బిడ్డ బరువు, ఎత్తులు పెంచటానికి మార్గాలు!

Baby

oi-Nageswara

By B N Sharma

Published: Friday, October 7, 2011, 15:17 [IST]

బిడ్డ బరువు, ఎత్తులు పెంచాలంటే 1 నుండి 3 సంవత్సరాల వయసు అనుకూలంగా వుంటుంది. చాలామంది పిల్లలు ఒక సంవత్సరంనుండి ఎదుగుతూంటారు. అప్పటినుండి వేగంగా కొద్ది సంవత్సరాలు ఎదిగి తర్వాత ఆగిపోతుంది. మొదటి సంవత్సరంలో బేబీ కనీసం 50 శాతం పొడవులో ఎదగాలి . కాని బిడ్డ 4 సంవత్సరాలకల్లా పుట్టినప్పటినుండి రెండు రెట్లు పొడవులో పెరుగుతాడు. మీ బిడ్డ మరింత పొడవు ఎదగలేదని విచారించకండి. ఆరోగ్యకర, పోషక విలువలు కల ఆహారం బిడ్డ ఎదుగుదలకు బరువు, ఎత్తులలో తప్పక తోడ్పడుతుంది. బిడ్డ బరువు, ఎత్తులను పెంచగల మార్గాలేమిటో చూద్దాం!

బిడ్డ బరువు తక్కువగా వున్నట్లయితే, వైద్యుడిని సంప్రదించండి. వైద్యుడు బిడ్డ శరీర బరువు, ఎత్తులను కొలుస్తాడు. వీటి ఆధారంగా బిడ్డ బరువు లోపించిన కారణాలు తెలుస్తాయి. ఒక్కొకపుడు, వంశానుగతంగాను లేదా పోషకాహార లేమితో కూడా బరువు తగ్గుతుంది. బిడ్డకు ఎక్కువ సమయాలలో కొద్ది కొద్దిగా ఆహారం ఇవ్వండి. ఒకే సారి అధికంగా ఇవ్వవద్దు. ప్రతి సారి కనీసం రెండు లేదా మూడు గంటల వ్యవధి వుండాలి. బిడ్డకు రోజులో కనీసం 6 సార్లు ఆహారాన్ని ఇవ్వవచ్చు.

పిల్లలలో సాధారణంగా ఐరన్ తక్కువగా వుండి రక్తహీనతకు లోనవుతారు. కనుక వీరి ఆహారంలో ఐరన్ అధికంగా వున్న పదార్ధాలు ఇవ్వండి. కిడ్నీ బీన్స్, బ్లాక్ బీన్స్, లెంటిల్స్, సోయాబీన్స్, ధాన్యాలు, గింజలు, బ్రెడ్, అన్నం మొదలైనవి ఐరన్ అధికంగా వుండే పదార్ధాలు. బరువు పెరగటానికి కేలరీలు అధికంగా వుండే ఆహారమివ్వండి. అది తగినంత శక్తి కూడా ఇస్తుంది. బిడ్డ ఎత్తును ప్రోత్సహించే చర్యలు చేపట్టండి. బిడ్డ చురుకుగా లేకుంటే సోమరియై శరీర ఎదుగుదల సహకరించదు. బయటకు తీసుకువెళ్ళి బాగా ఆడించండి. ఆహారంలో కాల్షియం ఇస్తే అది ఎముకలను ధృఢతరం చేసి ఎత్తును పెంచుతుంది. పాల ఉత్పత్తులు కాల్షియం అధికంగా కలిగి వుంటాయి. మీ బిడ్డ పాలు ఇష్టపడకపోతే పెరుగు, వెన్న వంటివి పెట్టండి. జింక్ అధికంగా వుండే పదార్ధాలు బరువు పెంచటమే కాక ఎత్తును కూడా అధికం చేస్తాయి. చేపలు, మాంసం, పుచ్చకాయ విత్తనాలు, బఠాణీలు, డార్క్ చాక్లెట్ మొదలైనవి జింక్ అధికంగా వుండే ఆహార పదార్ధాలు.