శివువుకు స్నానం చేయించటంలో మెళకువలు!

Baby

oi-Nageswara

By B N Sharma

Published: Thursday, April 5, 2012, 14:04 [IST]

పెద్దలుగా మనకు స్నానం అంటే ఎంతో ఆనందం. దానికి ఎట్టి ప్రాధాన్యతను ఇవ్వకుండానే హాయిగా బాత్ రూమ్ ప్రవేశించి, ఏ నీరు కావాలంటే ఆనీరు వాడి ఆనందాన్ని పొందుతం. ఏ రకమైన సబ్బు అయినా వాడటం, ఏ రకమైన నీటిని అయినా వాడటం, ఏ రకమైన టవల్ అయినా ఉపయోగించేయడం వంటివి చేస్తాం. కాని పిల్లలవద్దకు వచ్చే సరికి ఎంతో జాగ్రత్త అవసరం. అందులోను నీరు తగిలితే ఏడ్చేపిల్లల విషయంలో స్నానం చేయించడం మరింత కష్టం అవుతుంది.

ఒక శిశువుకు స్నానం చేయించాలంటే, మహిళ ఎంతో శ్రమ పడాలి, అందులోనూ కొత్తగా పుట్టిన పసిబిడ్డలకు స్నానం చేయించడం అంటే కనీసం ఇద్దరు మనుషులైనా వుండాలి. పూర్తి శ్రధ్ధ పెట్టాలి. ఏ మాత్రం అశ్రధ్ధ జరిగినా మీ బిడ్డకు హాని కలగటం జరుగుతుంది. మరి బిడ్డలకు తేలికగా స్నానం చేయించేందుకు వారిని ఆనందపరిచేటందుకుగాను కొన్ని చిట్కాలు పరిశీలించండి. చూడండి. ఈ చిట్కాలతో ఎటువంటి అధిక సమయంలేకుండా, ఎటువంటి అంతరాయాలు లేకుండా తేలికగా ముగించేయవచ్చు.

స్నానం మొదలుపెట్టే ముందర, వేరొకరు అందుబాటులో వుండేలా చూడండి. ఆ 15 లేదా 20 నిమిషాలు బేబీకి స్నానం చేయించే సమయంలో మీరు పూర్తిగా నిమగ్నమైపోవాలి. స్నానానికి అవసరమైన వస్తువులు అందుబాటులో పెట్టుకోండి. ఇది అంతరాయం లేని స్నానం బిడ్డకు చేయించటానికి తోడ్పడుతుంది. బేబీకి ఆహారం తినిపించేటపుడు ఎంత శ్రద్ధ పెడతారో, స్నానం చేయించేటపుడు కూడా అంతే శ్రద్ధ పెట్టండి. మీ చేతికి దూరంగా బిడ్డను ఎట్టిపరిస్ధితులలోను వుంచకండి. బేబీలు వారికి వుండే కుతూహలం కొద్ది చేయిపెట్టి సమస్యలు తెచ్చుకుంటారు.

సాధ్యమైతే బేబీని బాత్ టబ్ పై కూర్చోపెట్టండి. టబ్ లోపల ఒక సీటు వేయటం కూడా మంచిదే. వేసే సీటు సౌకర్యవంతమైనదిగా వుండేలా చూడండి. స్నానం నీరు ముట్టుకుంటే గోరు వెచ్చగా వుండాలి. అధిక వేడి వుండరాదు. అయితే, మొదలుపెట్టే ముందుగా బేబీ కాళ్లు తడపండి. బేబీని టబ్ నుండి సీటుతో సహా తీయకండి. అది ఒరిగితే ప్రమాదకరం. స్నానం తర్వాత, బేబీని ఒక పెద్ద టవల్ లో చుట్టి తడిఅంతా తుడిచేయండి. అధిక నీరు తుడిచేయటానికి టవల్ వేసి అద్దటం మంచిది.