పిల్లలలో ఉబ్బసం వ్యాధి తగ్గాలంటే....!

Baby

oi-Nageswara

By B N Sharma

Published: Wednesday, December 14, 2011, 12:51 [IST]

చిన్న పిల్లలకు 9 నెలల వయసు లోపే చేప ఆహారం తినిపిస్తే వారిలో ఉబ్బసం వ్యాధి రాదని తాజాగా ఒక అధ్యయనం తెలిపింది. తల్లి ప్రెగ్నెన్సీ సమయంలో పారాసిటమాల్ తీసుకున్నా లేక వారికి మొదటి వారంలోనే రకరకాల యాంటీ బయోటిక్స్ ఇచ్చినా వాటి ప్రభావం పిల్లలపై చెడుగా వుంటుందన్నారు. రీసెర్చర్లు సుమారు 4,171 కుటుంబాలను తమ అధ్యయనంలో పరిశీలించారు. ఆరు నెలల పిల్లలనుండి నాలుగున్నర సంవత్సరాల పిల్లల వరకు పరిశీలించారు.

ప్రి స్కూల్ పిల్లలలో వీజింగ్ సమస్య సాధారణంగా వచ్చేస్తోందని దీనికి మంచి మందుల వాడకం, దాని కారణాల అవగాహనలు మంచి ఫలితాలనిస్తాయని స్వీడన్ లోని గోతెన్ బర్గ్ యూనివర్శిటీలోని అధ్యయన కారుడు డా. ఎమ్మ గోక్సర్ వెల్లడించారు. ఈ వ్యాధికిగల రిస్కు లక్షణాలు, నివారణలు స్టడీ చేయటమే వారి ధ్యేయమన్నారు. వీరు చేసిన పరిశోధనలలో ఒకే సంవత్సరంలో మూడు మార్లు ఉబ్బసం వ్యాధి బారిన పడిన పిల్లలు కూడా వున్నారట.

గర్భవతి దశలో తల్లి పారాసిటమాల్ తీసుకుంటే పిల్లలకు ఉబ్బసం రిస్కు 60 శాతంగా వుంటుందని, ఆస్తమా మెడికేషన్ గా మాత్రమే పారాసిటమాల్ తీసుకున్నవారికి 12.4 శాతం వరకు వుందని అధ్యయనం తెలిపింది. ఈ స్టడీని ఎక్టా పేడియాట్రికా అనే జర్నల్ లో ప్రచురించారు.