మీ బిడ్డకు పాలు అలర్జీ కలిగిస్తున్నాయా?

By B N Sharma

Published: Monday, October 17, 2011, 9:50 [IST]

పసిబిడ్డలకు పాలు అలర్జీ కలిగించటం సాధారణ సమస్యే. పొట్ట గడబిడ అవుతుంది, డయోరియా, చర్మం దద్దుర్లు, వాంతులు వంటివి బిడ్డకు పాల అలర్జీ సూచిస్తాయి. మొదట్లో బిడ్డలు ఆవు పాలకు అలర్జీ పొందుతారు. తల్లులు ఆవుపాలు తాగినా సరే బిడ్డలకు అలర్జీ కలుగుతుంది. బిడ్డ బరువు కోల్పోవటం, శ్వాస సరిగా లేకపోవటం, పొట్టలో గ్యాస్, వాంతి, డయోరియా, చర్మం దద్దుర్లు, ఆకలి లేకుండుట, ముక్కులో, గొంతులో మ్యూకస్, ఎగ్జిమా, ఆస్తమా మొదలైనవి పాలు పడటం లేదనటానకి లక్షణాలు.

బేబీకి పాల అలర్జీ తగ్గాలంటే, తల్లి ఆవు పాలను తాగరాదు. వైద్యుడిని సంప్రదించి ప్రత్యామ్నాయ మార్గాలు ఎంపిక చేసి బిడ్డకు తగిన కాల్షియం, ఇతర పోషకాలు అందేలా చూడాలి. ప్రొటీన్ ఆధారిత ఆహారం ఇస్తున్నట్లయితే, సోయా ప్రొటీన్లు మంచివి. లేదంటే ఎమినో యాసిడ్లు బేబీకి పాల అలర్జీని తగ్గిస్తాయి. వీటిలో తేలికైన ప్రొటీన్లు వుంటాయి. వైద్యడు దానిని నిర్ణయిస్తారు.

బేబీలలో సహజంగా వచ్చే పాల అలర్జీ నివారించవచ్చు. అయితే, ఇందుకుగాను బేబీ ఎదుగుదలకు అడ్డంకి కాని ప్రొటీన్ ఆధారిత పోషకాలు అందించటానికి వైద్యుడి సహాయం అవసరమవుతుంది.