పిల్లలకు ఆరోగ్యవంతమైన రుచికర చిరుతిండి!

Baby

oi-Nageswara

By B N Sharma

Published: Tuesday, October 4, 2011, 11:03 [IST]

మీ పిల్లల చిన్ని పొట్టకు ప్రతిరోజూ ఏవో కొన్ని స్నాక్స్ పెడుతూండాల్సిందే. పిల్లలు ఎదగాలంటే వారికి కొద్దిపాటి మొత్తాలలో తరచుగా కొన్ని తిండ్లు అందించాలి. పిల్లలకు కావలసిన ఆరోగ్యాన్నిచ్చే రుచికర స్నాక్స్ ఏమిటో పరిశీలిద్దాం! మీ పిల్లాడు ఇష్టంగా ఏం తింటాడో తెలుసుకోండి. ఆహారపుటలవాట్లు మారిపోతూంటాయి. పిల్లలు రెగ్యులర్ గా ఒకే ఆహారం తినరు. షుగర్ అధికంగా వుండే చిరుతిళ్ళు పెట్టవద్దు. షుగర్ నోటిలో వున్న బాక్టీరియాతో కలసి యాసిడ్ గా తయారై పిల్లల దంతాలలో కేవిటీలు కలిగిస్తుంది.

తాజా పండ్లు లేదా తరిగిన కూరలు జున్నుతో కలిపి పెడితే పిల్లలకు మంచి తిండిగా వుంటుంది. కేరట్లు, కుకుంబర్ మొదలైనవి ముక్కలుగా తరిగి పెడితే వారి దంతాలకు సైతం మేలు చేస్తాయి. దోశ, ఇడ్లీ, వడ, వెజిటబుల్ ఛీజ్ శాండ్ విచ్ మొదలైనవి లైట్ గాను ఆరోగ్యంగాను వుంటాయి. ఉడికించిన బీన్స్, కేరట్స్ మొదలైనవి ఛీజ్ లేదా క్రీము లతో కలిపి ఇవ్వండి. ఫ్రూట్ సలాడ్లు పిల్లలకు మంచి పోషక విలవలే కాక ఆరోగ్యాన్నిస్తాయి. వాటిపై ఛీస్ వేసి ఆకర్షణీయంగా చేస్తే పిల్లలు బాగా తింటారు. విటమిన్ సి, యాంటీ ఆక్సిడెంట్లు వుండే బ్లూ బెర్రీలు ఇవ్వండి. పెరుగు ఇతర కూరముక్కలతో కలిపి రుచికరంగా చేసివ్వండి. కడుపు నిండి ఆకలి తీరుతుంది.

పిల్లాడికి స్వీట్లు తినిపించిన తర్వాత పాల వంటివి తాగిస్తే వాటిలోని క్షారగుణం ప్రభావాన్ని చూపదు. మామిడి, బనానా, ఆపిల్, ద్రాక్ష మొదలైనవి క్రీమ్ తో కలిపి ఇవ్వండి. పిల్లలు ఈ ఫ్రూట్ సలాడ్ బాగా ఇష్టపడతారు. యాపిల్ ముక్కలు, పీనట్ బటర్ కూడా పిల్లలకు పెట్టవచ్చు. ఉడికించిన మొక్కజొన్న, ఉడికించిన బంగాళ దుంప, ఉడికించిన విత్తనాలు, వంటి సలాడ్ కూడా పిల్లలకు ఆరోగ్యకరమైన చిరుతిండిగా వుండగలదు.