పాలు పట్టు, పాట పాడు..... తండ్రిగా గుర్తింపు పొందు....!

Baby

oi-Nageswara Sharma

By B N Sharma

Published: Wednesday, August 17, 2011, 9:52 [IST]

గర్భం ధరిస్తే ఎంతో సంతోషం. మరి గర్భంలో బిడ్డను మోస్తూ తిరుగుతూంటే ఆడదానికి మరింత సంతోషం. ప్రపంచంలో మరే అంశం కూడా బహుశ ఇంత సంతోషాన్నివ్వకపోవచ్చు. బిడ్డ పుట్టి ప్రపంచంలోకి అడుగుపెడితే ఆ బిడ్డ తల్లితండ్రుల సంతోషం అంతా ఇంతా కాదు. పిల్లలు ఏ కుటుంబానికైనా ఒక వరం లాంటిదే. ఇక బిడ్డ పుట్టిన వెంటనే కుంటుంబంలోని ఆ తల్లితండ్రుల సంతోషం వర్ణనాతీతం. అయితే, ప్రసవం అయిన వెంటనే పడే తల్లి బాధలు ఆమెకు ఒకోసారి హాని కూడా కలిగిస్తాయి. మరోమారు ఆమె ప్రపంచంలో పడాలంటే ఎంతో కష్టపడాలి. సరిగ్గా ఈ సమయంలోనే తండ్రి కొత్తగా పుట్టిన బిడ్డ భాధ్యత వహించాల్సి వస్తుంది.

కొత్తగా తండ్రి అయిన పురుషుడు బేబీ పట్ల ఏ రకమైన శ్రద్ధ వహించాలనేది చూద్దాం!
1. పుట్టిన బిడ్డకు తల్లి తన పాలను పడుతూ మహా ఆనందం పొందుతుంది. పుట్టిన బిడ్డ తన చిన్న కళ్ళను తెరచి చూడటం ఆ తల్లికి మరింత సంతోషాన్నిస్తుంది. బిడ్డతో అనుబంధానికి ఇదే సరైన సమయం. మరి తండ్రులు ఏ అవకాశం తీసుకోవాలి ? కొత్తగా తండ్రులైన వారు బేబీతో అనుబంధానికై పాల బాటిల్ నోటికి అందిస్తూ అవకాశాన్ని తీసుకోవాలి. బేబీ తండ్రిని కూడా అదే సమయంలో కళ్ళు తెరచి చూస్తూనే వుంటుంది.

2. పుట్టిన పిల్లలు శారీరక మాసేజీని బాగా ఇష్టపడతారు. ప్రతి తల్లి లేదా తండ్రి తమ కొత్తగా పుట్టిన బిడ్డకు చక్కటి శారీరక ఎదుగుదలకు బాడీ మాసేజ్ చేయాలి. దీనికిగాను తండ్రులు ముందుకు వచ్చి సున్నితంగా బేబీ శరీరాన్ని మాసేజ్ చేస్తూ ఒక చక్కటి పాటతో ధ్వని వినిపిస్తే బేబీకి తండ్రితో అనుబంధం అప్పటినుండే ఏర్పడగలదు.

3. కొత్తగా పుట్టిన బిడ్డకు ధ్వని చేస్తే సమీపంలో తమపై శ్రద్ధ తీసుకునేటందుకు ఒకరున్నారన్న భావన కలుగుతుంది. వారివంక చూసినా, మాట్లాడినా ఆనందపడుతుంది. కనుక తండ్రులు బిడ్డతో అనుబంధం ఏర్పరచుకోవాలంటే, తమ పనులను రోజులో కనీసం కొంతసేపు పక్కన పెట్టి వారికి పాటలు పాడటం మంచిది.

4. బిడ్డను తీసుకొని వీపుపై వేసుకొని పాట పాడుతూ పార్కుల్లో తిరగండి. బేబీతో మాట్లాడండి. వారితో మాటలు పటిష్టమైన స్నేహాన్ని కలిగిస్తాయి. ఇక మమ్మీయే కాదు తన డైపర్లు మార్చటానికి డాడీ అనేవాడొకడున్నాడని బేబీ ఆనందపడుతుంది.