బాటిల్ పాలు తాగే బిడ్డలు లావెక్కుతారా?

Baby

oi-Nageswara

By B N Sharma

Published: Tuesday, October 18, 2011, 16:48 [IST]

పాలు సరిగా లేకుంటే పిల్లలకు బాటిల్స్ లో పట్టే పాలు వారి ఎదుగుదలను అరికడతాయి. పాలు సరిగా లేకపోవడం, లేదా పాలు తరచుగా మారుస్తూండటం, పాలను ఇచ్చే సమయాలు వివిధ రకాలుగా వుండటం వంటి తప్పిదాలు బాటిల్ పాలనిచ్చే పిల్లలకు ఊబకాయం తెప్పిస్తాయంటున్నారు పరిశోధకులు. అదే రకంగా, తగినన్ని పాలు తీసుకోని పిల్లలు పోషకాహార లేమి కలిగి వుంటారు.13000 మంది తల్లుల అలవాట్లను పరిశీలిస్తే బాటిల్ ఫీడింగ్ పై వారికి సరిఅయిన అవగాహన లేకపోవడం సమస్యకు కారణంగా పరిశోధకులు తెలిపినట్లు ది డైలీ ఎక్స్ ప్రెస్ వార్తాపత్రిక ప్రచురించింది.

కొత్తగా తల్లులైనవారు బాటిల్ ఫీడింగ్ చేయటంలో విఫలులని, లేదా తాము తమ పాలు ఇవ్వటంలో విఫలమయ్యామన్న భావనతో కూడా బిడ్డకు సరి అయిన సమయాల్లో బాటిల్ ఫీడింగ్ చేయటంలేదని కూడా పరిశోధకులు భావించారు.

పిల్లలకు పాలు పట్టే విషయంలో ప్రపంచ ఆరోగ్య సంస్ధ తల్లులు కాబోతున్న మహిళలకు సరి అయిన అవగాహన కలిగించే సమాచారాన్నివ్వాలని, తల్లులు అయిన తర్వాత, వారు పాలు పట్టలేమని తెలిసిన తర్వాత మహిళలు బాటిల్ ఫీడింగ్ అంశాన్ని అవలంబించటంలో విఫలులవుతున్నారని కూడా పరిశోధకులు భావించారు.