలగించటానికి కావలసినంత సేపు వేడినీటిలో నానపెట్టండి.

5. బేబీ గుడ్డలు వీలైనంత వరకు ఇతర గుడ్డలతో కలుపకుండా ప్రత్యేక బాక్సు ఉపయోగించండి. బట్టలనుండి వచ్చే మంచి వాసన అయినప్పటికి బేబీ ఆహ్లాదంగా భరించేదిగా వుండాలి.

6. బేబీ గుడ్డల పై గల మరకలను అంటే నూనె మరకలను పోగొట్టటానికి కార్న్ స్టార్చ్, ఆహార మరకలను తీసెయ్యటానికి వినేగర్ వాడండి.

7. బేబీ గుడ్డలు పరిశుభ్రంగా వుండాలంటే వుతికి ఆరవేసిన తర్వాత వాటిని మరోమారు ఐరన్ తో ఐరనింగ్ చేసి మిగిలిన క్రిములను తొలగించండి.

ఈ చిట్కాలు పాటించి బేబీ గుడ్డలను శుభ్రంగా వుంచండి. వాటిని వుతకటం మొదటి దశ అయితే, పొడిగా ఆరబెట్టి మరోమారు వాటిని ఐరన్ చేయటం రెండవ దశగా వుండి మరింత పరిశుభ్రతను చేకూరుస్తుంది.