ఆరు నెలలు దాటిన తర్వాతే..... డైట్ ప్లాన్!

By B N Sharma

Published: Saturday, August 20, 2011, 10:52 [IST]

When & What Solid Food to give your Baby?

పుట్టిన పిల్లలకు సాదారణంగా ఆరు నెలల నుండి ఒక సంవత్సరం వరకు తల్లిపాలు ఎంతో బలాన్నిస్తాయి. ఆరు నెలలు దాటే సరికి, తల్లిపాలు తగ్గిపోవటం బిడ్డ ఎదగడంతో ఆహార అవసరాలు మారతాయి. ఇక అప్పటినుండి పిల్లలను ఘన ఆహారానికి సిద్ధం చేయాలి. తల్లిపాలు పట్టినంతకాలం పాలల్లో వారి కవసరమైన కాల్షియం, ఇతర పోషకాలు పుష్కలంగా వుండి పిల్లలు ఆరోగ్యవంతంగా వుంటారు. అయితే, ఈ సమయంలో మాత్రం వారికి ఘన ఆహారం ఇవ్వరాదు. ఎందుకంటే వారి జీర్ణ వ్యవస్ధ అతి సున్నితంగా వుండి ఘన ఆహార జీర్ణక్రియకు దోహదం చేయదు. బిడ్డకు ఆరు నెలలు వచ్చిన తర్వాత, వారికి అతి నెమ్మదిగా ఎంపిక చేయబడిన ఆహార పదార్ధాలనివ్వండి. బేబీ ఘన ఆహారాన్ని తీసుకొని జీర్ణించుకోగలదనే దానికి కొన్ని సూచనలు గమనించండి.

బేబీ ఎటువంటి సపోర్టు లేకుండా తనంతతాను కూర్చోగలగాలి. బేబీ తన మెడను సరిగ్గా నిలుపగలగాలి. పట్టేటటువంటి పాలను నోటినుండి బయటకు తెప్పించటం చేయరాదు. బేబీ చక్కని వెయట్ పొంది వుండాలి. ఆకలి కలిగి వుండాలి. నోరు బాగా కదిపి నమలటానికి ప్రయత్నిస్తుండాలి. పెద్దవారు తినేటపుడు ఆసక్తిగా చూడాలి. ఈ చిహ్నాలు కనపడితే ఇక బేబీ ఘన ఆహారానికి సిద్ధంగా వుందని భావించాలి.

ఘన ఆహారంగా ఏమి ఇవ్వాలి?
మొదటి నెల పూర్తిగా మెత్తగా చేసిన అన్నం లేదా రాగి జావ, లేదా ఇతర ధాన్యపు జావలు తర్వాత మెల్లగా కూరలు, పండ్లు, గుడ్లు మొదలగునవి అలవాటు చేయాలి. పిల్లలకు ఆహారం ఇచ్చేటపుడు ఎల్లపుడూ మీ చేతులు, వారి ఆహారపు గిన్నెలు పరిశుభ్రం చేస్తూ వుండండి.

పండ్లు లేదా కూరలు ఇచ్చేటపుడు వాటి తొక్కలు తీయడం అందులో వున్న గింజలు తీసివేసి గుజ్జులా చేయటం చేయాలి. వీరు తినే పదార్ధాలకు, ఉప్పు, షుగర్, తాలింపులు, తేనె, లేదా ఇతర తీపి పదార్ధాలు కలుపకండి. పిల్లలు సహజంగా పండ్లలోని తీపిని, కూరల లోని రుచిని ఇష్టపడతారు.

ఘన ఆహారం తినటం మొదలయ్యే సరికి పిల్లల మలం రంగు మారుతుంది,గట్టిపడి వాసన కూడా వస్తుంది. కొంతమంది బేబీలు ఘన ఆహారానికి త్వరగా అలవాటు పడరు. అయినప్పటికి ఇవ్వటం కొనసాగిస్తూ వుంటే వారికి అలవాటు అయిపోతుంది.