మీ బేబీ పాల సీసా ఎంత శుభ్రం?

By B N Sharma

Published: Friday, May 11, 2012, 9:42 [IST]

మీ బేబీ ఎంతో చిన్నది....అతి సున్నితం. కనుక బేబీ ఆరోగ్యంగా వుండాలంటే ఆమెకు సంబంధించిన అన్ని అంశాలలోను శుభ్రత పాటించాలి. శుభ్రమైన గది, నేల, పడక, దుస్తులు, ఇతర వస్తువులు, అన్నిటికి మించి బేబీ పాల సీసా వంటివాటిపై మంచి శ్రద్ధ చూపాలి. బేబీకి బాటిల్ పాలు మొదలుపెడితే, ముందుగా మీ డాక్టర్ ను సంప్రదించండి. బాటిల్ ద్వారా పాలుపడుతూంటే, బాటిల్ శుభ్రంగా ఎలా వుంచాలి ? అనేదానిపై కొన్ని చిట్కాలు చూడండి.

బేబీ పాల సీసా శుభ్రతలు
స్టెరిలైజ్ - బాటిల్ ను వేడినీటిలో బాగా మరగనివ్వండి. బాటిల్ కొన్న వెంటనే దానిని ఇంటివద్ద శుభ్రంగా స్టెరిలైజ్ చేయండి. లేదా వేడినీటి ధార కింద కొద్ది నిమిషాలు కడగండి. బాటిల్ కు వుండే పీకను కూడా శుభ్రంగా వేడినీటిలో ఉడకపెట్టండి. క్రిములు నశిస్తాయి.

పాలు నిలువ - బేబీకి బాటిల్ పాలు పట్టేటపుడు చివరకు కొన్నిపాలు దానిలో మిగిలిపోతాయి. పూర్తిగా తాగలేదు. వాస్తవానికి బాటిల్ పాలకంటే కూడా బేబీ తల్లి స్తనం నుండి పాలు బాగా తాగుతుంది. బాటిల్ లో పాలు చివరలో వదిలేస్తే బేబీని తాగమని బలవంతపెట్టకండి. ఆ మిగిలిన పాలను పారపోయండి. వాటిని నిలువ వుంచితే, బాక్టీరియా పెరిగి వాసన వస్తుంది.

బాటిల్ పొడిగా - బాటిల్ ఎల్లపుడూ పాలు పోసే ముందు పొడిగా వుండేలా చూడండి. మొదటగా బాటిల్ వేడినీటిలోను, తర్వాత చల్లని నీటితోను కడగాలి. వెంటనే శుభ్రమైన పొడి గుడ్డతో తుడవాలి. బాటిల్ తడిగా వుంచి మూత పెడితే, వాసన వస్తుంది.

బాటిల్ పీక బాగా రుద్దండి - బేబీ బాటిల్ ప్రతిసారి కడగకపోయినా పీకను మాత్రం ప్రతిరోజూ వేడినీటిలో స్టెరిలైజ్ చేయాలి. బాటిల్ లోపలి మూలలు, మూత, పీక శుభ్రంగా కడగాలి.

బేబీ పాలసీసా ఎల్లపుడూ శుభ్రంగా కడిగి సరైన ప్లేస్ లో వుంచాలి. బేబీ దానిని నేలమీద పడవేసినా దాని పీక, బాటిల్ మరోమారు శుభ్రం చేయటానికి బద్ధకించకండి.